念念不忘 都冇迴響: 自由

系情人節果日我有份功課要交，做到5成休息陣果時碌ig,突然見到游爍嵐個private ig有story睇。同大家分享D好戇居嘅嘢，唔知大家會唔會啦，姐係當你想睇一個人嘅ig story，但又唔想比佢發覺你睇咗嘅話，你可以撳落去下一個人個story，之後有技巧地一隻手撳住個mon，用幾隻手指數去前面，咁你就會見到你想睇嘅story。反正我就用緊呢個方法去睇游爍嵐個story啦，費事第1秒就睇搞到我好得閒咁，劇情就係咁老土，一咁落去就見到：

佢同一個男仔嘅合照，總之加埋個caption就係出咗Pool嘅意思。個男仔個樣比個emoji遮住咗，所以我完全唔知係邊個。

見到嗰一下我真係呆咗，即係其實我一直都知總會有一日呢件事會發生，但係冇諗到發生嗰陣時我係會呆左。其實一直以來，我都好想搵個理由比我自己唔再鍾意佢，直到發覺佢真係拍拖，我呆咗成分鐘之後竟然開咗首《終於理解自由》聽：

「我終於了解自由 不是都是心碎了後才懂
是安靜的時候 是沒有人守候
也不需要任何人在身等候
我終於了解你我


是最美麗的擦肩而過
沒有了妳的我 還是一樣灑脫
如果有一天再遇見妳時候
我會微笑點頭」

我聽完之後打咗幾個俾你個朋友邀請佢哋當晚同我落班飲酒，然後竟然默默咁樣繼續完成我篇論文，而家會想返到覺得我真係好勁。

//
到我冷靜左一大輪之後我先夠膽開返幅相嚟睇，其實我回想到佢以前咁鍾意整蠱我，今次佢會唔會係P圖整蠱大家呢？以前我啲中學同學有其他人都試過咁做，所以我又覺得成件事唔出奇。
抱住呢個諗法我開返幅相嚟慢慢研究佢啲光暗同埋邊邊位，結果又覺得好似有啲破綻雖然我唔敢肯定，懷住呢個半信半疑嘅心態，其實我都冇嘢可以做到。



但係一諗到咁，再加埋寫片論文用左個時間，我就打返比啲friend叫佢哋唔使陪我飲酒。我唔記得嗰晚我有冇自己飲酒，但係我覺得如果係佢一公布嗰日我就醉咗，成件事又幾明顯，所以最尾我都冇醉到，人生從來都冇試過咁清醒。

//

夜晚嗰時無啦啦有D hall-mate 打俾我同我傾偈，講吓嘢啲人話點解我今日咁靜？佢哋講笑咁問我係咪失戀？嗰陣我忍唔住答咗句係。我D hall-mates全班都好驚訝，因為我就當然唔會同佢地講遊爍嵐嘅事啦。

「冇，我有個單戀咗好耐嘅中學同學，佢畢竟出咗pool。」

「不過...我唔知佢張圖係真定假，可能佢係呃我地。」



係我啲hall-mates嘅慫恿之下，我screenshot左遊爍嵐個story比佢地，佢地話：「條女幾靚，想睇埋條仔個樣。」我果陣就發現咗一個極大嘅破綻，我唔記得遮住遊爍嵐private ig個名，佢個帳號名就係佢個英文名，所以成件事都幾盞鬼，稍為思考下就會覺得有少少唔對路：如果我鍾意個男仔佢喺大學出咗Pool，我理論上唔會識個女仔亦都唔會follow到佢(?) 反正好彩我D hall-mates果陣太興奮，佢哋好似發現唔到，我都因此謝天謝地。