因為我個仆街老豆 我被下了一個賓周會變短的詛咒: 53. 設計
為了報仇，最直接的方法就是撓回曹子仁長腳，只是Connie這種單純的女仔，要她背叛曹子仁好像並沒有甚麼可能。李乘風正在沉思期間，電話一震，是Vanessa的whatsapp。
「今晚得唔得閒食飯?」
自從知道李乘風回復單身後，Vanessa不時也會嘗試主動約李乘風出街，不過十次有九次李乘風都會拒絕，還有一次他會找其他同學一起出席。Vanessa知李乘風剛失戀不久需要時間沉澱也沒甚麼特別反應，只是默默間中繼續嘗試。
現在的李乘風其實當然也不介意和Vanessa間中打場友誼波，不過一想到對方是經常要見面的同學，避免尷尬或是有其他意外發生，他還是打消了這念頭，始終對方的魅力不足以讓他take這個risk。
不過這時這個message，卻讓李乘風突然有了靈感。Vanessa與Connie，不就像Jolina與紫盈?一個計劃漸漸在李乘風腦海裏生成。
「你確定要咁做?」
機會可能只有一次，為了萬無一失李乘風把計劃告訴了Kenny，事實上這計劃亦需要Kenny參與，只是Kenny聽完後眉頭一皺。
「係...我暫時諗唔到更好嘅方法…」李乘風無奈地說。
「但你咁除咗傷害Connie，仲傷害埋你其他朋友，最後可能眾叛親離㗎喎...」Kenny不動聲色地勸說。
「我...已經有晒覺悟...」只是李乘風心意已決。
「你要攪清楚唔信愛情同埋刻意玩弄感情係兩樣嘢嚟…」Kenny仍盡最後努力。
「我知我好衰，我應承你今次報左仇後，我以後唔會再做哩啲嘢...」李乘風告訴Kenny的同時，亦是在說服自己。
「唉…咁又何必呢? 我只會幫你哩一次，希望你真係講得出做得到，同埋...將來唔會後悔。」Kenny明白李乘風的心情，基於二人的友情他最後亦無奈答應幫忙。
這一晚，李乘風答應了Vanessa的邀請和她晚飯。
「約你咁多次，終於肯應約喇咩！」明顯地，Vanessa這晚花了不少心機打扮出席。化妝讓她不突出的臉容至少看得舒服，而緊身的上衣和短裙亦突顯了她的傲人之處。霎時間，李乘風覺得她和Jolina竟然有點相似。
「就係次次拒絕攪到我都有啲唔好意思...」李乘風裝作無奈說道。
「咁係咪代表你開始放低同諗通?」Vanessa兩眼一閃。
「哈哈，可惜唔係…」李乘風亳不留情向Vanessa潑冷水。
「其實都已經半年啦…」Vanessa仍努力想勸。
「今次約你其實係有另一件事想同你傾㗎。」不再糾纏，李乘風直入主題。
「咩事?」
「係關於Connie同佢男朋友…」李乘風一副難言之隱的樣子。
「曹子仁?」Vanessa問。
「係… 我有個CU 嘅中學同學同我講，哩個曹子仁其實係一個渣男，背住Connie喺出面玩好多女人，而且全部兩個月唔夠就會玩厭換畫，不過一直收得好埋，受害人又唔敢出嚟講所以無咩人知…」李乘風緩緩說道。
「真唔真呀? 睇佢個樣又唔似… 同埋Connie一直講佢男朋友對佢好好㗎喎…」Vanessa不太相信。
「就係佢個樣咁先幫佢呃到咁多女仔… 點都好，你同Connie咁friend，適當時候提點下佢啦，我驚佢接受唔到，到合適時間如果需要証據，我都可以搵到…」李乘風繼續說。
「明白…真係估唔到會咁… 唉，你地啲男人都係衰….」說到會有証據，Vanessa亦開始相信。
「咁哩方面男同女其實無咩分別嘅…」李乘風有感而發。
「唔係囉!」
「唔同你爭拗，總知你睇住Connie啦... 另外仲有一件事，介紹個男仔比你識好唔好?」第一目的完成，李乘風之後又笑笑口問道。
「李乘風! 你當我係咩呀? 對我無興趣就塞我比人呀?係你心目中我係咁隨便㗎咩?」Vanessa一副生氣的樣子。
「唔係，只係見你一個咁好嘅女仔，我忍唔住想介紹我roommate你識啫... 佢近排咁啱比女飛回復咗單身呀。」李乘風知Vanessa只是裝作生氣。
「咩樣㗎?」果然Vanessa很快露出原形。
接著李乘風給Vanessa看了Kenny的照片。
「哦…見你咁有心，咁你約好時間話我聽啦~」看完後Vanessa裝作冷淡，但嘴上的笑容自然暪不過李乘風。
(女人…) 她變臉的速度換來李乘風的一個白眼。
於是很快李乘風便安排了一個飯局介紹Kenny給Vanessa認識。作為情場老手，Kenny當然能立即吸引了Vanessa的眼球並很快便俘虜了Vanessa的心。不過Kenny並沒立即對Vanessa出手，只是間中和她曖昧，讓她心癢難耐但卻又不自覺間越陷越深。然後過了一段時間，在時機開始成熟時，Kenny告訴了Vanessa兩個重要的消息。
「咩話? 你話李乘風之前同佢女朋友散係因為比曹子仁撓長腳?」Vanessa十分驚訝。
「係呀， 佢都係前排先知真正原因...不過怕瘀同驚hurt到Connie所以一直無同你地講。」Kenny裝作痛心地解釋。
「唔怪得佢前排同我講叫我睇住Connie同埋間中比定心理準備佢啦… 我初初仲諗點解佢可以咁肯定，原來自己係受害者…」Vanessa恍然大悟。
「其實仲有一個原因…」Kenny又隱晦地說。
「咩原因?」Vanessa問。
「唔講得…」但Kenny卻說。
「攪錯呀… 講一半唔講一半!」Vanessa十分不滿。
「講咗佢會殺咗我㗎…」Kenny露出一副驚慌的樣子。
「依呀…唔通連我都唔講得咩?」Vanessa開始施展自己的”嗲功”。
「唔… 你係咪可以保守秘密先?」Kenny裝出一個為難但因為Vanessa而心軟的表情。
「梗係得!」Vanessa拍心口保証。
「咁我信你啦... 其實李乘風鍾意咗Connie， 佢緊張佢但又驚會傷害到佢，同埋唔想比人覺得佢係為咗追Connie而中傷曹子仁， 所以咪婉轉咁搵你幫手囉…」Kenny終於爆出一個”大秘密”。
「原來係咁! 唉…傻仔嚟嘅…」Vanessa彷彿又明白了更多。
「你估你有無方法幫下佢?」Kenny乘勢問道。
「咁的確無理由睇住Connie繼續同個衰人一齊嘅... 仲要有李乘風哩個好仔做替補! 不過我都唔敢講… 以Connie嘅性格，有啲難攪，但為咗佢地幸福，我盡量試下啦….」Vanessa想了想後說。
「Vanessa你心地真係好~ 記住唔好同人講呀，哩個係屬於我地兩個之間嘅秘密~」Kenny又使用他的溝女招數讓Vanessa完全不能招架。
若是在之前Vanessa很可能會因呷醋而拒絕幫手甚至加以破壞，但現在她全副心思都已經由李乘風轉移到Kenny身上，自然願意幫助好友順便希望藉此為自己加分。
有人說戀愛會讓人智商下降，就這樣，Vanessa開始成為了昔日Jolina的角色，不時向Connie落藥，然後又暗地製造機會給李乘風接近Connie。