因為我個仆街老豆 我被下了一個賓周會變短的詛咒: 後記二. 紫盈、止刑
從乘風的家中離開後，其實我一直都在問自己一個問題，到底我將來會不會後悔今天拒絕了乘風?
紫盈A: (頭先乘風明明比晒機會大家復合，點解你要拒絕呀!?)
紫盈B: (你真係仲好意思復合? 曹子仁追你嗰陣你對佢就感覺淡晒，依家比人玩完飛咗喇，你對人又突然愛火重燃?)
紫盈A: (你夠膽講頭先對佢無感覺? 你夠膽講你真係唔再鍾意佢? 係你頭先同佢攪嘢嗰陣就唔會忘情都好似要將自己所有嘢都要比晒佢咁啦!)
紫盈B: (我認頭先係所有感覺返晒嚟呀，但之前又何嘗唔係? 你本質根本就唔係專一，你點肯定將來唔會重蹈覆轍傷害多佢一次?)
紫盈A: (將來嘅嘢邊有人知? 諗咁長遠做咩? 佢依家都變咗花心男話唔定第日係佢飛你先呢?)
紫盈B: (如果係咁就更加唔應該復合啦! 不論係我再傷佢一次定係佢傷害我我都唔想… 我唔想破壞大家以前美好嘅回憶呀… 雖然對佢嚟講可能已經唔美好，但喺我回憶入面乘風仍然係以前嗰個完美嘅乘風… )
紫盈A: (你諗太多喇… 回憶邊及現實重要? 你miss咗今次機會，以後都會失去佢，你第日一定後悔!)
紫盈B: (周紫盈，我知依家你好cheap，差唔多來者都不拒，但對乘風，你可唔可以留返少少尊嚴同執著比自己? 本身用情專一嘅乘風已經比你害到變成依家咁，自己依家咁污糟邋遢你仲好意思繼續纏住佢? 你可唔可以比返啲羞恥心同骨氣呀?)
紫盈A: (你自己明明都唔想繼續過咁嘅生活，咁點解唔利用哩個機會同返乘風一齊然後擺脫墜落咗嘅你變返以前嘅自己?)
紫盈B: (因為我接受唔到…乘風係我心目中係完美，所以我都好希望同佢嘅感情同故事可以係完美。依家完結我仲可以同自己講同佢一齊嗰陣嘅回憶係完美，但如果一齊返，咁我地中間就注定會有一個好大好大嘅污點同裂痕…)
紫盈A: (就係因為咁所以你決定要繼續過依家嘅生活?)
紫盈B: (我唔會...有啲嘢睇自己㗎啫，雖然我唔再值得有人愛，但我唔想再令乘風傷心，至少我要學識自己愛自己先…)
自那晚起，我沒有再流連夜場，只是專心讀書和參加了各式各樣的興趣班去增值自己。而之後雖然都有遇到很多不同的追求者，但我都從沒有動心和接受，因為我覺得自己並不配值得有人愛錫和得到幸福。
半年後，我收到母校的邀請，她們將再次舉辦久違了的Musical。想起昔日和乘風以及其他同學在Musical的時光，又勾起了我很多感覺和回憶。那時的世界好像很簡單和純潔，但現在卻突然覺得世界還有自己都變得很複雜和污濁。心底裏我很希望出席，可以再見到他和他們，但同一時間我又很害怕被他們看見現在的自己。糾結良久，最後我還是敵不過想再見他一面的欲望，決定俏俏出現到會場，然後遠遠地望他一眼。
Miss Lui帶領的Musical仍然十分精彩，而望著代替自己和乘風飾演Elven和Rachel的師弟妹，不其然亦想起多年前自己和乘風亦曾在同一地方忘情地飾演著相同的角色。 Elven憑著回到另一個平行時空的過去，成功逆轉和Rachel一齊。如果自己也可以回到過去，回到自己還是純潔只屬於李乘風的周紫盈，只是一心一意愛著李乘風的周紫盈，努力修正錯誤然後快快樂樂的和乘風共渡餘生，那該有多好? 突然間，我的視線開始模糊起來...
想著想著突然掌聲雷動，原來表演已經完結。懷著忐忑的心跟著其他觀眾散席離場，我拉下了帽子開始周圍尋找著那能觸動自己心靈的身影。終於在會場外，我再次看見了他。他好像瘦了一點但氣色卻不錯，正和他的幾個死黨在談天。突然間，我看見幾個少女走近了他們，竟然是昔日的六大校花? 記得當年還和她們一起競逐過女主角的位置，幸好最後憑自己和李乘風關係熟絡演出較自然才能擊敗她們，然後才有了之後的故事...
很快，她們便一起離開了，估計應該是一起去飲嘢聚舊吧? 而我有種直覺，大概她們和乘風，很快便會刷出甚麼火花。不過，我還有甚麼資格去在意和干涉?
也許我們是因musical結緣，現在亦可以在musical真正結束。那天之後，直至多年後的一天，我都再沒有見過乘風...
畢業後，我到了一間公立醫院工作。作為一名新護士，工作很忙碌，壓力亦很大，不過我卻終於找回自己生命的意義。每次看見病人能夠康復出院，我的心不其然都覺得自己的工作對世界是有貢獻和意義，心底裏的罪疚感亦好像因此而能減輕了一點。
當初選擇讀醫護其實是因為乘風決定做醫生，所以希望自己的職業也能和他有一點的關係和助力。但沒想到雖然現在已經不需要，但卻因此而讓我找回人生的動力，也許乘風是注定會影響我一生的一個存在吧。讀書是，現在連職業和人生方向也是。而也許護士總能引起人遐想，之後一直我身邊都出現了不少追求者，可惜全都不能讓我心動，直至兩年後他的出現...
他是一個剛畢業的醫生，身材高大，樣貎俊朗卻不太善於辭令，和其他人交談時總是帶著點害羞。但同一時間，他的笑容卻總是像太陽一樣能給人一種溫暖和友善的感覺，讓人如沐浴於春風之中。
記得有一次，自己因一個大意失誤被護士長責罵完一輪後便在休息時間躲在後樓梯哭泣，他碰巧經過見到我便笨拙地為我遞上了一張紙巾，說了一句”喊...唔靚㗎”，然後就這樣靜靜地坐在我的旁邊， 直至時間不容許他繼續逗留才微笑著對我做了一個fighting的手勢然後離開。那一個微笑，溫暖了我早已冰封的心靈。自此，我們之後見面不時都會面露微笑然後互相點一下頭。
直至數個月後有一天，當我下班時正落著大雨，我在門口打算等雨勢稍為收斂才離開的時候他碰巧駕著他的私家車經過，然後終於發生了我們的第一次對話。
「落大雨，上車?」
「好呀，麻煩你...」
那次後我們開始了交談，慢慢互相認識成為了好朋友，然後在三個月後他拿著鮮花向我表白。當時心動的我在正想答應前，腦海卻突然浮現出乘風的臉容，然後，我哭著留下了”對唔住”三個字便匆匆離開了現場...
周紫盈，你是不配擁有幸福的!
之後我開始避開他，亦再沒有回覆他的短訊...
而在大約一年後，我收到消息乘風要結婚了，而新娘竟然是Miss Lui!
為甚麼會是Miss Lui? 之前她不是背叛了他嗎?她會不會再次傷害他?乘風是像對我心軟般對她也心軟才會再次接受她?
敵不過好奇心，我再三掙扎後又一次打算俏俏去到現場，打算偷望一下他是不是真的幸福。
誰知，當我還只是去到會場附近，竟便看見了他本人，似乎是剛流過淚的樣子，而我們在街上撞過正著，想避也避不了。
「紫盈?」他看見我後有點驚訝，立即收起了剛剛的眼淚，然後面露微笑。
「Hello，新郎哥...」我只好硬著頭皮和他打招呼。
「點解你會嚟哩頭?你頭先有嚟觀禮?」看得出他看見我後是真的有點開心。
「我...本身只係諗住遠遠望你一眼睇下你係咪真係幸福咋...」我如實告之自己的目的。
「我...好幸福呀~」他露出一個真心的笑容。
「我想問點解你會同Miss Lui復合?佢唔係...」我鼓氣勇氣問出了心中的擔心。
「我最後終於知道原來一切都只係誤會，詳情我唔太方便講...只可以話原來Miss Lui一直為咗我犧牲好多，受咗好多苦，而我竟然一直錯怪佢傷害佢...所以我唔可以再比自己錯落去，唔可以再浪費大家嘅時間...」這時，我得見他的眼神是帶著哀傷和憤怒。
所以原來這世界上從來只有我這樣傻曾經背叛過他...我的心一方面為他而開心，但另一方面亦為自己的愚蠢而更加難過...
「原來係咁...咁就好了，恭喜你呀~」當然，我是真心替他高興。
「多謝~咁你近排幾好嘛?」
「我依家喺xx醫院做呀，間中都會搵嘢學下，夜場自從嗰晚後都無再去了...」我想告訴他我因為他沒有再墮落，希望他不用再為我傷心。
「真係?咁就好！無新男朋友?你應該好多人追㗎喎~」我看得見他發自真心的笑容，不過後面的問題卻讓我不知該怎樣回答。
「無呀...你知我眼角高嘛~」我裝作我已回復成為原本的我。
「紫盈，記唔記得我講過如果有日我可以相信返愛情，我會話比你聽?」但他還是一眼便把我看穿了。
「我記得...」我答。
「我信返喇，而且我依家好幸福，所以你都可以! 唔好再執著以前喇... 嗰陣只係因為大家太年青啫，而年青自然就會迷失同做錯事...喺我心目中，我永遠記得係你教識我真心真意愛一個人係點，比你愛著嗰種感覺係有幾咁幸福...我好希望你以後都可以同樣有哩種幸福呀。」他微笑著對我說。
「真係?你唔再嬲我?」聽到他的說話，我的淚水再也制止不住。
「你有無聽過兩個人分開後，若果你仲係憎佢嬲佢，你就只會淨係記得對方唔好嘅野，然後不斷無限放大，成為一個惡性循環。但相反如果你仲係著緊佢，關心佢，你就只會淨係記得大家以前開心嘅嘢?而我依家嘅回憶就只有嗰陣由初中開始已經一心一意鍾意我寵壞我嘅周紫盈，你明唔明?」
「乘風...多謝你呀！」那一刻，我覺得束縛著自己的枷鎖開始慢慢被打開了。
「你喺我心目中，永遠都會有一個特別嘅位置，所以我好希望你可以幸福，唔係我會一世唔安心㗎...」從他的眼神，我感受到當中深刻的感情，而那刻我亦突然明白怎樣才是回報這感情的最好方法。
「我會...你都要呀!你以後都要幸福快樂，只有你幸福，我先覺得自己都可以幸福...」
「好呀~勾手指尾?」他突一臉俏皮地提議道。
然後我伸出了手和他互相用手指打了勾勾。
我知道過去的都過去了，但存在的仍然會一直存在。
看著他幸福的背影，我彷彿亦得到重生一樣，終於有勇氣去追求自己的幸福。我立即拿出了電話，然後主動發了一個訊息給他
「今晚有空一起吃飯嗎?」
李乘風，周紫盈，你地一定都要幸福啊!