因為我個仆街老豆 我被下了一個賓周會變短的詛咒: 55. 惡魔
根據肥仔的情報，曹子仁近排又搭上同校的新獵物，由於偷情地點在hall，所以較易讓有內應的他們去捉姦。
故事發展就像當日李乘風發現周紫盈那樣，確定了曹子仁在女方的房內依泣，肥仔立即Call李乘風報信，李乘風告訴了Vanessa，Vanessa便再在內應肥仔幫手下帶著Connie去捉姦。
東窗事發，Connie淚如湧泉，憤而離開，曹子仁想追但卻被Vanessa阻止，曹子仁亦驚太大動靜引來其他人發現便放棄了追截。Vanessa追回Connie，見她泣不成聲，便把她帶回自己宿舍然後一直陪著她，並請求室友今晚找第二個地方落腳。
「點解! 點解佢要咁對我…」Connie一邊哭一邊問。
「其實佢應該不嬲都係咁，只係一直暪住你咋…」Vanessa抱著她說。
「我係咪好傻? 一直都咁信佢…」
「Connie，你要記住，錯嘅係佢唔係你，你係無錯㗎! 係佢唔珍惜你仲要利用咗你對佢嘅愛同信任! 佢哩啲人渣唔值得你為佢傷心㗎!」Vanessa大大力踩。
「我都想唔傷心，但Vanessa我個心真係好痛… 我唔只無咗個情人，仲好似無咗生命中一個好重要嘅玩伴… 你話我聽點先可以無咁痛呀…」這刻Connie顯得很無助。
「我都唔知…或者只有時間同埋投入另一段感情先可以幫到你…」看見Connie，Vanessa亦不自覺想起了自己一段往事。
「我見啲人失戀會飲酒… 係咪真係有用?」隔了一會Connie問道。
「我只可以話佢暫時係可能可以短暫咁幫你忘記傷痛…」Vanessa猶豫了一會後答道。
「咁你可唔可以陪我飲? 我未飲過酒㗎…」這一刻，”暫時”已經足夠說服Connie去嘗試。
「梗係得!」
於是Vanesaa便落樓下買了一大堆啤酒開始和Connie飲起來，而對從沒飲酒經驗的Connie，自然很快便有了反應。
二人繼續閒聊著，這時Kenny突然致電Vanessa說自己很掛念她很想見她。
「我都好掛住你… 但Connie依家咁我點忍心扔低佢…」Vanessa掙扎。
「不如叫李乘風代替你陪Connie? 話唔定仲可以促成咗佢地添...」Kenny別有用心地提議。
「但Connie依家開始有啲醉喎… 我驚…」Vanessa擔心。
「李乘風自然會照顧佢㗎啦，唔通你驚李乘風會乘人之危上咗佢咩? 佢似啲咁嘅人?」Kenny反問。
「咁我都信李乘風為人唔會嘅…」這刻在Vanessa心目中李乘風還是以前那個李乘風。
「依家係Connie最軟弱嘅時間，李乘風好可能可以乘機進入Connie個心入面，如果miss咗今次，以後就未必再有哩個機會㗎喇， 最重要係我都唔開心好想見你… 不過你想繼續陪Connie我都會明白，唔會逼你…」Kenny以退為進。
因相信李乘風為人，Vanessa 又被Kenny花言巧語下弄得智商下降，不虞有詐下便贊同了這提議，不過其實Kenny也不算欺騙，因為讓李乘風乘虛而入本身就是他們的目的。
很快，李乘風收到Vanessa電話便趕到對方的宿舍中。
「我將Connie交比你喇，好好睇住佢呀! 加油!」
和李乘風簡單交待兩句，拍了拍李乘風的膊頭，Vanessa便出發去找Kenny，剩下李乘風和半醉的Connie在房內。
「Connie你做咩飲到咁醉呀…」看見Connie，李乘風有點心痛和內疚說道，亦讓他想起曾經的自己。
「李乘風? 點解你喺度嘅? Vanessa呢?」Connie看見李乘風後問。
「佢有啲事出咗去，所以搵我嚟睇住你呀， 唔好再飲啦...」李乘風試圖搶走Connie手上的啤酒。
「攪錯呀! 咁就走咗去? 仲話好姊妹! 你比我飲啦~乖咗咁耐我終於有機會放縱下喇~係朋友就陪我飲!」Connie沒讓李乘風成功。
「好好好… 我陪你飲」李乘風只好順著她意和她飲起酒來。
「李乘風，你老實話我聽，你地其實係咪一早知?」過了一會Connie像想起甚麼便問。
「嗯…」李乘風沒有否認。
「我就覺得奇怪做咩你地近排成日問我啲古怪問題… 原來你地一個二個都暪住我要我做傻婆!」Connie埋怨。
「我地暪住你係因為擔心你受傷接受唔到… 始終大家睇得出你好愛佢，同埋無証據我地就咁講你都未必會信…」李乘風解釋。
「我喺你地心目中就係咁軟弱咁無用?」Connie不忿氣。
「唔係… 只係你太好太純我地個個都唔忍心見你受半點傷害咋…」確實眾人包括李乘風對Connie都有種特別疼錫的感覺。
「你地個個都當我係花瓶! 如果我真係咁好咁純，點解佢要搵第二個? 我其實係咪真係好差?」Connie開始質疑自己。
「好似你之前同我講咁，哩個世界真係有啲人係盲㗎嘛… 你都話我好格，我嘅遭遇咪同你一樣…」李乘風想起了Connie的說話。
「係喎…Sorry」Connie這才想起李乘風的遭遇和自己一樣。
「唔緊要… 所以我好明白你依家嘅感受…」李乘風沒深究為甚麼Connie會知道。
「點解你一直唔講我地聽?」Connie好奇。
「因為…我唔想你受到傷害…」李乘風用了點心計。
「點解話我聽我會受到傷害?」只是Connie 不明白。
李乘風望著Connie沒有回答。
「係佢…搶你女朋友?」想了想Connie終於明白。
「嗯…」李乘風無力地應了聲。
「對唔住…」Connie第一刻的反應是道歉。
「講咩對唔住? 都唔關你事…」到李乘風不明白。
「係我睇唔住佢佢先會咁…」Connie自責說道。
「咁你都可以攬上身? 真係佩服你…」對Connie的善良，李乘風有點無語，當然是屬於欣賞那種。
「乘風… 咁你可唔可以話我聽，點我先可以快啲無咁痛快啲走返出嚟?」知道李乘風是過來人，Connie求救問道。
「其實只有時間先幫到我地… 不過之後有另一個人出現咗，我又好似無再咁痛…」李乘風想了想後說。
「所以當日你就叫我搵過第二個去鍾意?」Connie想起李乘風上次的說話。
「係呀…」
「咁邊個咁幸福咁好彩得到你嘅垂青?」八掛是女人的天性，不過這是Connie今晚第一次臉上有回笑容。
「佢叫Connie…」深呼吸了一口，李乘風下定了最後決心答道。
「哈哈，你仲識氹我開心喎!」不過Connie第一反應是覺得李乘風在講笑。
「係真㗎… 同你認識耐咗，我覺得你好真好純，心地又好善良，慢慢就對你越嚟越有好感。但另一方面我又知你好鍾意你個男朋友，我唔知點算好，之後更加唔敢話個真相你聽，驚你以為我別有居心…」李乘風一臉誠懇地表白。
「你講真?」見李乘風不像說笑，Connie呆了數秒後問道。
「真!」李乘風亳不猶豫肯定地答道。
霎那間，整間房間陷入了寂靜。
李乘風望著Connie等她回應。Connie亦望著李乘風彷彿想從他的眼神中判斷出真偽，同時間消化著這信息。
「咁你可唔可以做我男朋友救我出嚟?」良久，Connie像有了決定問道。
「只要你願意，我當然樂意!」李乘風心裏有點高興，同時間又有點傷感。
「咁你仲傻間間咁企係度?」Connie笑著說。
李乘風不明所意。
「係都要我做主動㗎咩?」
說完Connie直接上前抱著了李乘風然後吻了上去。李乘風初時有點驚訝Connie的熱情，但很快便熱烈回應著。
過了一會，突然間他發現Connie竟開始嘗試脫掉自己的衣服。他立即用手制止了她。
「Connie…」
「乘風，今晚要咗我…」Connie沒理會李乘風的阻止繼續嘗試。
「唔好咁… 你依家唔清醒，第日一定會後悔㗎…」李乘風本身只打算追到Connie便算，始終他不忍心對Connie造成太大傷害。
「本來一直我都一心一意諗住結婚後將自己嘅第一次比個衰人，但既然佢唔珍惜，我仲留嚟做咩? 我要傷害佢，我要佢後悔一世!」Connie帶著恨意說道。
「佢唔值得你為佢咁傷害自己…你信我啦，你第日一定會後悔㗎…」李乘風嘗試勸道。
「你知唔知呀，我由細到大一直都好循規蹈矩，好驚做錯啲咩會令父母唔開心，又或者傷害到身邊嘅人，但今晚我好想曳一次放縱自己一次…我唔想再理嗰啲咩規矩，咩道德… 而且你問心，個衰人咁對你，你唔想報仇咩? 哩個係黃金機會，我地各取所需… 」
李乘風簡直不敢相信自己的耳朵，愛的反面就是恨，情傷原來確實可以完全改變一個人... 當然，李乘風明白Connie主要是受酒精影響加上大受打擊所以把平日被壓抑反叛的一面全顯露出來。不過他不能否認，她的提議很有吸引力。
「坦白講，你哩個提議好吸引，但我唔想傷害你… 我知你第日一定會後悔㗎…」李乘風盡最後的努力去勸說Connie。
「你唔係鍾意我㗎咩? 你對我好嘅我第日點會後悔? 雖然我係想報復，但都要對方好似你咁好我先願意… 」Connie咬著李乘風的耳仔說道。
「你知你唔係真心鍾意我…」對於Connie的稱讚李乘風真的受之有愧。
「當我求你… 唔係我驚我將來會忍唔住心軟…」被李乘風道破，Connie只好哭著說出最後的原因。
(點解會攪到好似我唔做禽獸先變咗真係禽獸㗎…)
面對對方梨花帶雨的哭求，李乘風本身又早已不是柳下惠，這刻他真的開始心動，進入了最後的天人交戰。
突然腦海中浮現出周紫盈最後沒有了靈魂的臉容，李乘風終於下定了決心。他打開地上一罐未開的啤酒一飲而盡，然後襯著酒意上湧的一刻，把Connie推倒在床上再壓了上去… 不久，房內只餘下少女羞澀地成為真正女人時所發出的哼歌。
(由計劃一開始其實我就已經係惡魔，做得惡魔就唔好諗住仲有好人做，哩個世界永遠無一半一半咁著數，最後只會兩邊吃力不討好，希望你第日唔會恨我啦…)
雖然是這樣想，不過害怕Connie承受不住，李乘風還是很小心很溫柔地佔有了Connie，他知道心理上Connie在清醒後不可能愉快，但至少生理上他希望自己能給她一個難忘歡愉的第一次。