燒到咁上下,一半人都去左沙灘度玩


我都唔例外


「點呀新地,頭先爽哂啦!」tyson笑道


「哈哈...真係多謝你地....」





其實都有少少感動

同暗hall既人識得唔係好耐,但頭先做到咁尷都願意

真係feel到佢地當我係fd,而唔係中學果班口就兄弟私下當我契弟果啲撚樣


「傻啦,少事..」





阿豪簡單一句,已經feel到好安心


「總之,唔好再記住以前班契弟,你依家有我地暗hall班老死丫嘛!」

傻強除左件背心:「唉我去游水先!」

我留意到,傻強左邊腰位有幾個紋身

上次響泰國餐廳度嘉桓有提過傻強響hall o打人





再加上之後打果兩個mk既身手...唔通佢以前...?


「喂咁快游水做乜呀!」

tyson都除左衫,show出勁結實既肌肉

「班女都未出黎!」


「係喎!」

otto數一數手指:「我頭先見到...起碼四個去左更衣室換衫!」







「喂,你地沙灘墊都未鋪架!」



我地五個一轉頭

只見椰奶、marie、阿梅同愛雯村都換哂泳衣,外面再搭件t恤


「嘩...」


計對波既話,椰奶應該最大





但睇對腳既話,marie同阿梅就贏哂!


「痴撚線...」

我地五條仔睇到呆哂


「喂,呆哂做乜呀?stone左呀?」椰奶一野拍落我度



「無...」





以前中學果陣我都未試過同班同學去沙灘玩

咁自然無試過見到女仔著泳衣


而otto同阿豪,望住marie望到差啲流鼻血

「做咩呀,我個身污糟左咩...?」


「無...無...無呀...」



「睇你地個款就知比marie搞到流哂口水啦!」





阿梅同愛雯村一腳踢埋去兩個度:「唔好理班仔啦!去玩水先!」


「我地又去!!」



成班衝哂出去之後,又淨低我同椰奶


「你唔去玩水既?」我問



「尋日返工攰嘛,坐下算」

椰奶攤響沙灘遮下面,合埋對眼


我忍唔住望多下椰奶,雖然著住件t恤響外面,但都隱約見到入面既藍色泳衣

「喂!望夠未呀!」


仆街,咁都周到?

「呃..哈哈...」


「你地班男仔真係全部都咁咸濕架喎」

椰奶都嘆個氣:「不過算啦黎得沙灘都預左比你地昅架啦」


椰奶又算睇得幾開

「係喎椰奶...阿豪同otto...」


「知哂啦一早!鐘意我家姐丫嘛」

椰奶撐返起身:「都正常既,我家姐咁靚女!」



「你咁都知...?」我都係要上次打邊爐扶otto先知佢鐘意marie


「女人既感應同直感勁到你唔信架...」

「阿豪同otto平時一個就cool一個就好social,但對住家姐果陣都會不自覺口吃」



「咁..咁你點睇丫?」我再問


「我無所謂呀,呢啲野家姐決定啦」

椰奶拎出電話:「不過要追我家姐既難度都真係好高架...」



「都正路既,靚女緊係眼光高啦...」


不過講起上黎,我係咪...都應該努力啲溝女出pool呢?

但係,我...


鐘意邊個?


中ocamp識果三個入面

椰奶就應該最啱嘴型,但佢好似對個個男仔都一樣

chantal靚就靚,不過唔知佢係咪只係對我有答謝之情

阿純就啱啱先入黎,平時又少講野


嘉桓同愛雯村就明明顯唔係果隻feel

反而係阿梅,雖然又嘔到我成頭都係,但至少對我都幾有雷
已有 0 人追稿