方大同-三人遊
 
有些話妳選擇不對他說 妳說某種脆弱 我才感同身受
我永遠都願意當個聽眾 安慰妳的痛 保護著妳從始至終
就算妳的愛 屬於他了 就算妳的手 他還牽著 就算妳累了
 
我會在這
一人留 兩人疚 三人遊
悄悄的 遠遠的 或許捨不得
默默的 靜靜的 或許很值得


我還在某處守候著 說不定這也是一種 幸福的資格
至少我們中還有人能快樂 這樣就已足夠了
 
有些話我選擇保持沉默 別把實話說破 隱藏我的寂寞
妳的情緒依然把我牽動 躲在妳心中 角落的心事我能懂
就算妳的愛 屬於他了 就算妳的手 他還牽著 就算妳累了
 
不知道 不知道 不知道 為什麼 為什麼 我的愛
我的愛還留不住妳的離開 卻都總在 等待著妳回來

 


 
「Connie開心死啦~ 你男朋友依家成為全港人氣no. 1喇!」到了星期一lunch time Felix恭喜Connie。
 
「佢前晚真係唱得好好,好深情呀… 如果佢係對我唱就算要我即刻死我都死而無憾喇~ 」Vanessa立刻附和。
 
「邊有你地講到咁誇呀~ 」Connie表面上謙虛,但實質上人人都看得出她那種開心和自豪。
 
「咁你地琴日點慶祝? 」Colin問道。
 
Connie:「未呀,我地今日要考試,佢又咁啱話琴晚唔得閒所以今晚先慶祝呀~」


 
「Wooo~ 諗住點慶祝呀咁?」Colin續問。
 
「我專登請咗阿爸阿媽去食buffet然後諗住今晚親自下廚煮比佢食呀,始終佢依家變咗名人唔太適合出街。」Connie帶點尷尬地說。
 
「係喎…咁你地以後咪都要玩地下情?」Felix突然插嘴。
 
「我都唔知呀, 都要睇佢係咪真係想係哩行發展嘅…同埋本身我地嘅關係就無咩人知,佢唔鍾意我同人講㗎,我見係你地我先偷偷話你地聽㗎咋...」對這問題Connie也有點失落。
 
「攪錯呀! 唉,嚟緊實大把女仔埋佢身,希望佢唔會傷害你啦…」Colin突然有點擔憂。
 
「唔會嘅,我對佢有信心!」Connie眼中露出對男友充滿信心的眼神。
 
 
Lunch後,李乘風打了給周紫盈


 
「紫盈,琴日我溫書無陪你不如今晚過嚟搵你食飯補償返?」
 
「唔好喇… 我有啲唔舒服想抖下…」不知為甚麼,李乘風覺得周紫盈的聲線有點傷感和徬惶。
 
「唔舒服? 有無事呀?」李乘風關心問道。
 
周紫盈:「無… 應該有啲累啫…」
 
李乘風:「咁我過嚟睇下你啦。」
 
周紫盈:「唔駛喇,難得測完驗你今日休息下啦,我遲啲再搵你呀…」
 
「咁好啦,你好好休息下,我夜啲再搵你。」
 


李乘風感覺有點奇怪,因為周紫盈很少會拒絕自己去找她,不過可能真的因為不舒服,所以李乘風也沒太為意。
 
佷快,周紫盈亦回復了正常,甚至比之前更熱情,不時會打給李乘風或約他見面。只是因李乘風這段時間常常要實習,有時又要練波和為hall比賽真的比較忙碌,很多時候不得不放棄和周紫盈相處的時間。結果慢慢地,他發覺周紫盈的熱情也漸漸再次冷卻,對他亦越趨冷淡。
 
她不再主動會約他,和他談電話總是沒甚麼心機好像交完功課便會提出收線,等待她回覆message的時間多了但字數卻少了,有時要求和她親熱,亦多以身體不適為由而拒絕,就算有時願意也像完全失卻了熱情,這一切,都讓李乘風有熟悉的感覺。
 
「紫盈,點解你近排成日好似唔想理我對我冷淡咗咁多嘅?」
 
「唔係呀,可能係近排真係太累啫,同埋我地一齊咗咁耐都過咗成日要痴住嘅時間啦,咁咪自然唔駛見咁多囉…」
 
「紫盈,我地好耐無咩喇… 我想要…」
 
「我今日有啲唔舒服呀,一係我用手幫你?」
 
雖然心裏不舒服,但為了避免吵架,久而久之李乘風亦慢慢習慣接受了,只是把這些負面感覺埋藏在心。


 
 
直到又數星期後的一天,肥仔一個message讓他終於驚醒。
 
「李乘風,你近排同周紫盈有無嘢發生?」
 
「無咩呀,做咩咁問?」下意識李乘風說了謊。
 
「哦… 咁無嘢喇。」
 
「你係咪發現咗啲咩?」不過他亦知道肥仔不會無原無故這樣問。
 
「我啱啱見佢同另一個著得好密實嘅男仔一齊返咗hall,之後同其他同學傾開,佢地話佢地之前都見過幾次所以問下你啫... 作為兄弟提醒下你咋,未必真係我地諗嗰樣嘢嘅…」肥仔婉轉地說道。
 
周紫盈因出眾的外表在CU也是薄有名氣,一舉一動亦自然比較受到注目。剛剛看見這一幕肥仔的同學立刻私下討論,肥仔本身還想維護阿嫂名聲,誰知其他同學不約而同都說之前已經見過不止一次,他掙扎了一會覺得還是需要提醒李乘風一聲。


 
 
「...知唔知個男仔係乜水?」晴天霹靂,李乘風呆滯了數秒後才能給出反應。
 
「唔知呀,包得好實睇唔出…」
 
「肥仔,你可唔可以幫我一個忙?」
 
 
幾日後,李乘風收到一個電話後以身體不適為由直接走了堂然後來到周紫盈的宿舍,在肥仔幫助下,他順利來到周紫盈的房門外。
 
「喂呀,講過以後你都要唱一首歌比我聽然後先准掂我!」貼緊房門他們聽見了周紫盈的聲音。
 
然後很快房來便傳來結他聲和歌聲。
 
「把聲咁熟面口嘅? 咁似全人造星嗰個曹子仁?」肥仔聽了一會後說道。
 
由於李乘風沒怎樣看全人造星,所以一開始並沒有估到是誰,直至肥仔一言驚醒夢中人。
 
「Brother,唔該晒你帶我入嚟,你可唔可以走先? 我想一個人去處理…」李乘風目無表情地說。
 
「傻啦,有咩隨時搵我,做兄弟實撐你…」猜想到是甚麼事肥仔拍了拍李乘風的膊頭以示支持後便先行離開了。
 
深呼吸了一口,李乘風終於鼓起勇氣敲門。
 
「乘風? 點解你會過嚟?」周紫盈一開門看見李乘風嚇了一跳。
 
「點解你要咁對我…」李乘風看見周紫盈臉上還殘留著明顯因剛親熱過的紅潮,眼淚再也抑制不住。
 
「我…」周紫盈不知怎樣回應。
 
「紫盈,駛唔駛我留喺度陪你?」這時曹子仁走到周紫盈後問道。
 
「子仁你走先啦,放心,佢唔會傷害我…」周紫盈尷尬地和曹子仁說了句。
 
曹子仁很識做拿回自己的結他說了句小心後便離開了,而當他經過看見李乘風的本尊時,臉上有點愕然,心裏終於明白為何周紫盈那樣棘手,不過臉上那勝利者的笑容卻更見燦爛。
 
「乘風你入嚟先啦…」
 
「到底係幾時開始?」入了房各自坐好後,李乘風問。
 
「全人造星決賽後嗰一日…」周紫盈深呼吸了一下然後答。