[粵語殘故] 神探理小龍: 第七章

第七章

「你知唔知點解佢要安排喺呢度交換人質，佢就係要製造一個兩難嘅局面，利用電動嘅滑板車去逃走，以正常人嘅速度根本好難追得上，如果我唔理個炸彈追到半路就炸到活埋晒我哋啦！」

「咁今次死啦！冇咗粒賢者之石，就算搵到方法我都冇辦法變返做人，唔通個天真係要我成世做狗。」

「你放心。我相信我哋好大機會可以搶返粒石，因為佢呢個計劃根本就係針對我哋兩個，而第三個人冇嘢叻就淨係跑得快，所以可唔可以比我靜靜地去分析嗰陣，我哋大約剩返1分鐘左右。」

教授拿起粉筆一邊曱甴咁叫，一邊在地畫起大量的苻號「甲甴 ....... 哼，我讀得書多，你呃唔到我！曱甴！」





「每次見到你咁嘅款，都唔知你係真心鍾意李小龍定惡搞！？」

教授畫起鍊成陣並用火燒出二支金屬棒、隨著教授不停敲打出高頻率的叮叮聲，綁在狗狗身上的鐵鏈與炸彈上的金屬像水蒸氣般消失 ......

防空洞的另一邊經過甄蕾拼命狂奔，終於在差不多出口嘅位置追上神秘人，甄蕾用上身體並將神祕人從滑板車撞下，聽從教授嘅吩咐絕不可以給神秘人拿走賢者之石，甄蕾所諗到絕嘅方法竟然將賢者之石吞下。

甄蕾原以為神秘人會憤怒地向自己攻擊，誰不知此情此景神秘人竟未有繼續糾纏反而逃走了。

正當甄蕾以為終於安全並告一段落嘅時候，甄蕾發現自己嘅身體竟然開始像光管發起光來。





「點解你會吞粒石落肚嘅，你是細菌？你平時有食石頭嘅癖好？」

甄蕾一面無辜地反駁「又係你叫我千萬唔可以俾佢搶到粒石走，我一個女仔又唔係黑寡婦。」

「我只係希望你可以拖延時間，你依家吞咗落肚仲大鑊過俾佢搶走粒石。」

狗狗將肚反轉四腳朝天地話「今次死啦。我哋全部人都要陪你一齊送死啦。

教授用筆開始在甄蕾身上畫符咒，一臉無奈地話「而家首先第一步就係要保持冷靜，今晚發生咗好多好似好難解釋嘅事，總括啲簡單來講我同呢隻狗係煉金術士。」





甄蕾點頭示意自己明白。

「而你吞咗個粒叫賢者之石，簡單啲來講就係粒能量石，總之攞住就好犀利可以做到好多嘢，所以會有好多人搶。」

聽到教授的解釋亦可能係符咒嘅影響，甄蕾開始慢慢冷靜下來。

「其實以前好多人都嘗試將能量融入喺人體裏面，咁咪冇人可以搶到囉；但係暫時都冇人可以成功控制到，所以通常我哋大家都會將呢啲能量變成石，一種比較容易穩定嘅結構。」

甄蕾聽到呢度終於開始明白問題嘅所在「控制唔到即係點？」

「每粒賢者之石嘅能量就好似一粒核彈，一粒控制唔到嘅核彈咪隨時都可能會爆，不過你唔好驚。」

甄蕾用手捂住口噔大自己雙眼。

「身為天才的我雖然冇辦法即刻將粒石分離返出嚟，但我一定可以穩定住你唔俾你有事。」





狗狗聽到呢度馬上跳起身「賢者之石咁大嘅能量，你去邊度搵同等嘅能量去穩定啊！」

「從來我都冇話過我剩係得一粒，你快啲過嚟同我一齊計吓點樣去穩定人體與能量體嘅狀態」

教授把戒指嘅機關打開，拿出第二粒賢者之石。