只屬於我們的獨特戀愛關係: 10. 拖延症（2）

前男友：【我好似漏咗公司張報稅單喺你度】

分手半年，在一個寂寞的夜晚，前男友首次發短訊給我。這半年一直沒有不必要的聯絡，我們分手分得很乾淨俐落。

即使兩個人已有一段時間沒有聯絡，只要其中一方願意發個短訊，而另一方亦有心，故事就能繼續。

暫停聯繫前的感覺像遊戲存檔般立即載入，並不會有中斷過的錯覺，至少在我眼中是這樣。朋友如是，舊情人如是。

我：【你要返正本？定scan copy？】我隔了半個小時才回覆他，分手時收執細軟的感覺頓時又湧上心頭。
前男友：【正本，Thanks】


前男友：【你最近點呀？】
我：【我順豐俾你啦】
前男友：【我嚟你度拎，或者一齊食餐飯？】

我沒有回覆，因為沒有見面的必要。

也不是不想瞭解他的近況。

只是決定分手了，就不希望再次打擾對方平靜的生活。



不然難得疏理順滑的情絲，重新打結很麻煩。

前男友：【我到而家都仲會掛住你】
我：【咁我有時都會諗起你嘅】
前男友：【我覺得兩個人身處喺同一空間，可以自在咁做自己，係最理想嘅終生伴侶】
我：【靜落嚟，反思咗我地嘅關係問題係缺乏交流同溝通，好似同屋主咁】
前男友：【我認為咁係有信任同安全感嘅表現...】
我：【我會諗，從此我幾十年嘅人生係咪一直都係咁過？】
前男友：【對唔住，係我對維持關係懶散咗，以為你同我一樣咁獨立，無意識到你都有想被呵護同寵愛嘅需要】
前男友：【我搵唔到另一個可以取代到你嘅人…真係搵唔到…我想你返嚟我身邊】


我：【我一直都話，只要唔簽紙，我可以同你過一世】
前男友：【點解你係都要咁堅持姐…】
我：【呢句話應該係我問你...】
前男友：【算啦，我地唔好再嘈…】

我：【（輸入中）我幫你交咗半年電話費，可唔可以得閒過返數俾我？】

長時間的冷戰很浪費時間，一天還是一個月都是一樣的結局。問題的徵結最好盡快解決。

我的意思是，若果解決不到那件事，可以考慮解決那個人，霸道又方便。

但是作為一個討厭下決定的人，最好我是被解決的一個。

算了，那丁點錢不追了。



想起了這些偶斷絲連的「聯繫」，我把Spotify跟Netflix家庭Plan一併暫停了。

讓我們故事中的聯繫暫時中斷一下，遊戲載入後又發展了一步。

【（刪除中）……】

該回些什麼呢？絞盡腦汁想破頭也沒有結果。

還是不要回覆較好。

這次他輕易放過我，沒有像五年前一樣無視我的冷漠。

很好。

他替我選擇了。



拖延症有時能幫助我解決問題。

這不過是隨口一句問候，算些什麼？

Take it easy.

別再陷入無謂的輪迴。