春夏秋冬都是妳: 十二

我成功訂到一個星期五晚上的party room，更請了半天假籌備。

好彩有個好兄弟幫手，買氣球買花準備講乜。雖然佢話唔使拉紅線但我都會做㗎啦，我叫左樂晴最friend嘅閨蜜黎，順便幫佢地做順水人情。

「萬事具備，只欠東風。伊人可以過來了。」銘爺坐在沙發上說
「我依家去接佢啦」我說
「一陣佢個閨蜜上到黎尷尬點算」他問
「咁你自求多福」我走出門外

呼，終於要表白了。


不知道為什麼有些莫名的興奮，可能是因為和樂晴關係終於能夠得到肯定。

「喂～咁好死接我放工嘅？」
「掛住妳咪接妳咯，有得解㗎咩」
「口甜舌滑啦你。點啊去邊度啊？」
「跟我黎，帶妳去個地方」

奧運往葵興的車程不算很遠，一直倒數著成敗的一刻。
我手心冒汗，額頭斗大的汗珠滴在旁邊的樂晴上。



「你好熱咩？」
「都幾…」
「吓，明明好夠冷氣喎？你係唔係發燒啊，我摸吓？」樂晴將手放在我額頭上擔憂地問
「我…我無啊」這個動作簡直使我變得更繃緊
「搞乜啊，神神化化咁」
「今日我地去葵興食飯」
「吓，咁遠又唔早講…」
「我唔記得左咋嘛」

終於來到了party room附近，樂晴卻察覺到了不妥。果然老師嘅直覺好準。



「呢度工廠仲多過人，你有咩企圖？！」
「我…妳跟我上去先啦」我實在沒有時間去解釋了
「好喇喎李皓朗！今日成日都神神化化咁，究竟你有咩企圖？」

我沒有回答，因為我們已經到了party room的門口。

「你入去睇吓先啦。」我拉著她的手，屏息著呼吸

看見一片粉紅色海的樂晴，大概知道發生什麼事了。

「吓？」樂晴一臉問號
「樂晴！識左妳都差唔多20年喇。如果要我用一個詞語去形容我地嘅關係，我會話曖昧。由幼稚園嗰陣話要娶妳，到小學拖住妳返學，再到中學嗰陣保護妳，到宜家每朝車妳返工。妳都係無變，都係咁鍾意笑，咁樂觀。而我都無變，咁多年都咁愛你。」

樂晴已經淚如泉湧，卻禁不住燦爛地笑了。



「俾次機會我，換個身份更加深入認識妳可以嗎？」
.
.
.
「你要做我契弟？」樂晴破涕為笑

我倆相擁在一片粉紅色海裡，終於終於我可以名正言順叫樂晴做 女 朋 友 了！

(拖更咁耐，作者終於可以名正言順休息吓)