只有做愛的時候我才聽得見聲音: （50）

然而，喺漆黑之中，二人都望唔清對方個樣，只聽到彼此嘅聲音，仲有感受到下身填滿/被填滿嘅感覺。

晴晴雙手抓緊Alex雙臂，咁樣會令佢喺全黑嘅環境中，搵到返少少安全感。

Alex清一清喉嚨，開聲問啱先未問完嘅問題：「你今日…去過醫院？」

「係呀。」

「去攞報告？」Alex追問，下體慢慢地，溫柔地，輕輕地摩擦陰道。



「嗯，無錯。」

「醫生話你咩事？」

「……」 晴晴沉默左片刻，猶豫左一陣先答話： 「只係普通m痛，無乜事。」

晴晴無坦白將自己個病講出嚟，因為佢覺得佢同Alex非親非故，稱不上係朋友更唔係情人，佢地只係包養同被包養嘅關係，喺對方心目中，自己只不過係一個無關緊要，隨手可換嘅床伴。

就算講左出嚟，對方都唔會在乎，加上Alex又唔係醫生，又唔會出錢幫佢醫病，咁講出嚟都無用，難得對方今日咁開心，無謂講啲傷心嘢破壞氣氛。



Alex聽完晴晴咁講，個心喺度諗：原來係m痛，咁好少事啫，但問題係今日喺醫院門口，明明見對方雙眼通紅，同埋佢眼神之中又不時閃過哀傷之色，咁係咩一回事，莫非只係錯覺，係自己睇錯左？

「滋滋—滋滋—」Alex床頭嘅電話震動。

由於停左電，音響都無開著，成間房無聲，十分安靜，顯得手機嘅震動聲特別明顯。

「又係Priscilla揾你呀？」晴晴問。

「我估係啦。」Alex回答。



「又約你出去食飯聚舊？」

「除左約食飯…佢呢排有啲唔開心…不時都發短信揾我傾訴。」

「哦…」

晴晴無再問落去，佢唔想聽Alex講同另一個女人嘅事。

Alex以為晴晴追問，結果竟然粒聲唔出。佢發覺最近晴晴，比起以前講少左嘢，有種刻意同自己保持距離嘅感覺。

一片漆黑嘅房間裡，二人沉默無言。

呢種沉默維持左約一分鐘，喇叭就突然有返聲。

與此同時，房間嘅燈都著返曬，冷氣都開返，睇嚟已經有返電。



Alex從剛才沉默嘅氣氛回過神來，聽住音樂，喺女方身體進進出出。

晴晴嘗試暫時忘記心中憂愁同哀傷，盡量迎合，滿足對方慾望。

做完愛之後，二人背脊對背脊坐喺床嘅兩邊，各自著返衫。

「你大概幾號過去英國？」晴晴背對背WhatsApp問Alex。

Alex睇下電話日曆，回答：「下個月三號。」

「即係一個禮拜之後？」

「係呀。」



「到時你走之前記得出糧俾我，仲係double呀。」

「放心啦，我信我一定唔會唔記得，因為以你條友嘅性格，之後肯定會每日提一次。」

Alex覆完呢句，擰轉身望一眼後面，發現床嘅另一邊空空如也。

晴晴已經走左。