只屬於我們的獨特戀愛關係: 19. 湯渣 （3）

幾杯酒進肚子，氣氛又放鬆了一點。

我裝作不經意：「話時話，你個移民女點呀？」

「哦。無點呀。」他說：「佢仲有一個月就飛囉。」

我目不轉精地著藍天。

藍天說：「早幾日陪咗佢去塔門郊遊。」



我一方面很高興他對我誠實，另一方面心裡又少許不悅。

我心裡想，他不是說過不要見她嗎？而且藍天也沒和我出去遠遊過。

他這句說話像是在提醒我，他是一個有女朋友的人。

但明知道會分手又沒有名份的關係到底又算不算女朋友？

我還有可能嗎？



「你會唔會好唔開心？」我問。

「個感覺好奇怪，比起好唔開心，反而覺得似一個好熟嘅同事last day或者細個升唔同大學嘅感覺。」

「點可能拎女友同同事嚟比。」

「係，但又真係似。即係會有不捨，但你明白，會接受現實囉。」藍天說。

我說：「我明明地。咁樣做人好悶好無火，乜都要成熟，連離別都要成熟。」



「我地都有想做嘅事，要對自己負責，唔應該為他人而放棄。即使拍拖都係獨立嘅個體。」藍天說。

「你見另一半嘅頻率好疏？」

「唔一定嘅，想見咪見囉。」藍天說：「但都唔會好似以前咁日癡夜癡，咁樣個人會無進步。」

「聽起上嚟關係好疏離呢。」

「唔係呀，情感上好親密。因為我地都唔係因為關係先要定期見面，而係想見先至見面。」

可是這幾句說話又讓我覺得他對女友的感情很薄弱——正如他所說，他不需要她。

藍天說：「你明唔明，係想要同需要嘅分別。被需要係會為我帶嚟好大嘅壓力。」