只有做愛的時候我才聽得見聲音: （38）

數數手指，啱先嗰次係今日嘅第三次.按上次經驗，等射到第十一次，碌jer就會徹底硬唔起，到時就會從飛機杯中慢慢滑返出嚟。

目前距離十一次，仲有八次，而當中過程將會相當痛苦，相當折磨。

「喂，你肚唔肚餓呀？」晴晴問Alex。

「我依家…食咩都無胃口。」

「係啦，話時話，其實打十六個鐘頭飛機係咩感覺？」



「痛不欲生，想撼頭埋墻死左去好過嘅感覺。」

絕望嘅Alex著返條褲，笠好個頭盔叫晴晴車佢返屋企。

晴晴開車，但無返清水灣，而係帶對方去旺角一間大排檔食宵夜。

「做咩車我嚟呢度？」

「呢間大排檔啲炒蜆同炸蠔餅好好食架！



「但我無胃口…」

「要忘記痛苦嘅感覺，最好嘅方法就用開心嘅感覺掩蓋佢，與其你返屋企喺間房捱過嗰十幾個鐘，倒不如喺喺出面揾啲做下開心下。橫掂都係掹唔返出嚟，咁就唔好浪費聽到嘢嘅時間，一於用盡佢，食完宵夜我地就唱k，最多啲洗費我自己出返，唔洗你報銷啦。」

「下…咁…」

「唔好諗啦，跟我入嚟啦，間鋪頭啲炒蜆同炸蠔餅真係好正架！」晴晴拖住Alex隻手，拉佢入去。

佢地嗌左好多嘢食，有炒蜆，有炒辣蟹、炸蠔餅仲有雞煲等等。



「你試下個蠔餅。」晴晴夾俾Alex。

Alex咬一啖，發覺味道好掂：「又真係幾好食。」

「哈哈，都話左好食架啦，你試埋其他……」

佢地食飽後就去唱卡啦ok。

自從耳仔失聰，Alex都有成七年無落過k房唱k。

「今天今天星閃閃，剩下我
北風中 漆黑中 帶著淚
念當天當天跟他一起的每天……」

晴晴揸住mic唱緊梅艷芳嘅《夢伴》，但就係唱緊走音版。



五音不全嘅佢，唱得完全唔啱音。

「點解你唱埋啲…咁舊嘅歌？」Alex問。

「嗯？你話咩話？」

Alex湊近對方耳邊大聲講：「我問你…點解唱埋啲咁舊嘅歌？」

「點解我識呢首歌？因為我阿媽以前好鐘意梅艷芳，成日都播呢首歌，搞到我咪埋眼都識唱。」晴晴喺Alex耳邊大聲回答，雖然係答非所問。

跟住佢遞支咪俾Alex，話：「一齊唱呀！」

「我唔識唱喎！」



「跟住我唱！」

Alex跟埋晴晴唱埋一份：

「今天今天星閃閃，剩下我
北風中 漆黑中 帶著淚
念當天當天跟他一起的每天……」
 
佢地由凌晨一點唱到三點，然後又落機鋪打機打到五點。

佢地玩得好開心，雖然個飛機杯一直無停過，但又的確如晴晴所講嘅，開心同快樂沖淡左痛苦與折磨。

被個飛機杯折磨，感覺係痛苦，只係對比起上一次，今次痛苦裡面多左一份喜悅同一份快樂。