因為我個仆街老豆 我被下了一個賓周會變短的詛咒: 29. 分手
這一晚，李乘風整晚輾轉反側，久不能眠，心裏實在有太多疑問得不到答案。這一刻他仍不能相信Miss Lui會背著自己和另一男子在酒店開房，可是卻又控制不了自己會自動補完Miss Lui在鄭子誠身下承歡，媚態盡現的畫面。
心痛的感覺讓他渴望這一切到是假的。但若果不是那回事，又可以有甚麼合理原因去解釋自己剛剛所見的畫面?若一切都是真的話，那他們又是甚麼時候開始?自己這樣走了去是不是代表和Miss Lui已經結束? 這一切，他知道只有再見到Miss Lui時才能有答案。
幸好Miss Lui是他班主任，所以他們必定會再相見。縱使整夜沒睡，但這刻李乘風雖然疲憊非常卻完全沒有睡意。班務堂終於看見Miss Lui，樣子還是帶點憔悴，明顯睡眠不足，李乘風很想立即衝到台上抱著Miss Lui問她到底發生了甚麼事，但他知他不能這樣做。好不容易捱到落堂，他立即離開班房追向Miss Lui並把她叫停。
「Miss Lui!」
Miss Lui停下腳步，拎轉身望向他，但卻沒有出聲。李乘風很多話想說，但到開口時，才發現不知該怎開口，然後一句話也說不出。
Miss Lui見狀終於慢慢走向他，然後細細聲對他說
「我知你有好多嘢想問，今晚放學後上嚟我度食飯，我再解釋你聽…」說完Miss Lui便再次轉頭離開了。
懷著忐忑的心，李乘風放學後逛到差不多時間便來到了Miss Lui的家。
「嚟咗喇? 你坐陣，我就快煮好㗎喇。」打開門Miss Lui便說道。
明明這個本身屬於他們二人最漫暖的小天地，這刻李乘風坐在tatami上觀望卻突然有一種很陌生的感覺。
「攪掂喇，過嚟食飯啦。」不久，Miss Lui的聲音從另一邊響起。
望著枱上精美的三餸一湯，當李乘風把一啖飯送進口裏後，眼淚卻不爭氣地從眼睛流了下來。
「好難食咩?做咩食到喊呀…」Miss Lui心裏一痛但又裝作沒事問道。
「我以後係咪無機會再食到你煮嘅嘢…?」李乘風邊哭邊問。
「你見到琴晚嘅事，以後仲肯食我煮嘅嘢咩?」Miss Lui帶點自嘲反問。
李乘風:「家寶，其實琴晚到底發生咩事…」
Miss Lui:「咩事?咪就係你見到嘅事囉…」
「你...同David真係喺酒店開房…?」沉寂了一會李乘風艱難地問出。
「係…」經過一絲猶豫，Miss Lui最後還是答道。
「點解…」
Miss Lui:「因為… 我地見返後有返感覺，然後就一發不可收拾… 對唔住…」
得到Miss Lui親口確認，李乘風再不能自己替對方想一大堆理由去欺騙自己事實並不是自己所想，頓時心如刀割，心臟彷彿被斬了數十刀，然後完全被支解。
「但佢係你好朋友個男朋友… 」下意識李乘風想逃避找一些不牽涉自己的理由去說服Miss Lui不要再這樣，因為若用自己作原因他害怕Miss Lui再給的答案是自己所不能承受。
Miss Lui:「係我對佢唔住...不過愛情永遠都係自私，我會搵Daisy解釋…」
「咁我呢? 你有無諗過我? 點解你要咁對我…」無法再逃避，李乘風還是問出了自己最想問的問題。
Miss Lui:「正如剛剛所講，愛情係自私... 傷害咗你對唔住...」
「其實... 係咪我有咩做得唔好? 我會改㗎，你比次機會我唔好同David一齊啦!」李乘風嘗試掙扎。
「你無唔好… 唯一唔好係我地根本唔應該一齊… 我大你10年，又係你老師，我地真係唔應該咁㗎… 而且我需要一個年紀比我大照顧到我嘅人，而唔係年紀細我咁多要我調返轉去照顧嘅男仔…」頭一半是真心話，尾一半是Miss Lui隨意而說。
「但哩樣你一早知… 而且我都會長大，好快可以照顧你㗎喇…」李乘風還沒放棄。
「幾耐? 到你讀完大學畢業出嚟做嘢，最快都仲要五年! 之前有幾個moment，我真係比你感動到，但到到一齊咗我慢慢先發覺，我原來係接受唔到… 乘風，你信我啦，我地現階段真係唔適合，等你將來大個你就會明白…」Miss Lui冷漠地說。
「我唔明! 明明我地一直都好開心…」李乘風已哭得泣不成聲。
Miss Lui沒有再出聲，只能默默望著李乘風，隱藏著自己心裏的痛…
望著心上人因為自己正傷心欲絕，自己卻還要裝作沒事和無情，這種痛會比以為心上人已經變心不喜歡自己少嗎?恐怕沒人能給出答案。
「所以係咪無論我點做我地都無得掹?」過了一段時間，李乘風作出最後的哀求。
「其實我做咗啲咁嘅野你唔嬲㗎咩? 你點解仲會想繼續同我一齊?」看見這樣的李乘風Miss Lui感到痛心，但同時亦好奇。
「我都唔知… 或者我本身就一直覺得只係自己高攀緊你，所以只要你肯同我一齊我就已經心滿意足…」李乘風很單純地回答。
「你真係好傻…」Miss Luil被李乘風純粹的愛感動。
「或者鍾意一個人本身就係無常理可言…」是老土但卻是事實。
「咁我問你，如果我地繼續維持現狀繼續一齊，但另一方面我又繼續同David一齊，你接唔接受到?」這一刻如果李乘風肯接受，或者Miss Lui真的會因為不捨得而改變主意，一切保持原狀直至Daisy成功，又或是等到李乘風升讀大學。
「我...唔知得唔得...」李乘風很認真地想了想，但他真的不知道自己能否忍受。
「我都係亂UP下啫...我唔想一腳踏兩船，我更加唔想你對我嘅感情係咁卑微… 就算咁格硬繼續落去，我地大家都唔會開心，就好似近哩個月咁，仲會破壞咗你嘅愛情觀...」Miss Lui亦回歸了現實知自己根本不能handle。
「所以無論點你都一定要繼續同David一齊?」
「現階段係... 所以... 我地都係分手啦... 信我，當你之後搵到個更好更適合嘅女仔，你就會知道自己今日講嘅嘢係幾咁愚蠢㗎喇…」說出分手二字後，Miss Lui覺得自己的心已經碎掉了。
「無人會比你更適合我... 你係我嘅Cream呀!」李乘風大喊。
「但可惜，原來你唔係我嘅K… 對唔住，我唔想再面對你喇，你好好地食埋哩餐然後自己離開啦…最後，希望你可以好好記住我講嘅每一句說話。」Miss Lui知自己就快忍不住，於是便起身走回自己的房間內，一入房，眼淚已經停不了流下來。
好好記住自己嘅每一句說話，曾經她跟他說過，無論將來發生咩事，她對他都是真心，所有事都只是為他好，這是Miss Lui最後能為自己爭取所做的事。若他真的記得並相信自己，那將來，或者他們還能有重新開始的一日，這是她最後的奢望。
李乘風一邊喊一邊細心咀嚼Miss Lui為他預備的最後一頓晚餐，因為他知道當這餐晚飯完結後，他和Miss Lui就只是單純的老師和學生，他不想這餐晚飯完結。
這晚所有的食物都很鹹，他以為是因為自己的眼淚成為了調味料，但他又那會知道早在Miss Lui預備它們的時候，已落下比他更多的調味料...
默默吃完後，再依依不捨回望著屋內的一切，李乘風艱難地離開了。聽到關門的聲音，Miss Lui再也不用壓抑自己的聲線，在房內失聲痛哭起來。
(乘風，對唔住… 如果將來有日我可以回復自由而你又未有另一個，我一定會好好同你解釋跪求你嘅原諒，然後再用一生嘅愛去補償你嘅一切…)