[兩性] [大結局] 叫咗個PTBF，居然撞正係Ex: 第二章、摘下禁果 (2.3由我主宰)

有新「男朋友」，但係腦海入邊又會不知不覺諗起一路以黎令我憎厭嘅人。希望籍著同「新歡」一齊，就可以忘記佢地。
 
同Desmond一齊 之前我仲有幾個Ex。我自問係佢地面前唔港女、唔公主病。但到頭來⋯⋯原來人地只係覺得我後生妹比較easy，一齊冇耐就成日話想同我搞嘢。
 
就連朋友，畢業後都只係想sell我嘢。
 
或者依個世界就係咁多player，又或者係我遇唔到好人。
 
會唔會係我太唔港女，所以先比人覺得好似好好呃咁？
 


腦海入邊偶然會浮起呢句話，「你同我上床當交補習費啦。」兩年前我考DSE之前，我鐘意過嘅學長咁同我講。
 
可能對佢哋來講，我只係一個入世未深嘅靚妹。
 
「男孩子總當每個少女容易騙」
 
今次會係最後一次唸佢地。我嘅嘴角微微上揚。
 
估唔到咁樣會令我覺得有少少興奮。
 


今次呢段感情，就由我去主宰。