[粵語殘故] 神探理小龍: 第一章

「一個姓田的女仔最慘係啲咩？莫過於係屬雞，芳齡18歲卜卜脆，竟然比個細路叫我田雞老師。本小姐我靚爆鏡，你個衰樣就似田雞！」一名長髪少女在回家的途中顯露出濃濃的殺氣。

「身為一位受高等教育的港女必須時刻保持儀態，唔可以比人知道我心入面自言自語嘅時候講嘢咁粗魯，由其是坐緊小巴果陣一定要托住個頭然後情深深咁望住遠方。
因為無論咩時候都可能有個靚仔望緊我，就好似宜家後面嗰男仔咁，等我裝吓佢是咪望我先 ～ 不過點解 ...... 點解我咁命苦 ...... 明明成日比人話我樣似劉心悠，人又高，表膚又白又滑，天生麗質 ...... 條件咁好都冇人追！18歳都重係A0，唔通我呢世都要做老姑婆 ～ 」

心入面自稱貌似劉心悠的少女所載著的蘋果手錶叮叮地響起兩聲～

『你好！請問係咪狗壹壹？』

少女望到訊息心裏更感悲傷「 剛剛先幫人補完習，都唔比我休息下，就要我做客服覆訊息！不過呢個世界就係需我！冇辦法啦 ～ 」





少女攞起電話嘀嘀噠噠地按『你好啊。我是狗壹壹嘅小編。我姓田，請問有咩幫到你？』

『我想請教你哋？我屋企附近有隻狗死咗，隻狗又冇人養的！我唔係好知點處理，所以咪搵你地問一下。』

少女手握拳頭鎚鎚敲打自己的心口「呢個世界咁多壞人唔去死，又有隻可憐的小狗狗走咗 ...... 呢個世界公平咩公平咩！」

小巴裏仿似響起舊式粵語殘片常用的背景音樂「冷靜！冷靜！身為受高等教育的港女，我應該要時刻保持冷靜，首先我要用專業嘅態度用幫人。」

『是咁的。根據法例指引如家中寵物自然死亡，要處理寵物遺體應先用膠袋包好，並在袋面註明動物屍體，送往公眾垃圾收集站交予站內職員。 如在街上發現動物屍體，





致電政府熱線通知食環署來處理就可以啦。不過如有宗教或紀念性質，可以搵我地呢種坊間的動物善終服務嘅。我地絕對可以幫到你，令狗仔早日安息。』

小巴到站打開車的瞬間，猶如平日所看到的賽馬節目，帶頭跑出一名少女的身影，高挑身材所配備的40吋長腿，速度之快如田徑選手般的神彩。

少女打開家門正享受衝過終點的成功感，屋裏便傳來怒吼「田甄蕾 ～ 吾食飯又吾早啲講！」

甄蕾向田媽媽撒嬌耍賴地話「我明明就有講，我今日要出去補習哎嘛！乜我冇講咩！唔通 ...... 我唔記得咗？我真係大頭蝦啦。」

「你冇嘢叻！最叻就係通山走同扮唒嘢！」田媽媽冷笑地話





自覺未能得到諒解的甄蕾繼而希望轉移話題 , 向屋裹尋找田爸爸的蹤影「啱啱客人搵我地接狗狗，你咁快返左來？」

「末喎！我宜家開車出發，你今晚同我來幫手。」一位中年英氣大叔口中咬著一根香煙 , 手握著車匙從客廳行出來。

「爸爸啊！話說人家係女仔嚟架，成日要接觸啲屍體啊 ～ 遺體啊！會摧毁我弱小小嘅心靈嫁。媽 ～ 你救我啊 ...... 」

甄蕾得不到回應只好無奈地跟著走「人家個心好驚驚啊！好不安啊！」

田爸爸輕浮地笑話「既然你咁吾安心，試吓裝個安心出行定驚。」

「好爛啊田爸爸，笑話唔好笑！話說 ...... 你食少啲煙啦！陣煙味好計討厭啊！」