無啦啦有三條女同左我一齊住: 5

今日ocamp既最後一日

jack經過尋晚屙到仆街之後，今日全日都面青口嘴白，都無時間再搞chantal


而因為我尋日個下少少英勇既行為，成功令椰奶同chantal多左同我講野



「喂！」





椰奶忽然拋左罐可樂過黎：「請你飲啦」


聽完尋日椰奶話自己落瀉藥既事，我唔敢開罐

「未開罐點落瀉藥呀，飲啦！」


雖然話就咁話，但始終都淆淆地





我慢慢開罐，倒入口中：「多...多謝....」



「我記得你同我同科架嘛係咪呀？」


「嗯..」我點一點頭







椰奶自己都打開手上既可樂

「你有冇報細o呀？」


「有呀，你呢？」


「無報呀，撞左更表」仆街，知道佢唔去即刻唔想去


「你返咩工呀？」





「餐廳呀..」

估唔到椰奶都會返工，以為佢係果啲有錢女



我求其搬個話題出黎

「係喎，阿wilson組爸...」


「睇得出啦」

椰奶笑道：「不過佢又無出手，我又覺得無乜野既...」






都係，我又何嘗唔想同阿純打開話題

不過我都估唔到，咁social既椰奶會主動yo我



「咁你諗唔諗住住hall呀？」

我問：「我想住呀，屯門返學都成個鐘」


「我都諗住報呀，我柴灣」

都係既，椰奶咁玩得，點會唔住hall玩返夠本丫







我地咁樣一路傾住計，直到ocamp既完結

雖然計玩既話其實又唔係真係好好玩，但都起碼識到椰奶同chantal丫....






去到oday果一日（即係同dept果d人返去聽下briefing果d日子）

但對於玩左細o既我，其實返到去都係聽下點樣先grad到、呢四年讀乜果啲咁







細o既詳細唔講太多了，同科既女太柒，去黎都係哂氣

仲要見返個肥西janice，好似同佢唔係好熟，無乜野講姐


不過可幸既係，細o都叫識到幾個fd

「喂，新地，呢邊呀」


呢個係響細o同我同組既阿琨，同我差唔多高咁，有踢開波所以體能都幾好

樣算ok既佢響細o入面比人投左票做ep男神，不過可惜，佢已經有個叫阿包既女朋友，讀city

睇過相都叫靚女既，不過個人幾專制，淨係比阿琨玩細o


阿琨唯一缺點，應該就係爛賭，佢響細o果幾日都成日睇住個馬會apps買波



「得啦，咁準時把撚咩！」

經過上次比椰奶恥笑之後，我已經無再gel油頭

「肥成，你搵咩呀？」


「我搵緊有冇靚女丫嘛...」

肥成同樣都係細o既組mate，比我同阿琨高同肥

眼鏡充滿霧氣既佢，基本上由入camp果一刻開始，就已經知道佢係想溝女

但可惜，first impression果一part佢已經比啲女標籤哂，「肥毒」一詞分分鐘跟佢四年


「上次細o都見哂啦，全部都唔靚既」阿琨道


「未必架，可能有女報細o呢？」

本身仲左望右望既肥成突然停低：「嘩.....」


「做乜呀肥成？」我問




「喂ching，乜咁早呀」

原來令肥成目定口呆既，係佢



「椰奶？你有返既？」

我又驚又喜，估唔到椰奶有黎


「唔駛返parttime咪返黎聽下囉」

椰奶指住肥成同阿琨兩個：「你細o啲組mate黎架？」


我點一點頭：「嗯，呢個叫肥成，呢個叫阿琨，佢叫椰奶」


「hi~」

「hello」


「hi...咁我去周圍r下女仔fd先啦，一陣見啦bye」

都啱既，唔通椰奶淨係同我地幾個熟咩，點都識下女仔fd啦


阿琨見椰奶走左，即刻拉住我

「屌你，原來一早識左個靚女同學既」


屌，中o講過幾句野就話識咩

「中o識既...同組咁囉，臨尾先傾到幾句」


「呢個椰奶都幾靚女丫，而且對波都幾大tim喎..」

肥成色迷迷咁睇住椰奶心口，成個痴漢咁



「你睇下你，流哂口水咁，嚇親人啦」


雖然我都覺得椰奶大波，但都唔會係咁昅佢對波啦...