念念不忘 都冇迴響: 外篇：報紙

偶爾碌IG，先發現原來我follow咗某啲星座page。我本身就唔覺得自己係個星座撚，但係我記得一開始我睇星座嘅原因。

果陣中三我地坐隔離嗰陣，閱讀時間只可以睇報紙。報紙咪每日有啲星座運程嘅，有一次我太無聊走咗去睇，遊客嵐話

「逢四月生日嘅人，都要對姓遊嘅人好，就會得到好運。」

一開始我仲好認真咁睇吓佢想講乜，聽完之後真係笑咗。從此每一日我睇星座都會順便睇埋佢個星座，笑到今時今日我見到啲星座文，我都習慣性會睇兩個星座。

//



星座嗰版下面有數獨，喺學校嗰陣都係唔俾玩嘅，我本身都唔識玩所以從來都冇留意過，直到有一日遊爍嵐教左我點挽，從此每個午休閱讀時間我都玩緊數獨。

//

至於我哋唔收閱讀份報紙係點嚟嘅呢，就係每個同學都要訂報紙，然後每次閱讀時間之前就要自己去窗邊拎報紙。我記得嗰陣一開始因為我坐得近個窗所以我會幫遊爍嵐拎報紙，直到後來即使我唔近個窗我都會幫佢拎，就咁我幫佢拎咗成年報紙。我好鍾意每一次幫到佢佢會同我講唔該果下。全件事好幼稚，但係冇事幫到佢做啲咩都好我都會好開心。
//

我地個通識老師分享過，食完飯之後瞓覺瞓15分鐘，對全日嘅表現力提升有幫助，喺度感謝學校設立左午間閱讀時間，另我有無數嘅回憶，同緊重要嘅係表演力嘅提升。