因為我個仆街老豆 我被下了一個賓周會變短的詛咒: 8. Miss Lui的過去
「我讀中學嗰陣有一個男同學叫阿威，同你其實有啲似，又係文武全才，讀書叻，打波勁，唱歌又好聽，雖然唔算好靚仔，但已經夠迷倒唔知幾多女同學， Missie亦都唔例外，好快已經鍾意咗佢… 我好好彩，自從中二同佢一班後就一直都同佢同班，加上佢性Lo，我姓Lui，所以佢永遠都係早我一個學號，令到我地好易有機會接觸。久而久之我地成為咗好朋友，不時會一齊溫書、踩單車、行山，間中又會講下電話…
不過雖然Missie好努力，但阿威就一直不為所動，佢對我好溫柔，但只係限於朋友嘅好，所以中學最後嗰幾年，我就係咁喺既快樂又痛苦嘅情況下渡過， 直至上到大學無耐，因為一個契機佢終於比我感動到，接受咗我同我一齊… 單戀咗咁多年終於有回報，嗰刻我真係覺得自己係全世界最幸福嘅人…」
說到這裏Miss Lui在眼泛淚光的同時嘴角亦不自覺揚起一個幸福的笑容。
「同阿威一齊真係好幸福，佢好溫柔，好錫我，樣樣嘢都以我為先，只要我唔開心或者需要佢嘅時候，佢永遠都會及時出現喺我身邊，而我亦都好自豪我嘅男朋友係一個咁完美嘅人，眼中除了佢根本再裝唔落任何其他嘅嘢。同佢一齊後，我渡過咗人生最開心幸福嘅一年多時光。
但過得太好或者上天真係會妒忌，就喺我人生過得最燦爛嘅時候，上天同我開咗個好大嘅玩笑… 有一日同同下阿威一齊嘅時候，佢突然話睇嘢好矇，然後過多陣就突然暈低咗喺街，去到醫院做電腦掃瞄，先發現佢個腦生咗個5cm嘅腫瘤，要即刻做手術同化療… 可惜手術清唔晒個腫瘤，持續化療嘅副作用亦逐漸催毀阿威嘅生命力…
但縱使佢身體承受著極大嘅痛苦，佢都從無喺我面前抱怨過啲咩或者試過發我脾氣，為咗唔想我擔心，佢對住我永遠都只會展露佢嗰個好溫柔嘅笑容，然後為咗我好努力好努力咁堅持，但背後我知佢自己其實偷偷地喊過好多次…
直至兩個月後佢知道自己都係敵唔過癌細胞嘅威力，留彌之際佢先終於第一次抱怨個天話個天唔比佢照顧我一身一世，怨自己點解唔早啲接受我同我一齊… 不過之後佢又話覺得咁都好嘅，因為咁我地少啲經歷之後我會無咁傷心…. 你知唔知睇住自己最著緊嘅人由健康到到病入膏肓，奄奄一息，睇住佢被病魔折磨到不似人形而自己又乜都做唔到嗰種感覺有幾難受? 你知唔知睇住你深愛嘅人嘅生命從你身邊逐分逐分咁消失最後離開咗你嘅嗰種痛有幾痛? 」
說到這裏，Miss Lui又開始激動失控，淚流不止。
李乘風走到Miss Lui旁邊，用沒有受傷的手輕輕抱著Miss Lui。
「Missie，我點會唔明你感受呢… 之前我媽咪肝癌病發，你經歷過嘅我都經歷過， 而且嗰個仲要係我最後唯一嘅親人…」想起媽媽，又受Miss Lui的故事所影響，李乘風的眼淚亦開始緩緩流下。
「不過正因為經歷過，所以我好明白對於哩種痛苦，再多安慰嘅說話都係無用，唯一可以稍為安撫我地心靈嘅，就係有人可以一直陪住自己… 所以將你咁耐以嚟積埋積埋嘅唔開心一次過喊晒出嚟啦，我會一直喺度陪住你… 」李乘風把Miss Lui的頭枕在自己沒有受傷的膊頭，並用手輕輕拍打著Miss Lui的背部以示安慰。
彷彿找到依靠，Miss Lui雙手抱著李乘風在他臂彎下再度痛哭起來。
過了一段時間，Miss Lui漸漸止住了哭聲，轉了一轉身倚傍在李乘風左邊，雙手側仍撓了一個圈環抱著他，然後繼續說道
「之後我受唔住打擊，意思消沉，覺得人生無晒色彩同意義，最後要伸請罷學一年先可以慢慢從悲痛中走返出嚟繼續完成埋個學位… 所以我好明白點解阿K要咁做，亦好明白阿Cream最後嘅抉擇… 哩幾年我慢慢將哩段回憶收得好埋好埋，彷佛好似無晒事咁，但啱啱套戲令我諗返起晒以前嘅嘢，埋藏咗咁多年嘅感情好似一次過被挖返晒出嚟，所以先攪到咁失態，令你擔心唔好意思…」
「“人一旦習慣了孤獨，那才是比悲傷更悲傷的事”… Miss Lui，其實哩幾個月，好彩有你陪我我先可以從孤獨中慢慢走返出嚟。所以今日我都好希望一切可以調返轉，等我好好陪住你，將你從以前嘅悲痛中救返你出嚟… Missie你話我同阿威好相似，正如戲中所講，”我們的相遇是命中注定，任誰也沒有辦法取代”，其實你唔覺得冥冥中係有種緣份將我地彼此拉近?」李乘風成熟地說道。
這時Miss Lui抬頭望向李乘風，發覺他的臉容竟慢慢變得模糊然後和阿威的樣子重疊起來，縱使她知道不可能，但強裝了堅強那麼久，今天她還是很想軟弱放縱自己一次。
「今晚可唔可以留喺度陪我比我挨住你咁瞓?」她把頭放在李乘風的懷裏問道。
「莫講話今晚，以後晚晚只要你有需要我都會喺你身邊…」李乘風把頭放到Miss Lui的頭上用力把她抱緊然後說。
「多謝你…」彷彿終於得到倚靠可以安心休息一會，Miss Lui緩緩合上眼睛說道。
我不羨慕 太陽
照不亮你 過往
有些黑暗 我們 都一樣
我太嫉妒 時光
能離開得 大方
不用開口 也就無需 躲藏
有一種悲傷 是你的名字停留在我的過往
陪伴我呼吸 決定我微笑模樣
無法遺忘
有一種悲傷 是笑著與你分開 思念卻背對背張望
剩下倔強 剩下合照
一張
成為彼此的路 多嚮往
怎會失去方向
有一種悲傷Oh~
留在我過往 無法遺忘Oh~
有一種悲傷 是你義無反顧 讓愛成為 我身上的光
給我溫暖 卻不准我
遺忘
有一種悲傷 不想要與你分開 思念才背對背張望
你是所有 你是合照
一張
這晚二人就這樣互相半倚半抱挨著床頭睡覺，雖然位置和姿勢不怎樣理想，但也許大家都因為找到了倚靠能安心地把面具暫時放下不用再裝，在歌曲不斷俳徊在二人腦海的情況下竟難得睡了一個好覺。
到到第二朝李乘風緩緩打開眼睛，手臂傳來的麻痺感讓他皺了一皺眉，但發覺Miss Lui仍在睡夢狀態，他不忍心弄醒Miss Lui便只好繼續忍著。望著Miss Lui的眼邊仍有淚珠，李乘風忍不住把頭移低輕輕在她額頭上吻了一下。
(Miss Lui，我終於明白點解我受傷你會咁嬲… 我應承你我以後一定會照顧好自己，然後代替阿威好好咁疼錫你照顧你，唔會再比你傷心難過…)
這晚過後，二人都有默契地沒再提起阿威的事，生活彷彿一切如常，但大家其實心底裏都知道有些事情是改變了，他們都再回不去只是單純的師生關係，李乘風一早已經不可以，而呂家寶從那天起亦不可以。