因為我個仆街老豆 我被下了一個賓周會變短的詛咒: 27. 發現

兩日後
 
李乘風和Daisy相約在前者放學後於一間Coffee Shop碰頭。
 
「點呀，依兩日家寶有無好返啲? 我今日落機就趕嚟都未有機會見到佢...」Daisy看見李乘風後問道。
 
李乘風:「佢今日返返學，氣色好返啲喇，但都仲覺得佢係鬱鬱寡歡咁.. 」
 
Daisy:「佢一定係有事發生咗，近排對我其實都係怪怪地，有時好似欲言又止咁...」
 


「咩事都好，我最驚係佢身體，哩個月加埋差唔多瘦咗成個圈咁，但平時佢又唔比我照顧佢... Daisy你近排喺香港嗰陣可唔可以留喺屋企幫我多啲睇住佢?」李乘風希望Daisy能幫手看顧Miss Lui。
 
「睇嚟家寶真係無揀錯人，你越嚟越有好男朋友嘅影子呀下~」望著李乘風一臉憂心和緊張的樣子，Daisy笑了一笑，由衷替家寶開心。
 
「當你真係愛一個人，就自然事事都會以佢為先，依家Miss Lui就好似我心頭塊肉咁，不過哩段時間可能就要委屈下你同David少咗時間見面喇...」想起Miss Lui李乘風甜甜說道。
 
Daisy:「好小事啫，家寶係我最好嘅朋友，David會明嘅，哩段時間我都會繼續明查暗訪睇下查唔查到家寶到底做咩。」
 
李乘風:「唔該晒...咁保持聯絡。」
 


 
接著幾天Daisy不斷旁敲側擊Miss Lui但都得不到甚麼有用的資訊，Miss lui甚麼也不肯說。但因情況持續不見好轉，Daisy越來越擔心便決定開始偷偷翻查Miss Lui的私人物品看看會不會有意外發現。這天當她襯Miss Lui返學正在翻查她房裏的櫃桶時，發現了一樣熟悉的東西。
 
(事後丸同避孕丸?仲要係我用開嗰隻牌子喎! 哩個呂家寶真係錫佢學生錫到濃...不過我就睇錯咗李乘風！哩啲藥副作用咁大，點可以為咗滿足自己比家寶食㗎！我一早決定唔要小朋友先肯滿足David要求啫，但家寶咁鍾意小朋友... ) Daisy搖了搖頭便把藥放回原位然後關掉櫃桶。
 
(咪住！上次李乘風話近排家寶都唔比佢掂佢，唔通... 家寶，我信你唔會㗎，唔好令我失望呀...)突然間Daisy想起了李乘風上次的說話引起了她其他的懷疑。
 
可惜又過了個多星期，當Daisy再查看Miss Lui櫃桶時，發現事後丸的數量比上次看見時少了兩粒。
 
「李乘風，近排有無咩update?」她立即whstapp了李乘風。


 
「無呀，佢仍然乜都話無事...」李乘風放學後回覆。
 
「佢係咪仲係唔比你掂佢?」Daisy乘勢再問。
 
「嗯...」
 
Daisy見到李乘風的回覆後，頹然坐到了地上。
 
(家寶...點解呀?)
 
避免為他們的關係做成裂痕，也避免污衊了Miss Lui，Daisy沒有把自己的懷疑告訴李乘風和David，她決定要自己先去尋求真相。
 
另一方面，縱使每次鄭子誠都有新的要求去滿足自己獸欲，但除著被他一次又一次的糟蹋，Miss Lui亦漸漸感到麻木，開始認命接受了現狀。
 


(捱到乘風升大學我就同佢坦白，如果個禽獸真係要將段片放上網，我就辭職然後去外國生活，到時乘風願意跟我走就走，想留喺香港就留啦， 反正到時段片對佢影響應該都唔會太大，只會當佢係受害者，我先係水性楊花嗰個淫賤老師， 咁應該係最好嘅解決方法...)
 
想通了，有了目標，雖然不至於完全沒事，但Miss Lui的狀況至少也算是比之前好了點，臉上的笑容亦再沒之前那樣牽強。
 
 
又過了幾天，身處日本的Daisy突然收到有同事想要調更的要求，於是靈機一觸便決定無聲無色早了一天回香港。本身她想通知David一聲，誰知剛拿出電話時碰巧有人找她轉個頭便忘記了，也許這亦是天意吧。
 
經過了個多月的磨合，鄭子誠和Miss Lui之間亦有了基本的默契，就是五六日Miss Lui都要陪李乘風，而鄭子誠有了基本滿足也不想攪大件事引人懷疑所以多數也是襯閒日Daisy不在香港的時間才要求Miss Lui "侍寢"。由於這天Daisy不在香港，他便又把握機會傳召了Miss Lui去酒店。
 
Daisy傍晚落機後並沒有回家，把行李暫存在智能櫃後，她便在家樓下暗處躲藏著，看看會不會有意外發現。
 
同時間，因為Miss Lui不准許李乘風閒日上自己家，所以自從Miss Lui病倒後，李乘風亦有個習慣就是他亦會每日躲藏在Miss Lui家附近直至看見Miss Lui上了樓他才會安心離開。
 
這天他如常在等著Miss Lui回家，當看見Miss Lui入了大廈並打算離開時，卻無意間發現了Daisy正躲在另一個位置亦望著Miss Lui。
 


(Daisy? 佢喺度做咩?)
 
李乘風正想過去找她，但轉頭又想對方不告訴自己會不會也是有事暪著自己，於是便也以不變應慢變繼續藏身於某處靜待事態發展。
 
本身Daisy打算等到八點半後便放棄收隊，不過等到八點左右，她便看見換了衣服的Miss Lui再度出現在她眼前，並很快便上了的士。Daisy立即截了另一架的士緊隨其後，而李乘風見狀當然亦只能照跟。如是者，三架的士便一架緊接一架到達了酒店現場。
 
(酒店? Miss Lui/家寶嚟做咩?) 這是Daisy和李乘風同樣的疑問。
 
偷偷跟踪著Miss Lui，但由於沒有酒店卡，亦不能跟Miss Lui進電梯，Daisy只能等Miss Lui進入升降電梯後再看看停留了在甚麼層數。不過由於這對調查也沒甚麼作用，她思考良久後還是拿出了電話作出了一個艱難的決定。
 
「Richard，如果你對我仲覺得愧疚，就幫我一個忙...」
 
不久，一個男子手拿著張紙來到大堂。
 
「哩張係住哩幾層嘅所有住客名單，哩張係酒店卡可以幫你去晒咁多層。」男子解釋著。


 
「好，唔該」Daisy說完便轉身離開。
 
「Daisy… 當年對唔住呀...」男子捉著Daisy的手說道。
 
「都過去喇... 你今日幫咗我哩個忙，我地就當兩清啦，再見」Daisy輕輕掙開了手說。
 
「有咩需要再幫手隨時搵我，再見...」男子帶點失落地說。
 
 
Daisy在Lobby坐下，開始搜索著那住客名單，突然間，一個名字的出現讓她心情驟然跌到落谷底。
 
“1021 Cheng Tse Shing”
 
(David? 點解佢會喺度Book房?唔通...) 這刻Daisy已經臉如死灰。


 
遠處的李乘風看見Daisy臉上表情的變化，而且感覺到她好像找到上樓層的方法，便不再躲藏走向了她。
 
「Daisy… 」
 
「李乘風?點解你會喺度?」Daisy看見李乘風吃了一驚。
 
「我見你喺屋企樓下鬼鬼祟崇咁咪跟住你嚟囉...點解Miss Lui會嚟哩度?」李乘風解釋。
 
「我都唔知... 或者我地一齊上去find out答案啦...」事已至此，Daisy只好帶李乘風一起去尋找真相。
 
於是他們二人便一同到了10樓21號房外一個隱敝位置等著。
 
時間一秒一秒過去，他們都失去了說話的心情，就只是這樣默默地等待著。不安、疑惑充斥著他們的心靈，終於在等了漫長的個多小時候後，他們看見了鄭子誠從房裏出來。
 
「David?」李乘風並不知道對方的存在所以吃了一驚。
 
「Shu...」而早有預備的Daisy卻並沒有吃驚，只是叫李乘風不要作聲。她沒有出去質問David，因為比起原因，這刻她更想知道房裏的人到底是不是她。
 
就在David走後三個字左右，房門再次打開，一位女性從房裏走了出來。
 
「Miss Lui?」李乘風不自覺說了出口。