無啦啦有三條女同左我一齊住: 43

「原來他他mi都幾舒服架」

阿純響他他mi上面食住頭先響family mart買既薯片


「好攰呀！！」

椰奶響張床上面碌黎碌去：「我都係鐘意訓床多啲！」






刀仔問

「係喎，你地聽日行程係點呀？」


「我地女仔諗住去涉谷呀，難得黎到緊係要買下衫啦！」阿梅興奮道


「唉買衫我就唔啱既」





肥昇興致勃勃道：「我同狗哥就諗住去秋葉原！有冇人john！」


「嘩毒到...！」

嘉桓作出厭惡既表情



雖然大家呢幾日都響東京，但似乎大家都各有自己既去處












「嗚....」

當我再次起身果陣，發現個天已經光哂



而且，除左傻強之外一個人都冇！






「咕...咕！！！！」

傻強就訓到死狗咁



「喂傻強！！」


「咩呀...」

傻強望一望電話，馬上醒哂：「仆街十一點半！？」





「屌點解冇人叫醒我地架！」


我馬上開返手機


「新地同傻強你地起身果陣call我地丫，我地響涉谷呀」from marie

「秋葉原98」from肥昇


「咁...咁點呀...」


「跟班男仔去老秋囉...」





傻強摸住頭起身：「唔通跟班女去咩，幫手拎袋就有！」


又真係既，涉谷咁潮唔啱我呢d毒撚去

起碼動漫d野我都搭到下嘴


我同傻強睇住google map，坐山手線去到老秋電氣街出口

仆街，中池袋一樣都係咁多人


「喂呢邊！」





tyson響人海中大叫


我同傻強即刻走過去

「屌你老味！唔撚叫醒我同新地既？」


「鬼咩...今朝肥昇同我地講有啲特別活動想去，就拉左我地起身啦哂我地出黎喎..」

larry自己都即刻打喊露，似乎都好眼訓


「咩活動咁巴閉呀！」

傻強四圍望：「阿豪條粉腸呢？去左邊呀？」


「佢今朝自己出左去啦」

otto好似仲未知阿豪既計劃：「都唔知做乜！」



「嘻嘻...我返黎啦」

一講完，肥昇同狗哥笑到烚熟狗頭咁返黎


「喂，你兩個頭先搞咩呀！」


肥昇拎出手上既一張簽左名既硬卡紙

「我地去左...相澤南見面會呀...」


「相澤南！？」

我問：「係咪就係拍...拍av果個呀...？」



「緊係啦！」

狗哥開出手機，入面有勁多相澤南擺哂pose既相


「仆街原來去左見av女優？！」

傻強氣道：「...咁都唔叫我？！」


「係囉！兩個自私見」otto都附和


「屌咁我點知你地都啱既姐！」

肥昇笑住講：「唉好肚餓呀！食左野先講啦」


「新地你拉開少少先啦唔好成日諗住格格格」

食完飯我跟左刀仔、tyson、otto去機鋪打機


其實頭先我地都係響秋葉原求其揾左間薩利亞食晏

唔知係咪錯覺，日本既薩仔好似好食好多





雖然我都唔熟gvg，但呢隻已經係我少數識玩既街機game

「屌又輸！」

「屌腥你地咁渣ga！」


「sorry囉..」

輸左既我同otto決定周圍睇下有冇其他game啱玩


「喂fgo喎！」

otto成個細路咁即刻坐低入錢


我就真係無乜玩過fgo，覺得都係玩下rpg咁好無聊

fate stay night我就睇過


不過見一場黎到，我咪同tyson一齊玩下囉

同佢過完教學之後

「好，十連抽！」


「滋！！！！」

頭9張都係r姐、狗哥果啲


「登！！！！！！」

金色！


十抽垃圾既tyson都過黎睇


中左個好似遠坂凜既角色...


「屌你呀新地？中左弓凜！？」



「下好勁架？」

我拎住張啱啱嘔出黎既實體卡，又幾靚


「屌你啦歐洲人，一黎就中5星，仲問我勁唔勁？」