《喺Ocamp入面，我竟然同時成為兩個女神嘅獵物》: 喺｜in

（…）
 
我是啊謙，現在兩個Ocamp的女神正在同一張床上與我共眠，我在發夢嗎？
 
「嘟嘟都嘟…」iPhone鬧鐘準時於早上六時響起，提示今天是Ocmap的第一天。我沒有將鬧鐘關閉，因為我根本不在電話旁邊，這時的我正在宿舍浴室梳洗，而我昨晚根本沒有睡覺，因為昨晚的我不在宿舍。
 
「啊謙，你係咪係hall？依家過一過嚟系會室？」凌晨一點多，我收到這個訊息。還未來得及回覆，下一秒已收到訊息者的來電。
 
「謙哥，過一過嚟，急事。」說話的人叫啊禧，他是我學系的系會成員，亦是我的同學。
 


「好喇。」聽得出他的急切，我亦沒有詢問太多，反正很快就會知道答案。
 
十五分鐘後，我出現在位於校園的系會室。
 
「喂啊謙你終於嚟喇。」說話的人是啊禧，同場亦有幾個系會成員及一個女生。
 
「禧哥，凌晨兩點叫我過嚟，有咩益我？」我笑說。
 
「你而幾日得唔得閒？」啊禧問。
 


「做咩先，應該冇咩嘢搞嘅。」我說。
 
「咁得喇，你幫我哋入Ocamp做組爸o唔ok？」啊禧說。
 
「吓！WTF?咪玩喇，你哋唔係聽日就Ocamp喇咩？」這件事完全超出了我的預期。
 
「認真，你o唔ok？」啊禧再次問我。
 
「件事其實係咁，因為我哋其中一組嘅組爸啱啱通知我哋佢聽日嚟唔到，咁我哋就問原本啲後備組爸，但佢哋唔係要去其他Ocamp就係要翻工。所以我哋嘗試係系入面搵一個最適合嘅人，而你就係我哋認為最適合嘅人選。」說話的是系會的主席啊衡，他解釋了我的疑惑，同時說得讓我無法拒絕他們。
 


「我明喇，咁有咩我係依家要做？」我問。此時手機顯示我已加入了數個群組。
 
「佢係組媽啊宜，你哋認識下先，而到有份Ocamp嘅流程，你睇睇佢，唔明可以問我。」啊衡向我介紹。
 
「唔該哂你！出咗Camp我請你食飯！」啊禧拍一拍我膊頭，示意感激。
 
「我想問多樣嘢，點解會係我？」我問。
 
「唔啱聽嘅說話你想唔想聽？」衡模仿著頭文字D經典對白的啊衡笑說。
 
「你講啊！唔通我飄移過灣入到最佳路線？」我亦笑說。
 
「而個就係我哋揀你嘅理由。」啊衡說。
 
後來我才知道他們選擇我的原因是因為我是當屆學生會莊員，今年亦有籌備學生會Ocamp（大o），因此認為我會很快上手。


 
「啊衡你同啊宜傾住先，我哋要執埋少少野。」啊禧說。
 
「唔該哂你啊！」啊宜是個氣質女生，瘦削的身型配上長腿，基本上是一個全天候衣架，臉上總是掛著幸福的笑臉，感覺很平易近人。
 
「唔好咁講，組入面有咩我依家可以幫到手。」我問。快速閱覽Ocamp的時間表後，相信內容和大o差不多，我應該可以很快上手。
 
「幫手認人！因為我係O Day同佢哋見咗次，之後都約過出嚟食飯，所以你反而做咗我哋入面最新嗰個人！」啊宜說著，就向我介紹每一個新生組員以及他們的大概性格，但對我而言，記人名是我的弱點。
 
最後我用了兩個多小時去了解今次Ocamp嘅活動、Campfire以及我負責的藍組。
 
然後我感覺到，我的肝就爆了，SXXT。
 
「謙爺，辛苦你喇，早啲翻去瞓喇！不過記得較鬧鐘，遲到要罰錢㗎，聽朝見！」啊禧說。
 


「吓…」感覺我墜進了一個騙局。
 
「放心喇，啊謙佢聽日實一早就到。」說話的是系會的另一個莊員，樣子標緻的她叫家欣。
 
我一臉黑人旁的問號。
 
「哈，你係講緊因為今次Ocamp嗰兩個女神Freshman 芷晴同埋依晨都係佢嗰組？」啊衡笑說。
 
「頂你唔早講！」我瞬間精神起來。
 
「係啊，重要同一間中學，九龍塘嗰間旗袍校服中學。」啊禧笑說。
 
「算你哋喇！」我心想。
 
水滴打落我的頭髮，沿髮絲流向我身上的每一吋皮膚，想著，就是想著他們每一個人的名字，SXXT！


 
然後，我就正式成為咗聽日Ocamp嘅藍組組爸，同時後來的…
 
 
有多少快樂有你和我一起享受 一起感動 － 當我們一起走過
 

歡迎大家follow我ig：9.shoots，果邊應該會更新得快啲，同埋會容易覆到大家嘅留言，大家嘅follow同like都係我寫落去嘅動力嚟㗎！