十年後的舊情復熾: 十年前的秘密

光和蕙的婚禮以中午酒會的形式進行，MS張作為姊妹之一，一早就跟一對新人到位於室外的會場。雲一家三口到會場時，見到MS張跟其它光的中學同學聊天。大家對新娘原來是由MS張介紹給光感到驚訝。雲在旁聽到她的舊同學的反應，當然別有一番感受。
 
雲跟MS張打招呼後，就叫MS張到接待處那邊一起拍照。雲的丈夫替他們拍下照片後，雲就拉MS張到會場較冷清的一角。雲不說客套話，跟MS張開門見山："你點解要咁樣害光仔呀？"
MS張：我冇害佢，你睇佢幾開心幾幸福。佢今日唯一個心有啲野梗住，就係因為你接受唔到。
雲：好。我當佢地係真心相愛。但你唔愛佢架嘛。做乜要呃佢？
MS張：你好似違背承諾喎。
雲：咩呀？
MS張：你好似應承過唔將嗰朝我講嘅野話畀光仔聽。
雲：我都係冇辦法啫。
MS張：不過我真係估唔到，你仲記得嗰個朝早我同你講過啲乜野。


雲：嗰朝嘅事我成世都唔會忘記AR。
 
兩人的腦海泛起了那個早上的影像。當日雲按鈴時，MS張還在睡夢中。被吵醒的MS張在矇矓間讓雲進屋。雲見到MS張雙眼通紅就說："妳對眼紅晒喎！"
MS張：嗯。喊得好勁尋晚。係啦，光仔OK嘛？
雲：唔OK 啦。佢好唔開心呀。
MS張：咁靠你幫我睇住佢啦。
雲：靠我冇用架，你唔好唔要佢啦。
MS張坐在餐桌前："佢有冇同你講點解要分手？"
雲坐在餐桌前的另一張椅上，和MS張對望："有。你要結婚呀嘛。但係你都可以等佢入大學識多啲女仔先分手架。"
MS張：長痛不如短痛啦。咁落去大家都辛苦。


雲：而家佢就真係好辛苦啦。你喊到咁你都辛苦啦。我見到你地咁樣都好辛苦架。
MS張：係我唔好，我對光仔唔住。但係都冇辦法。
雲：我都唔係要你唔結婚。我都只係想你陪多佢兩三個月啫。你愛光仔嘅話，你都唔想見佢咁辛苦架。
MS張沒有回應，低頭沉思。雲見MS張沒有反應就追問："好唔好呀？就咁啦好唔好？"
MS張：唔得！真係唔得！我要結婚係一個問題，但其實仲有一個問題。
雲：咩呀？
MS張開始逃避雲的目光："唔好問啦。總之唔WORK 架。"
雲：你都要講個喎。如果係阿光有啲乜問題，你都要畀佢知架嘛。
MS張：唔係佢有啲乜野問題。總之有啲野唔知好過知啦你地。
雲：邊有得咁GA MS？咁樣阿光真係死得唔眼閉呀。


MS張：當我冇講過啦咁。
雲：唔得，你要講呀。如果你嗰個理由係合理嘅話，我就唔煩住你。
MS張想了一會，就說："合唔合理都好啦，都係要分開架啦。"
雲：唔合理嘅話我會同你拗，拗到你改變主意。
MS張：你係咪一定要知？
雲：係！
MS張：但係你唔可以同光仔講。
雲：點解？
MS張：唔應承就算。
雲心想就算她告訴了光，MS張也不會知道："好啦。"
MS張：其實……其實我自己都唔知我係咪愛光仔。
雲：下？唔係掛。你同佢搞過咁多次，同佢出街又咁開心。
MS張：我呢排喺度諗……其實我有冇同佢單獨出過街？
雲： 基本上冇喎。
MS張：咁我點知我開心係咪因為佢。


雲：咁但係你地成日都兩個喺呢度搞架嘛，唔係咩？
MS張：係呀。都開心架。但係出街開心啲囉。
雲：咁都係因為同光仔出街至開心啫。
MS張：我唔知呀。如果我出街開心過喺屋企，而唯一唔同就係出街有你，喺屋企冇你。咁我就喺度諗，我鍾意嗰個究竟係邊個呢？令我開心究竟係邊個呢？
雲：下？你唔係講緊嗰個係……痴線咩？
MS張：我唔肯定，但可能真係……
雲：痴線咩？如果係咁，你仲要同阿光做？
MS張：同佢做係好開心，開心過同我男朋友好多……但唔係同你地出街嗰一種。
 
雲面色變紅，似乎感到尷尬。但她的語氣卻是強硬："唔好講笑啦。你要作個理由都作好啲呀。"
MS張：唔係呃你架。
雲站起來：”你證明下呀。你唔愛阿光可都以搞佢，你而家搞我呀。”