三場表演轉眼就順利完結,整個musical空前的成功讓校方都在考慮要不要把這活動恆常化以後每年或是每兩年也舉辦一次,就連在連登,都有很多人因為故事去捧場,大家都讚不絕口。
 
隨著最後一日表演的完美落幕,大家都依依不捨有點失落,付出了半年的心力,轉眼去到尾聲,大家都覺得有點像發了一場夢,不捨得離開後台,彷彿一離開這夢便會完結要夢醒。
 
「好喇,我知大家都好唔捨得,不過已經好夜劇院都要關門喇,嚟緊我地會攪場慶功宴到時我地再聚啦~」Miss Lui面對場地工作人員的催促只好對學生說道。
 
這刻望著Miss Lui,李乘風很感激當天她逼迫自己參選了男主角的選拔,讓他得到了前所未有的體驗。
 
「乘風,辛苦你喇,終於完美落幕,多謝你哩半年嘅陪伴! 好開心可以同你合作做男女主角呀~」當大家都在離開場地,周紫盈把握機會走到李乘風旁和他說道。
 


「我都好多謝你陪咗我哩半年帶咗咁多回億比我呀,辛苦晒~」李乘風笑著回應。
 
「不如我地兩個去搵個地方食糖水當慶祝下?」周紫盈問。
 
「嗯...唔好喇,我有啲累,下次先啦~」李乘風想了想後回答。
 
「咁好啦... 遲啲見~」說完周紫盈略帶失望便離開了。
 
 
不過李乘風離開會場之後卻沒有回家,而是去到Miss Lui屋企門口,可是按鈴後卻沒有人回應。


 
(可能仲未返到?)  於是他便直接坐在Miss Lui屋企門前。
 
幸好過了二十分鐘左右,Miss Lui終於回來。
 
「咦,咁夜你喺度做咩?」看見李乘風坐在自己家前Miss Lui有點驚訝。
 
「我黎兌現我個願望㗎~」李乘風笑笑口說。
 
「駛唔駛咁心急呀?」Miss Lui沒好戲說道。


 
「驚你反口嘛~」其實李乘風只是找藉口見Miss Lui。
 
「咁信我唔過呀? 入嚟先講啦...」說完便開門和李乘風一起走進屋內。
 
「點呀,有咩願望咁急呀?」各自坐好後Miss Lui問道。
 
「我個願望好簡單,希望襯我仲有感覺,想同Miss Lui你飾演一次Elven同埋Rachel。」做戲做全套,李乘風當然有準備望著Miss Lui緩緩說道。
 
「就係咁簡單?」Miss Lui有點吃驚李乘風的願望是這樣一回事。
 
李乘風:「就係咁簡單,我之前都同你講過我淨係希望扮演Rachel嗰個係你啦...」
 
Miss Lui:「咁好啦...你想做邊段?」
 


李乘風:「咁就梗係結局嗰段啦~」
 
由於二人對劇本都熟到透,所以很自然便能入戲。二人在東壩章節開始你一句我一句說著對白,不過當Elven預備了蠟燭叫Rachel打開眼預備表白時,李乘風卻突然擅自改了對白。
 
「Miss Lui,好多謝你哩一年為我所做嘅一切,喺我媽媽過身後,你將我從孤獨解救咗出嚟,之後雖然我做咗啲好過份嘅事傷害咗你,但你都肯原諒我仲一直繼續陪住我,到到我之後受傷,你又不辭勞苦咁照顧我,亦因為咁,我知道咗你傷心嘅過去... 然後哩半年,因為你嘅鼓勵,我參與咗哩個musical仲做埋男主角得到一段好寶貴嘅經歷,我心入面對你真係有無限嘅感激...
 
其實自從知道咗嗰晚自己對你做過啲咩後,我就再唔可以用學生睇老師嘅角度去睇你,然後我發現你係一個好善良嘅人,對所有人都好好,又爽朗直率,同你相處真係好簡單好舒服, 我知自己越嚟越鍾意你,但當然我都明白以我地嘅關係,我根本無可能高攀得起你...
 
不過當我知道咗阿威嘅事,我突然覺得我地之間係有種緣份連繫,當我孤單無助嘅時候,你出現救咗我,而我又恰恰同阿威有啲相似可以填補你內心嘅空洞... 或者同一時間係上天都希望你救我嘅同時我亦要救返你出嚟,好似K同Cream咁我地係要互相倚靠? 聽落好虛無縹緲,其實我亦唔care係真定假,我淨係知道我真係好鍾意你,好想同你一齊,可以好好愛惜你撫平你所有嘅傷口,然後開心幸福咁生活... 所以藉今日嘅機會,我真係好想同你講Miss Lui,我愛你!」
 
聽完李乘風突然改了劇本的老土深情告白,Miss Lui亦像Rachel那樣有點反應不過來,不過沒等她整理好思緒,亦不用野牛的出現,她發現李乘風已經吻上了自己。
 
也許是真的被感動,也許是因為Musical順利完結心情得到放鬆,也許自己早已對李乘風產生了感情,這刻Miss Lui甚麼也不想去諗,只是想率性而為,好好放縱自己的感情,不用再活得那樣累。她主動抱緊李乘風,然後積極回應著李乘風的吻。
 
過了不知多久,唇分,滿臉通紅的Miss Lui不好意思望向李乘風,然後把頭放在他肩膊上望著大門說道


 
「夜喇,你快啲返去啦,唔係無車走㗎喇... 哩一個吻,就當係Missie比你嘅獎勵啦...」Miss Lui嘗試合理化自己剛剛的行為。
 
「但我今晚唔想走...」李乘風猶豫了一會說道。
 
「唔得!今晚 一定要走!」Miss Lui突然很激動從李乘風懷抱走了出來望著他說道。
 
「點解?我又唔係未喺度瞓過...」李乘風不明白。
 
「今晚唔同! 我知如果你今晚留喺度,就一切都返唔到轉頭...」Miss Lui迴避了李乘風的眼神把頭轉向了另一邊緩緩說道。
 
「我就係唔要返轉頭...」說完李乘風再度抱緊Miss Lui然後吻上她的耳珠和臉龐。
 
Miss Lui想推開李乘風,但她發覺對方的擁抱和溫度令自己混身乏力,身體完全用不出力推開對方。
 


「求下你唔好...」她只能用嘴巴盡最後努力哀求道,誰知話還沒說完很快嘴色便再度被李乘風的嘴唇封上。
 
李乘風知道若錯失今晚的機會確立雙方關係,下次不知要等到何年可月才能再有像今晚這樣完美的契機。
 
「有啲嘢要嚟嘅點都要嚟,避唔到㗎... 無人知將來會發生咩事,如其痛苦掙扎點解唔把握時間珍惜當下? 」知Miss Lui已失去反抗的勇氣,說完李乘風便把Miss Lui攔腰抱起並向她的房間進發。
 
李乘風最後的說話,讓Miss Lui突然想起阿威臨過身前曾經說過後悔自己沒早點接受自己,到最後先發覺二人一起的時間原來只有這麼短暫,便也認命般任由李乘風把自己帶回房中。