十年後的舊情復熾: 蕙的分析

兩人買過戒指，光說要請蕙晚餐，以答謝她陪他選禮物。蕙建議找一間食物選擇較多的酒吧。光同意，他們就找了一間客人不多的酒吧。兩人點好菜，就開始聊天。

蕙：做乜咁大手筆買戒指？
光：又唔係鑽戒。OK 啦價錢都算。
蕙：但買戒指始終怪怪地。
光：點解呢？一對戒指唔係體現緊我同佢之間嘅承諾咩？
蕙：你同佢有乜野承諾先？
光：嚴格來講又未有。但係佢收左就即係有架啦。
蕙：咪住先。查實你知唔知雪姐姐點諗？
光：咩點諗？我知佢同我一齊好開心，唔會想同我分開。佢之前都應承過我唔會走。都算係一個承諾啦其實。


蕙：咁你諗住成世都做人地情夫呀？
光：唔好講啲咁掃興嘅野啦。
蕙：唔係掃興，係現實。
光：你話我之前，咁你自己呢？
蕙：一筆還一筆。講左你呢筆先。我知道阿雪同你一齊好開心。你咁愛佢，我估佢老公都冇咁愛佢。你可以令佢咁開心，我都好戥佢開心。但係你都識講，戒指係代表承諾。而家佢同你喺返埋一齊，好似當初熱戀期咁，你突然要佢承諾啲唔知乜野，會嚇走佢架。
光：嚇走佢？
蕙：係呀。會嚇走佢架。佢心入面其實都知唔可以長此落去都係咁樣樣。就算佢瞞到佢老公一世，佢都唔想阻住你搵自己GE幸福。
光：我而家覺得自己好幸喎。
蕙：車！你明我講乜架啦。



光默言不語。

蕙：過多一年半載，嗰種激情少左，淡左嘅話，佢都會走。你冇得揀架其實。一係你就搵個女朋友，咁樣阿雪應該自己會走。如果唔係就等佢激情過後佢走，咁你仲傷啦。你畀隻戒指佢，要乜Q承諾，隨時搞到佢即刻走架。到時你又冇左佢，又冇第二個囡囡喺身邊喎。佢又冇左你，盞兩敗俱傷。
光：咁我都買左囉。
蕙：送畀佢可以。但唔好講乜鬼承諾啦。
光：哦……
蕙：我HURT到你啦？
光：唔係。不過有啲野我唔係好明。
蕙：仲有乜野唔明呢小朋友？
光：MS張其實愛唔愛我呢呢？


蕙：點會唔愛？
光：雖然我同佢好開心，但好似唔係好了解而家GE佢咁。
蕙：咁難免架啦。你地又唔係見得多，又唔係可以成日溝通。佢愛你就一定嘅。佢同佢老公都冇出乜野問題，唔愛你做乜要冒呢個險？

之後兩人的話題就環繞住MS張。有關MS張的事，光都很有興趣知道。但他同時感到奇怪，為甚麼要知道MS張的事，要通過蕙？
慢慢，話題又回到光和MS張的關係身上。蕙再一次提醒光這段關係總難永遠持續。

光：你都幾似我一個朋友。
蕙：係咩？
光：佢叫阿雲。以前係佢陪我同MS張出街。其實當初某程度上係佢撮合我同MS張。不過佢而家就唔鍾意我同返MS張喺埋一齊。妳又係咁。陪我地出街，維繫住我地。但係又叫我唔好有咁多期望。同埋你係識得話人唔識話自己。
蕙：哼！以前你都可以咁話我，而家唔得。
光：點解？
蕙：我飛左之前嗰兩個男朋友啦。