無啦啦有三條女同左我一齊住: 3

「我...我揀...」

「我揀dare...」



雖然今日全日都處於劣勢，揀dare會令人失去了解我既機會

但，總好過自曝其短







上一輪既阿俊問口

「新地...我要你對...在場一位女仔表白！」



咩...咩話！






「好喎哈哈！！！」成班男仔拍掌叫好


要我對女仔表白？

我掃視在場既女仔，個個都呆哂


「咦~你地好痴線呀！」椰奶尷尬笑道







「快啲啦新地！」

「表白！表白！表白！」


如果我呢個時候話唔玩，即係話比人知道我唔玩得，咁以後果啲開sem飯、reu果啲真係唔駛叫我去

群情洶湧下，我一定要頂硬上


依家要諗既係，同邊個講...





肥西janice不提也罷，同佢告白既話實比人笑足四年

阿純係我頭號目標，但如果佢當左真既話只會令佢對我更反感

chantal有男朋友，我同佢告白會好肉酸

組媽erika都係同樣情況


即係話



「其實...」





我走到椰奶前面：「我好鐘意你呀！！！」


「.....哈哈哈哈哈！！！！！！」

椰奶聽到之後第一下未反應到，過多幾秒之後笑到痴左線：「咁大個女第一次咁樣比人表白咋！」



「嘩哈哈哈哈！！！！！！」

在場所有人都笑到痴線，就連阿純，都忍唔住笑緊







「咁搞笑得唔得架新地！」


「哈哈...哈哈...」

雖然並唔係我主動造成

但呢一刻既我真係柒到上心口，只能陪笑




之後既事基本上一片空白，我都唔記得左truth or dare玩成點

淨係記得，我果句「其實...我好鐘意你呀！」比人笑左成晚





ocamp既第二日，都係以玩game為主，但成晚無訓過既我，意識其實已經有啲模糊

椰奶或者係天生outgoing，繼續都係同成班人玩得好開心


而阿純既狀態都同我一樣，比起尋日仲攰



「唔好意思，我去一去洗手間先」

我襯大家都玩得好high果陣，出去抖一抖氣



「我搵左你成日啦..點解你唔覆我whatsapp架」

把聲咁熟既...


「你唔好嬲啦...我都淨係報左呢個中o姐...」

係chantal？

唔通..同佢男朋友講緊電話？



「喂！喂！」

對方好似收左線咁，chantal不禁露出失望既表情



chantal回頭一望，發現左我


「呃...」仆街，點撚搞



「你....唔好講出去...」

chantal開口講：「我唔想比果個jack睇中...」


估唔到，chantal都察覺到個狗公jack都mark左佢




「呃....好呀.....」

我答完之後，chantal就響我身邊擦過


點解...要比我聽到呢啲野...




之後既水game，其實我都無乜心機玩


「死啦！」



「砰！！！」

隔黎組既成員一個水彈掉過黎，爆到我成個身濕哂



「嘩新地，有冇咁渣呀你！」

同我同隊既組爸wilson開始埋怨：「再係咁我地輸架啦！」


仆街，運動始終都唔係我強項，再咁搞既話只會令自己越黎越柒...



「唉，chantal你上去啦」

wilson推左chantal出去


「吓我...」

雖然唔情願，但chantal都只好出到場上



「喝！！」

jack一記殺波，成功用水彈打中對手



「yeah！！！」

我地組成班一齊歡呼

唉啲sporty既運動撚永遠都係最受歡迎



「give me five！！！」

jack唔知係咪特登，佢逐個同場上既隊員high five，包括chantal

而且，仲見到chantal有少少唔情願咁


水球戰再度開始，今次對方發球


「砰！」

今次球打落chantal頭上


「喂屌你咩打女仔！」

jack扮哂man咁屌對面之後，即刻就拎毛巾


「chantal你無事丫嘛？」

jack借啲意用毛巾幫chantal抹頭


「唔..唔駛啦...」

睇住chantal尷尬、唔識拒絕既樣，唔知點解...




「喂！你比條毛巾佢自己抹咪得囉！」

我突然，靠住唔知邊度黎既勇氣大叫