[兩性] [大結局] 叫咗個PTBF，居然撞正係Ex: 第二章、摘下禁果 (2.1故事)

香港地，女少男多，男人見到女，有殺錯冇放過，正常正常。
 
通常埋我身啲男人都係睇外在多，佢哋會係咁問我啲私人嘢。所以有時反而唔係咁想俾人鐘意我，想自己一個。可能你會覺得奇怪，咁我只能講，每個人都有唔同嘅故事。
 
我會鍾意聽人哋嘅故事，多過人地對我有興趣，然後不停咁問我野。
 
真係悶。
 
好想有人陪下同我傾吓計。想聽下人哋嘅故事。
 




Daddy已經出咗去返工。自從daddy同阿媽離婚之後，屋企啲家頭細務都係工人打理。我食住工人煮比我嘅頹爆炒烏冬。有啲掛住出面嘅嘢食。一時間又點搵人同我出去食呢？
 
或者其實我玩下交友app，總會有人會想約我出去。但係啲人實chur我，係咁問我嘢，查家宅咁。
 
突然間我就諗到四個字: PTBF。
 
咪住先，我話晒都唔差，點解要走去叫鴨？但唸到我可以用錢去買一段我可以控制到同埋舒服嘅關係，我又心思思想試下。
 
Google:
 




"ptbf” 
 
"ptbf telegram”
 
我按落去嗰個tg group度，發現今日都已經有十幾個男仔留言。