《喺Ocamp入面，我竟然同時成為兩個女神嘅獵物》: 們｜they

（…）
 
可是我沒有想到，接下來的一通電話，會使我和他的關係破裂…
 
「喂？」我接通電話。
 
「喂，芷晴！你知唔知啊謙比人傳緊？」依晨在電話的另一端說。
 
「吓！？傳咩？」我說。
 


那時的我想，是不是剛才在迪士尼有人撞見了我們，之後...
 
「傳緊佢一腳踏兩船…我同你…」依晨說得尷尬。
 
「連同你今日去迪士尼，聽日同我出街都比人講緊…」她接著說。
 
所以...
 
「你同咗其他人講？」我說。
 


今天我和啊謙去迪士尼，也許還有機會給別人見到，但明天依晨和他約會，除了她會說出去，還會是誰…
 
「早幾日啊龍問我星期日，我口快快講咗，所以我先打比你...」依晨說。
 
「你可唔可以幫我保守而個秘密，唔好比爸組知…我唔想佢嬲咗我，但我真係冇心㗎…」她接著說。
 
「但你知唔知你咁做會令到佢比人唱？」我說。
 
「最多，聽日我同啊謙講清楚，同埋我唔再介入你地？」依晨說出了一個我無可抗拒的條件，由其是啊謙那晚吻過我以後…
 


「好，我應承你～」我說。
 
事情的發展相信大家都很清楚。
 
那晚回到家中，啊謙懷疑的眼神依舊清晰，每當念及我們是否不適合時，眼角總會不期然的掉下淚水，令我久久不能入眠。
 
「芷晴你睇下，好靚啊而到～」凌晨時份，我收到在英國留學的啊紫訊息。
 
那是英國著名的摩天輪，突然腦海內新生了一個念頭。
 
或者時間就係最好嘅證明...
 
「好靚啊～如果我兩個月後過嚟搵你，你會招呼我㗎何～」我回覆她。
 
我找了個機會和家人商量，爸爸也認為我到外國見識一下也是好事，反正他原本也想將我送往外國讀書，接下來我便開始著手處理過英國working holiday和休學的手續。


 
第二天早上，依晨突然找我。
 
「啊謙有冇搵你？」依晨問。
 
「有…」我說。
 
我將啊謙懷疑我的事告訴依晨，但我沒有想過原來她是罪魁禍首。
 
「所以你依家打算？」依晨說。
 
「冇啊，諗住休學一年，去英國搵啊紫玩～」我說。
 
「吓…你要走啊～」依晨不捨的說。
 


「唔緊要喇，我會番嚟㗎嘛～」我笑說。
 
就在那晚，我休學的事被說成退學，化成訊息傳遍整個學系，那時的我才知道依晨就是那個主謀。
 
「喂芷晴，依晨入咗醫院喎，我地一齊去探佢？」我的中學同學群組響起了訊息通知。
 
「佢又係到玩咩…」我心想。
 
「吓？咩事啊？我ok啊～」另一個同學說。
 
「好啊，你地幾時去～」我說。
 
我想，還是當面問清楚她。
 
在醫院送走了啊謙後，我轉入病房。


 
「你地可唔可以比我同依晨傾一陣？」我說。
 
她們好像意識到這是我和依晨的問題，都很識趣的離開房間。
 
「所以，點解你要咁做？」我問。
 
「…」依晨沒有說話。
 
「我問你啊！李依晨！」我捉著她的手說。
 
「我唔知啊！我淨係唔想人得到你！你明唔明？」依晨說得歇斯底里。
 
所以，她是真的喜歡我。
 


「但你咁做永遠唔會得到幸福。」我說。
 
「咁你可唔可以，原諒埋我而次？」依晨瞥著我說。
 
「而一刻，唔可以，你休息下...」我說。
 
「鳴…」依晨再也控制不住自己的情緒
 
「Sorry…」臨走出房門時，我聽到她說。
 
當時的我其實已經原諒了她，但還是要給她一個教訓。
 
或許會有很多人問，既然事實弄清楚了，啊謙亦知錯，為何仍要離開。
 
這時間 似是澗 時計的偏差也需慣 若然難遇見戀照談 更會珍惜這緣慳~
 

這段晨錯 時差 每看手錶念你一下 每天光陰再洗鉛華 鏡中花當是畫 - 時差

歡迎大家follow我ig：9.shoots，果邊應該會更新得快啲，同埋會容易覆到大家嘅留言，大家嘅follow同like都係我寫落去嘅動力嚟㗎！！！！

P.S. 聽日後日做功課，下星期一出文。唔知大家想唔想睇埋依晨嘅自白，所以係ig開咗個投票，我會跟結果決定～

小弟最近要開始做功課喇，如果真係遲咗更新，請多多包涵～

出咗新故喇～《嗰晚，女神竟然攻擊我嘅Coin Master村莊》，希望大家多多支持～