只有做愛的時候我才聽得見聲音: （28）

上到房Alex又喺度諗，難得Priscilla竟然揾自己演出，如果拒絕左會唔會令對方失望。

畢竟Priscilla都係自己深深迷戀過嘅人，佢都唔想讓對方失望。

只但係，依家嘅佢又的確係無能為力，連一首歌都彈唔到，真係想幫都幫唔到。

佢喺間房諗左成粒幾鐘，都未諗到一個好嘅藉口拒絕。

「滋滋—滋滋—滋滋—」



Priscilla突然打過嚟，佢唔小心㩒左接聽。

「喂？Alex？你睇左個message，考慮成點呀？」Priscilla喺電話裡頭話。

Alex耳朵聽唔到，無法回答，隨即結束對話。

佢發短訊解釋：「Sorry，我個電話壞左，淨係send到message，傾唔到電話。」

「咁你考慮成點？如果你唔ok，咁我唯有再揾人。」Priscilla用短訊問。



「我考慮下，或者聽日答覆你。」

呢句啱send出去，Alex就馬上後悔。

佢覺得自己要決斷一啲，既然去唔到就索性乾脆啲，直接同對方講自己去唔到。

依家拖一拖好似又俾左啲假希望對方。

佢望下個鐘，都差唔多三點，諗起原來自己未食lunch。



佢落樓下叫晴晴炒個麵俾佢醫肚。

唔洗十五鐘，香噴噴嘅豉油王炒麵就被端上飯檯。

「你幾時上台表演呀？」晴晴問。

Alex只顧食麵，無視晴晴嘅問題。

「喺我眼中，揸住高爾夫球棍嗰一個，並唔係真正嘅你。真正嘅你，係台上拎住支結他彈嘅嗰一個你。」晴晴將輸入嘅文字俾Alex睇。

「又喺度亂噏，你又知彈結他嗰個先係真正嘅我？你見過我彈結他？」Alex忍唔住回覆。

「雖然我無親眼見過，但我睇過你上台表演嘅相，我一睇就知嗰個係真正嘅你，所以我覺得你要放棄高爾夫球，拎返起支結他，揾返嗰一個真正嘅自己。」

Alex笑一笑，反問：「咁請教林若晴小姐你，我都聽唔到嘢，咁點樣拎返起結他，揾返真正嘅自己？係咪一邊同你搞嘢，一邊彈嘢？」



「唔洗咁麻煩嘅，你用『嗰樣嘢』咪得囉。」

「邊樣嘢？」Alex疑問。

晴晴笑笑口走上樓上，揾出口中所講嘅嗰樣嘢出嚟。

「登登登！」晴晴將呢句自製音效都打埋出嚟。

然後佢就展示出Alex棄置喺床下底嘅「全自動化迷你飛機杯」。

Alex一見個飛機杯，眉頭一皺，下意識掩住下體。

「用左呢樣嘢你咪可以聽到嘢、彈到結他囉。」



「你又知呢舊嘢點用？」Alex快速打字問。

「有一日我喺你間房打掃，掃到呢舊嘢出嚟，咁我好好奇，就拎舊嘢去問何管家，跟住佢就咩都話曬俾我聽。」

「我係唔會用呢舊嘢。」

Alex腦海忍唔住浮現出，嗰次條jer『kick』住喺個杯入面，連續打左十六個鐘頭飛機嘅慘痛經歷。

家下齋諗返起都已經嚇到縮陽入腹。

「用啦，唔怕嘅，嗰次係意外嚟啫。」

「你連嗰單嘢都知？」

晴晴點點頭：「你笠住個杯，咁咪可以好似『咩咩咩』嗰陣咁聽得到嘢，咁咪彈得返結他，你咪可以去上台表演囉。」



「癡線，我係點都唔會再笠呢舊嘢。」

「但係你唔想同Paula再一齊同台演出咩？你以前同佢上台夾band，笑得好開心架喎。」

「佢叫Priscilla。」Alex糾正。

「叫咩都好，總之你一定要做返真正嘅自己！打高爾夫球嗰個並唔係你，喺台上拎住結他演奏嗰個先係真正嘅你！」晴晴又重複剛才嗰句。

Alex無咁好氣，食埋碟麵先，免得攤到凍曬就唔好食。

至於晴晴啱先講嘅嘢，用意雖則可能只係想氹佢唔再去打golf，但係都引發左佢思考。

做返真正嘅自己…喺台上開心彈結他嘅嗰個自己…先係真正嘅自己...?