只有做愛的時候我才聽得見聲音: （31）

擺喺Alex間房嗰支係木結他，可以用嚟彈《Wish you were here》，除此佢需要多一支電結他彈另外兩首歌。

下晝佢叫晴晴車佢出市區，到琴行買左支電結他，連埋音箱同Pedals，並用書房作為練習室。

普通人喺屋企練結他，為左唔嘈到隔離鄰舍同屋企人，多數都會戴住耳機彈或者喺屋企人出曬街嗰陣先彈。

Alex就唔同，佢住嘅係獨立屋，隔離屋相隔一段距離，只要閂曬門窗，佢鐘意幾時彈，開到幾大聲個音箱都好，都唔會有人投訴。

依家設備已經齊全，只要套上飛機杯，咁佢隨時可以開始練嘢。



問題係佢拎住個飛機杯，個心好驚一笠落去又抽唔返出嚟，腦海一想起之前被逼打左十六個鐘頭飛機嘅慘況，佢碌jer就軟曬，硬唔起嚟。

晴晴吸塵前見到Alex揸住個杯喺度發吽哣，到吸完塵之後，對方都仲係好似舊石咁，坐喺度發呆，一個音都未彈過。

佢行入書房問：「你仲未開始練嘢嘅？」

「今日我狀態唔係幾好，都係唔練住。」

Alex打完段字，放低個飛機杯，想動身離開。



晴晴就拉佢坐返低，並提醒話：「提提你，今日係星期日，你禮拜五就要去排練，加埋得唔夠一個禮拜時間練，如果你唔加緊練習，肯定練唔曬三首歌。」

「三首歌唔係好多，聽日練都未遲。」

「趁有時間你應該練多啲練熟啲。」

「知啦，聽日先練啦。」

「睇你個樣，你唔係想縮沙下話？」晴晴問。



「唔係想縮沙，我只係驚笠完個杯之後除唔返。」Alex回覆。

「都話你唔用超過三個鐘就唔會有事，最多我幫你計時啦。」

Alex諗左一諗，輸入文字話：「你幫手計時？」

晴晴點點頭。

「咁你全程幫手睇住時間，一夠鐘就提我除左個杯，O唔OK？」

「得嘅，橫掂我都做曬啲家務。」

Alex心諗為安全起見，打算都係用一個鐘試下先。

佢叫晴晴留喺度幫手計時，夠鐘就立刻提佢除低個杯。



晴晴表示明白後，轉身行開。

Alex拉住佢，問：「你去邊呀？」

「迴避下嘛，等你笠好個杯我先入嚟，費事喺度望住，搞到你唔好意思啦。」

晴晴隔左十五分鐘再返入書房，但對方仍未套上飛機杯。

佢問：「仲未搞掂？你係咪太耐無用，唔記得左點笠入去？」

Alex唔係唔識用，而係呢個飛機杯帶俾Alex嘅痛苦經歷，真係令人「提不起莖」。

無辦法之下，佢試下叫晴晴幫手，睇下對方可唔可以幫佢「起到機」。



「要我幫手？呢啲唔係要你自己嚟架咩？」

「係就係，只但係我雙手如果掂過潤滑劑，就唔可以掂弦線，因為咁樣會令到啲線好易生鏽，所以我就想你幫下我。」Alex求其作個藉口話。

「Um…」晴晴唔係太願意。

「你唔幫我咁算啦，反正我本身都唔想應承Priscilla，比起彈結他，依家嘅我都係啱打golf多啲。」

大熱天時，出面成個火爐咁，晴晴一聽到話出去打golf，未被太陽曬都已經出汗。

為左唔出去暴曬，同埋都想幫Alex重拾真正喜歡做嘅嘢，佢捱義氣幫對方一次。

「我幫你一次咁多，以後你自己諗辦法。」

「無問題。而你要做嘅好簡單，先幫我chok硬下面，然後笠個杯落嚟，咁就得啦。」Alex講解一次。



晴晴拉埋書房啲窗簾，等房間無咁光，然之後佢倒少少潤滑油落手，身體挨近Alex，伸手進入對方褲浪，輕輕觸碰男人那話兒。

Alex瞇埋眼，深呼吸一口氣，盡量唔去諗個飛機杯，亦嘗試唔去諗嗰十六個鐘痛苦嘅經歷，專心感受女方嘅觸碰。

晴晴其實淨係識上下上下咁chok，然而佢掌心嘅溫度加上溫柔嘅摩擦，令「軟尺」漸漸變「直尺」。

見Alex下面變硬，晴晴拎起飛機杯，慢慢套落去。

當入曬之後，就細細力㩒一下杯頂上嘅開關。

「啊！！！」突然Alex大叫出聲。

個杯開著左，就用極快速度上下摩擦佢條嘢，導致佢痛到要嗌出聲。



佢拿拿臨將飛機杯嘅速度較返慢。

呢個飛機杯同真正嘅陰道有99%相似，有內外兩層，裡面嗰層包住Alex下體，上下摩擦移動，外面嗰層就有防震裝置，個杯自己郁緊嗰陣，防震裝置會抵消左個震動。

因此就算裡面chok得幾快，外面睇落個杯都係紋絲不動。

同埋就算有時爽得滯射左都唔怕，因為外面嗰層仲有個裝精液嘅小容器，用嚟接收射出嘅精液。

飛機杯正以不快不慢嘅速度刺激下體，讓Alex產生同做愛時相似嘅性刺激，佢嘅聽覺因而逐漸恢復到接近十成。

呢刻嘅佢可以彈結他了。