「嘩入左黎暗hall住咁耐都係第一次搞呢啲大型活動咋!」

傻強笑道


「好彩今日好天咋,落雨既話真係掃鳩興!」刀仔道


「咦...咁猛太陽我驚一陣曬黑哂呀」





愛雯村似乎擔心自己皮膚多啲


「愛雯村你本身都黑架啦!曬完咪一樣!」

「你講咩呀larry!!!」

愛雯村即刻起身,一腳兜去larry度






「嘩冷靜啦巴士黎架!」


星期日,我地成班已經一早買定哂野食、燒烤叉果啲,搭住巴士入屯門蝴蝶

我地特登搵左巴士最後果個area黎坐,十足玩ocamp咁


好彩朝早架巴士無乜人,唔係實失禮死






「原來新地你住響蝴蝶架?」

坐響我前面既marie擰轉頭問


「呃係呀...由細住到大架啦...」


「但係...咁都無hall住又真係奇怪喎,咁遠...」

另一邊既otto道


「都唔出奇既,舊hall不嬲都黑暗架啦..哈哈...」





marie苦笑幾聲


「唔通...marie你都住過?」



「嗯,住過呀」

marie直言不諱:「我仲讀緊poly果陣year1有住過成德架」


marie呢啲靚女,我諗邊一個hall都會爭既






「喂喂新地,一陣..期唔期待呀?」

後面既tyson響我耳邊細細聲講



「期待咩呀?」


「我尋日有聽到班女仔講話帶定泳衣...一陣應該...嘿嘿」

係喎,本身都係話燒野食加沙灘玩






「阿豪你都緊火啦,一陣有得睇marie著泳衣...」tyson用手掙批一批阿豪


「咪煩啦...」

本身都少少cool既阿豪懶得理會tyson


「喂新地!有冇尿袋呀?」

坐響隔黎既椰奶問



「有...尋晚你唔差電?」






「放完工返黎都12點幾啦,唔記得左嘛,出門口又太急無拎尿袋」

椰奶接過我既尿袋:「thanks!」


「話時話啦,阿純佢無乜野丫嘛?」


「下..可以有咩野呀?」

椰奶望過去,正同chantal傾得開心既阿純

「你睇下,相處得幾好丫」


「不過佢份人...你中o果陣都見到架啦,慢熱少少咁囉...」


又好似係,阿純至今都係同chantal講得最多野

前晚仲見佢地兩個話落去食宵夜準備出post



落左車後,我帶住大家行到去蝴蝶灣

「嘩原來蝴蝶灣咁偏僻架,新地你呢十幾年點過架?」刀仔問 

「係囉,其實新地你之前出九龍係咪騎牛出黎架?」阿梅問得仲誇張


屌,屯門姐,唔係沙頭角呀.....



去到燒烤場果陣雖然只係一點,但已經有成8成既爐比人霸左

可能大家都係見聽日假期,特登黎玩返一日



「嘩好彩有爐!」

tyson同肥昇即刻將手上既炭同野食放到凳上,霸到兩個爐位


「嘩好熱呀...」

嘉桓用手巾抹汗:「喂快啲起爐啦,好肚餓呀!」


「當自己公主咩,幫手擺野啦!」larry氣道



「得罪講句bbq唔幫手透爐既男仔全部懦夫黎架!」

阿梅同愛雯村已經開定遮坐低等:「何況今日係慶祝阿純入暗hall,你地男仔好心就gentleman啲啦!」


「唉...無你收...」

阿豪同otto已經難忍班女仔既疲勞轟炸,拎出炭準備透爐


「嗱,阿豪同otto呢啲就好仔啦!」愛雯村得戚道


「新地!」

chantal遞上一支可樂:「頭先拎咁多野辛苦啦」


「多...多謝...」

我一見到可樂,忍唔住笑左出聲


chantal見到我咁,就問

「你笑咩呀?」


「無..我諗返起ocamp果陣...」


「哦!椰奶落瀉藥!」

chantal都即刻笑:「不過放心啦,我無落架!」


chantal都真係好溫柔


「好,搞掂!」

阿豪同otto花左幾分鐘,終於透到個爐

成班餓鬼即刻拎野食落去燒


我地特登買左可以放響爐上面果啲網

所以唔駛拎左支叉係咁轉咁攰
已有 0 人追稿