(…)
 
「可以啊😎」芷晴回覆我的訊息。
 
你們猜對了,我還是控制不了自己的好奇心找了芷晴,只是我仍未想好如何開口。
 
「爸!組!」芷晴用她一貫的方式和我打招呼。
 
「喂~」我回應。
 


「做咩咁好約我出嚟,重要咁急,搞到我要臨時放咗人飛機!我唔理啊,你今日點都要帶我去食好嘢!」芷晴剛開始就說個不停。
 
現在還不是適合的時機。
 
「想見你囉~」我決定以感性打敗她的理性。
 
「就咁咋,早知唔放佢地飛機喇~重以為你有啲咩緊要事。」芷晴說。
 
她果然知道我的事。
 


「你覺得我有咩事?」我問。
 
「以!為!爸組你係咪聽唔清楚?睇嚟你掛住我掛住到傻咗~」芷晴笑說。
 
所以,是我疑心太重了嗎?
 
「我都想傻,唔使煩咁多嘢,個人都開心啲。」我說得感概。
 
「但我唔要傻仔做我男朋友喎~」芷晴拍著我的頭說。
 


「我係話,想!傻!」我決定以彼之道還彼之身。
 
算吧,既然還不清楚告密者是否就是芷晴,就別想太多好了。
 
「唔想理你,我地行得未啊,再唔行就天黑~」芷晴說。
 
的確,現在已是下午兩時。
 
「行喇行喇~」我笑著說。
 
今天的目的地是赤柱,希望那裡的悠閒可以減退我的煩惱。
 
「好熱啊!」穿著背心熱褲的芷晴說。
 
「熱咪好~」我笑說。


 
「點解?」芷晴問。
 
「冇聽過夏天為大地帶嚟美腿咩?」我說時瞥了芷晴的長腿一下。
 
「咸濕仔!」芷晴說罷就將她手中的凍飲放近我的後頸。
 
「凍…凍~」我邊說邊向後退縮。
 
「嘻嘻,呢個係對你嘅懲罰!」芷晴囂張的說。
 
「投降,投降!」我說。
 
「算你喇~」芷晴這時才肯收手,然後就到我出手了。
 


「喂喂,唔好啊你!」芷晴正跟我保持一個安全距離。
 
「唔係啊,你話熱嘛,我為你好咋~」我笑說。
 
「唔熱!邊到熱,重好凍添~」芷晴亦笑說。
 
「凍啊~」然後我一手繞著她的後頸。
 
「咁會唔會暖啲?」我接著說。
 
「唉,冇你咁好氣~」芷晴明顯對我這個行為沒多大的反感。
 
玩了一會,我們就在那個中央廣場坐下,芷晴這時靠在我的肩膀上,果然最能令我忘卻壓力的,是她。
 
「如果我地之後都可以咁,就好喇~」芷晴說。


 
「我都想...」我的確很想。
 
芷晴這時將我的手臂抱得更緊,好像生怕我會離她而去似的,而我則靜靜的享受此刻的寧靜,和她在我身邊的這一瞬間。
 
「啱啱間嘢都幾好食~」剛吃過晚餐的我說。
 
「梗係,本小姐介紹得實好食~」芷晴笑說。
 
「我地去海邊行下?」我問。
 
「哦,好啊~」芷晴說。
 
走不到一會,我們就隨便找了個無人的地方坐下。
 


「爸組你壞喇,帶我嚟個咁靜嘅地方,唔通你想~」芷晴奸笑說。
 
「呢到靚嘛...」我心裡想著可以從何入手。
 
「講喇,由出嚟忍到依家,係咪有嘢想講~」芷晴說。
 
是她早已察覺到,還是我表現得太明顯。
 
「點解你會知我比人講一腳踏兩船呢件事?」我問。
 
「我同你去迪士尼嗰晚,有人同我講。」芷晴緩緩的說出。
 
所以,她們兩個都不是告密者?那麼又會是誰?
 
「係邊個?」我追問。
 
「我應承咗佢唔講得...」芷晴說。
 
「...」我沉默。
 
「邊個講有咁重要咩?」芷晴問。
 
「...」我依舊沉默。
 
所以,那個人比我重要,是別的男生嗎?我和她們約會的事,理論上只有我們三個人知道,依晨是從芷晴那裡聽來,那麼芷晴呢?證供對芷晴的不利,加上感性和理性同時衝擊,令我慢慢失去對她的理智。
 
「點解唔講得…」我慢慢說出。
 
還是那個告密者就是…這是我最不想看見的結局。
 
「因為我應承咗佢...」
 
「你可唔可以信我?」芷晴強忍著淚水說出。
 
「我同你地兩個出街,得你同依晨知...」我決定說出一直困惑的地方。
 
「所以,你覺得係我講嘅?係咪…」芷晴忍不住掉下淚水。
 
是因為她的謊言被我拆穿?
 
還是因為對我的失望?
 
 
愛真的需要勇氣 來面對流言蜚語 – 勇氣


歡迎大家follow我ig:9.shoots,果邊應該會更新得快啲,同埋會容易覆到大家嘅留言,大家嘅follow同like都係我寫落去嘅動力嚟㗎!!!!

P.S. 聽日應該1點會係ig更新,3點會係紙言更新~

小弟最近要開始做功課喇,如果真係遲咗更新,請多多包涵~

下一個故應該完咗sem先出~我重諗緊個名~