鬼叫自己猜輸咩…既然要做就唔可以鵪鶉,我肯定我係講得好大聲包保全間課室都聽到,就連啲本來講到興起嘅女仔墟都即刻靜晒,喺一個鴉雀無聲嘅課室入面幾十對眼望住我,都咪話唔尷尬…我就算啦,總覺得好似連累埋詩敏咁。
白就表完喇,我當然唔會有乜期待,咁多男仔追過佢都衰晒又點會輪到我吖,如果咁樣對住女神⬛️表白都可以成功呢個世界就唔會有毒撚啦;係諗緊佢會有乜反應啫…『哦。』、『多謝。』、『心領。』、『收到,退下啦。』,我諗不外乎都係呢啲。
靜咗一陣之後肥豪佢哋開始拍手,有幾個女仔都忍唔住嘰一聲咁笑咗出嚟;詩敏佢個樣有啲微妙,佢唔似嬲或者反感,轆大咗隻眼望住我抿起個嘴露出咗兩個好深嘅酒凹,似笑非笑嘅微笑。
敏:「又玩乜鬼呀你哋!」
冰雪聰明嘅詩敏當然知我哋喺度搞鬼,佢擰轉面首當其衝就望住肥豪問佢。
豪:「志華佢…佢話要襯最尾呢兩日同佢心愛嘅人表白囉!」
雖然肥豪係作惡多端,但真係對住女同學講嘢嘅時候係會口窒窒,都咪話唔搞笑。
敏:「係咁咋?無理由得佢一個咁少㗎,我好失望喎,乜唔係好多男仔鍾意我㗎咩?」
嘩,女神暴走真係唔講得笑,以為我會帶畀佢麻煩,點知佢重可以反客為主。
豪:「當然啦…妳女神嚟㗎嘛!」




敏:「咁重有無人要襯最尾兩日嚟同我表白呀?係就一次過啦,唔好剩係推個傻瓜出嚟送死。」
肥豪同班理科仔你眼望我眼咁唔知點好,其實佢哋當中就梗係有人鍾意詩敏啦,就算唔講到鍾意咁嚴重,敬拜女神都係應該㗎嘛!
結果首先行過嚟嘅係我老死一鳴,雖然佢嘅步姿有啲似機械人,但佢平時就係有啲口花花嘅人,呢個時候會嚟攪局都係正常不過。
鳴:「詩敏!」
敏:「點呀!」
鳴:「詩敏…對唔住,我都好想鍾意妳,但係!我唔可以同我老死爭女㗎嘛!」
敏:「好!去切腹啦!」
鳴:「嗚嘩…啊!」
妖,越玩越⬛️,一鳴佢真係上演一幕切腹嘅動作,搞到成班女仔喺度嘰嘰咁笑。
而通常呢啲惡搞活動有第一個人行咗出嚟之後,就會有其他勇士放低一蚊跟機,跟住就連肥豪都過埋嚟。




豪:「詩敏,妳真係好靚女,其實…我都有啲鍾意妳…」
真係估唔到平時好少同女仔交流嘅肥豪都會玩埋一份,佢講完之後班理科男仔又拍手掌。
敏:「嘻嘻,多謝你呀,下年繼續多多指教。」
無錯,詩敏佢同我哋呢邊啲男仔一樣,嚟緊中四都係讀同一班理科班;本來課室入面嘅人分咗兩大堆,呢個時候有一個文科班嘅男仔都行埋過嚟,呢位A君唔畀名佢喇,平時就係啲假惺惺扮晒嘢嘅男仔,我哋都無乜人鍾意佢,好彩讀文科啫。
A:「詩敏,雖然我對妳嘅感情未稱得上係鍾意,但係,應該嚟緊四年我同妳都再無機會同窗苦讀喇,一諗到咁我就有少少失落…但無論如何,好感謝過往呢兩年可以一邊欣賞住妳嘅倩影一邊上堂,妳令我嘅求學生涯生色不少,我以後都會好好掛住妳。」
妖!文科仔真係文科仔,而家叫你出嚟作文咩!
敏:「哎呀,你咁講太誇張喇…就算唔同班都係同一間學校啫,你可以嚟搵我㗎。」
咦,點解好似好受落咁嘅…唉…
然之後B君同C君都過埋嚟玩,無乜特別就此略過。
敏:「無啦嘛?好多謝大家對我嘅厚愛,感謝…」




豪:「女神萬歲!」
鳴:「萬歲!」
T:「萬萬歲!」
結果…又變成一場鬧劇,不過呢,我見到Tamama佢都開心返,至於佢會唔會去同意中人表白就不得而知喇,而其他人都早就唔記得咗呢次猜輸表白嘅初衷。
我:「放學可唔可以留喺課室一陣?」
趁大家重起哄緊我細細聲同詩敏講。
敏:「哦。」
然之後放學嘅鐘聲就此響起,啲先生都無再返嚟過,可以自把自為聽到鐘就走人大家都異常興奮。
鳴:「喂,放學喇喎?」
我:「你走先啦。」
一鳴望咗我一眼,應該都知道我有啲嘢,然後就揮一揮手揚長而去;等下等下,終於剩返我同詩敏兩個,希望其他同學無在意我哋啦。
敏:「志華點呀?有乜嘢要同我講?」
我:「唔好意思呀,頭先咁樣打攪住妳。」
敏:「哦,小事啦,唔使放上心,臨放假都係玩埋呢啲嘢㗎啦,都幾得意吖,你哋。」
我:「詩敏,我頭先…其實唔係諗住玩妳㗎。」




敏:「點唔玩我?你想表達啲乜?」
我:「即係…雖然我唔係話我要做啲乜,但都係因為我對妳嘅心意先會走過嚟同妳咁講,我唔想妳誤會我係攞妳嚟玩。」
敏:「哈,係咁咋,唔緊要吖,都無乜分別。」
原來我同佢講我對佢嘅表白係真心,換嚟係一句無乜分別,雖然一早都估佢唔會接受我,但聽到佢講句咁嘅回應我真係有啲hurt。
我:「原來…係無分別…」
敏:「咁唔係你想點?你講吖,你鍾意我啲乜?」
我:「我…我鍾意…」
死火,頭先同佢哋玩只係顧住諗最鍾意嘅應該係邊個,都無細心諗下其實應該要鍾意佢啲乜,就算我話同班三年所以鍾意佢應該都只會俾佢當我低B仔。
敏:「咪又係因為我係女神,因為我靚!」
佢唔畀時間我諗就幫我答埋。
我:「咁都係原因嚟嘅,妳真係好靚女。」
敏:「得喇!咁全世界叫我女神嘅都係鍾意我㗎啦,你可以走喇。」
我:「妳…唔開心?」
敏:「無唔開心,亦無話開心。」
我:「咁唔通,我就唔可以令妳開心?」




敏:「哈哈,你想點令我開心呀?」
我:「咁如果我鍾意妳然後追妳呢?」
敏:「哈,我又阻唔到你嘅,你鍾意追咪追飽佢囉,不過唔好影響到我生活就得。」
佢講到咁我知我已經衰晒,玩隻hgame我都知溝女要先升好感度心心再表白,之後要做好多嘢攻略再惜惜,一步一步唔可以錯次序最後先可以推佢落床,如果求⬛️其講句鍾意妳就可以得手,除非一係你真係男神,一係條女濫得好緊要,當然點睇而家嘅處境都唔係上述兩種;但…我唔甘心,詩敏佢呢種模稜兩可不溫不火嘅答覆令我硬頸咗起嚟,橫掂呢度就得我同佢兩個,而佢個樣好似乜都無所謂咁。
我:「好,我決定咗要追妳。」
真係講出嚟都覺得自己低B,講完有少少後悔,但我亦都無其他方法,如果我而家就咁走咗去嘅話我就係輸嗰個;但詩敏佢無笑我,反而個樣有少少認真,一面疑惑咁望住我。
敏:「乜你識追女仔嘅咩?」
鬼識咩,我又無拍過拖,但…妳又有資格咁問我咩?雖然妳係女神,不過都係一直單身啫。
我:「就算唔識,都可以學,可以試,無人一出世就乜都識,唔開始嘅話就真係永遠唔識。」
我都估唔到竟然可以講返一句算係有哲理嘅嘢,可能真係隻hgame教曉我嘅,究竟我哋睇咗幾多攻略,試咗幾多唔同嘅對話同事件,load咗幾多次save,你未玩過係唔會明,如果你剩係識用鹹game喺形容呢啲遊戲,只係說明咗你係戴住有色眼鏡嚟睇嘢。
敏:「都無你咁好氣,隨便你想點就點啦。」
我:「多謝妳畀機會我喎。」
敏:「乜嘢畀機會你,我只係懶得理你。」
我:「咁妳唔阻止我已經係一個機會嚟啦。」
敏:「我知你哋想點㗎,見我靚女問都唔問我想唔想就封我做女神,口口聲聲話鍾意我,咪又係諗埋晒啲衰嘢,追到手咪推我落張床囉,我問你嘞,係咪吖?」




我:「做乜…我邊有咁膚淺喎…」
講真,本來都可能真係咁膚淺,平時昅佢咪就係想睇佢嘅身體,搵下有無機會䚎到佢走光,諗下佢嘅裸體會係點嘅樣,尤其係女仔發育得快佢而家係同我一樣咁高,心口重已經明顯脹起咗,平時紥起馬尾清爽亮麗,性格活潑開朗,同佢打過好幾次波嘅我又點會唔知,剩係幻想佢瞓喺張床上面已經令人想入非非…
但點會估到當話題一唔同咗佢嘅性格會變得咁快,睇嚟啲人話女人心海底針係無錯嘅,我而家已經唔得閒諗埋啲色色嘅事,只係為咗啖氣,唔鍾意我想拒絕我咪明講囉,做乜要當我唔係一回事咁不置可否,唔通女神真係大晒?
敏:「你唔係?如果唔係做乜要追女神咁庸俗?」
吓?呢題問題又真係令我摸不著頭腦,原來追女神係會庸俗,唔通追四朵金花先叫做風雅?
我:「做乜咁話自己…女神都可以清新脫俗…一個名嚟啫,叫仙女都得㗎。」
敏:「即係你好高雅啦,係咪?」
我:「我唔敢咁樣話自己,但真係唔係剩係識諗衰嘢囉,妳有好多方面都值得我去欣賞㗎。」
敏:「好呀,咁你應承我以後只可以一心一意追我一個,如果你同其他女仔過從甚密我當你永遠放棄,以後我都唔會再理你。」
我:「好。」
已有 0 人追稿