[兩性] [大結局] 叫咗個PTBF，居然撞正係Ex: 第五章、美女們的下午 (5.1 $2600/3h＋tips)

 
「Hi， 咁早呀！」著住白色連身裙嘅Lindy拎住 Lady Dior手袋同著住J'ADIOR 淺藍色露跟高跟鞋。
 
「女，一陣6點鐘返黎。今晚唔使飲好多。準時」Lindy嘅電話傳黎一把老女人嘅聲。
 
「得得得，知道。」
 
正當我腦海都係問號嘅時候，佢搶先一步問我。
 
「係呢，你一唔一齊返？」




 
「返咩？」應該唔係想賣我掛……
 
「二千六三個鐘，tips另計。咩你之前冇返過咩。」
 
「冇，係做咩咖。」雖然我冇唸住返工，但我都幾分好奇著得咁靚嘅Lindy一陣去點樣嘅地方返工。
 
「都係同客傾下計，玩下遊戲咁囉，有時輸咗要飲好多咖。仲有如果個日冇客揾就冇錢咖啦，慘過做Ptgf。勝在唔洗見光，唔怕撞到熟人。仲有啲客通常係做生意，有錢啲。之前係船P撞到你，以為你同我係同行tim。」
 
「Er…我暫時都夠錢洗，唔洗啦。」我一路玩弄著我嘅Cartier手鐲，一邊口窒窒咁回答。




 
「睇得出嘅，你隻鐲都等於我半個月人工。邊個送咖？你就好啦，我都冇客送俾我呀！」佢握著兩隻掌拳頭放係眼度，做個喊嘅手勢。
 
咁啱waiter過黎，可以唔使答佢個問題。
 
我地點左個下午茶二人套餐。Lindy再點咗兩支酒。
 
「喂喂喂，咁早就飲酒？嗱我唔飲咖！」 我望住佢一啖榴槤卷一啖酒。
 
「冇人叫你飲呀。」佢講完之後又倒咗一杯酒，唔洗五秒飲完。喂喂小姐唔係果汁呀!




 
「你醉咗一陣點返工呀？」我唔想一陣抬人走。
 
「返少一日又唔會冇錢洗嘅。」佢個頭拎咗去左邊。
 
「總之你唔好飲咁多啦。」
 
最後佢食緊糯米糍個陣就醉到訓咗。好彩酒店仲有吉房可以俾佢訓。