無啦啦有三條女同左我一齊住: 9

marie走左之後，我就跟住tyson入房

房入面原來仲有阿豪響度，不過佢又係響度彈緊結他


「咁我就再自我介紹一下先啦」

tyson放低啞鈴：「我叫tyson，響city度讀緊law，今年year2，因為屋企響南區所以就黎左呢度住啦」






「哦...你地好，我叫新地...讀poly physics，今年year1」



阿豪都除低headphone自介：「我叫阿豪，都係讀poly既，不過今年都marketing year3啦」


房就同我之前睇果間一樣，話大唔大話細唔細

不過同之前唔同既係，呢間房唔係對住隔黎東九龍走廊，應該無咁嘈






tyson指住佢張床邊既一個櫃仔

「咁呢個櫃呢，就有得鎖既，而且仲會有防盜功能記低幾時開過咁，我地平時都係放銀包果啲貴重野入去」

「雖然我地都信得過roomnate，但少少保險點都要做」


的確既，出去同人住最緊要都係財物安全，呢度有做得都幾周到






「床單同衫褲果度就自己洗啦，洗衣機響出面」

阿豪放低電結他：「話時話，新地你點解又會黎呢度住既？」


「我住屯門，返poly既話來回都三個鐘..但又reg唔到hall喎...」我答



「哦係咁架啦...hall就係咁黑暗，我year1住果陣都已經係咁...」

阿豪講呢句話果陣，好似有啲弦外之音









夜晚，佢地兩個話慶祝我新屋入伙，就帶左我出去附近既大排檔食飯



「慶祝你加入我地暗hall大家庭，今晚我同阿豪請你啦！係喎...新地你仲有冇靚女介紹下呀？」

tyson食住薯仔牛柳粒，笑淫淫問道


「吓...」





一黎就問呢啲？


「聽marie講你同椰奶係同學丫嘛，依家又未開學，咁即係你地ocamp識架啦」

tyson推論：「ocamp就實有靚女架啦，睇下仲有冇其他可以介紹比我識下咁囉」



「新地唔駛理佢架，條友一日到黑都掛住溝女」

兩人相比之下，阿豪比較cool







「咩呀，識高質異性係人類既天性黎架，好似阿豪你咁咩，鐘意marie又唔...」


「喂！你唔好亂講呀..」

「哈講中左啦！新地你睇下阿豪丫，平時扮哂cool咁，響度玩暗戀」


睇阿豪突然講野咁唔冷靜，我都feel到tyson真係講中左，佢應該係鐘意marie

不過marie咁靚女，鐘意都唔奇丫...



tyson大大啖無糖可樂倒入口：「不過講開，我都估唔到marie個細妹都幾得意喎...新地你響ocamp實J過佢啦哈哈」







「...咁又無...」tyson比我既既感覺就係講野無架子之餘仲好大膽


「無？！即係仲有其他女啦！」


「有就有既，不過...」

我放膽，將響ocamp發生既事講哂比佢地聽




「估唔到你都幾夠薑喎，當住咁多人面前落果個狗公面」

阿豪讚賞：「雖然你又無話真係做左啲咩，但夠膽出聲都已經夠型架啦，響果個女仔心入面已經加哂分」


我邊趙住椒鹽鮮魷邊講

「但係..佢之後都只係對我講句多謝咋喎...」


「咁唔係你想點呀？即刻除衫獻身比你咩...」

阿豪呢一句，又好似有道理


「女仔係咁架啦，好少會做主動一方」



「阿豪就講得啱啦，丫豪哥你自己知女仔唔會主動，但你又唔主動出擊溝marie又係咩玩法呢？」

「你收聲啦...」


「總之，新地你同果條女識得果幾日，你想佢同你講啲乜先」

tyson不停搖動手中既筷子：「不過我都99%肯定佢係加左你分架啦，你跟我操返一排啦，大隻返啲包你溝到佢！不過...」


「講左咁耐....圖呢？」





「無呀...唔比你睇」

「有冇搞錯呀，咁都唔比得roommate睇？第時我唔幫你做軍師架！」











食完飯都十一點幾，我地三個返到去暗hall

椰奶同marie，正響reception對出果個common位食緊雪糕



「喂ching，乜你搬左黎啦」

椰奶見到我就開口講：「我以為你聽日返去上堂先順便搬入黎tim」


「聽朝有堂啦，緊係搬定過黎啦」



「又好似係喎，一陣check下先」

椰奶成口雪糕：「仲有呀...我介紹左暗hall比你，你依家差我一餐飯架」


「下你咁都得？！」


「無我話你知呢度，你黎緊日日都要哂三個鐘搭車架」

囂張既椰奶對我做下鬼臉：「多謝本小姐啦！」


「唉得啦，下次啦..」




「點呀新地，佢地兩個...幾好人丫嘛？」

marie問


「都ok既...佢地都好好傾」

至少，tyson同阿豪都係可以傾到計既人