Wing佢重著住校服,咁樣見到佢其實幾正。
我:「咁嚟得補習社就梗係嚟上堂㗎啦…係喇,咁夜妳重著住校服嘅?」
詠:「我喺學校圖書館溫到閂門,食完少少嘢咪過嚟囉,所以無返過屋企。」嘩…咁鬼勤力。
我:「重以為呢啲時間妳會去拍拖。」
詠:「咪玩啦,乜嘢日子呀,又唔係要做愛,做乜要嘥時間喺條街度磨,佢想溫咪一齊溫,唔想咪算囉。」
我:「Wing妳講得咁直接嘅…」
詠:「對住你使唔使轉彎抹角呀?一鳴條仆街仔同你兩個人嗰陣肯定咪又係咁講嘢。」
我:「妳可以咁講嘅…」
詠:「你做乜突然會嚟嘅?陪…人?」
我:「算係啦…」




詠:「陪邊個呀?曉彤?唔係呀話…」
我:「係呀…Wing…我同妳講咗先啦,我同詩敏佢…已經完咗,返到學校唔好刺激佢哋…」
詠:「吓!你諗清楚未㗎?」
我:「無得我再諗喇…已經唔可能返轉頭…」
詠:「點解?喂…你唔係同曉彤上咗床呀?」
我:「喂!唔好咁大聲啦…」
詠:「咁係定唔係呀?」
我:「係…」
詠:「幾時嘅事?」
我:「呢兩日…」




詠:「救命…我真係無眼睇你。」
我:「做乜呀…講到我好似做錯事咁。」
詠:「錯唔錯我唔知,但你實有排煩。」
我:「我都知有排煩,所以先叫妳低調啲。」
詠:「如果你有好大困難…煩惱嘅話,都可以搵我謦下嘅。」
我:「做乜搵妳喎…搵都搵妳男朋友先啦。」
詠:「條粉腸除咗識教你⬛到啲女人嘩嘩叫之後返屋企大覺瞓之外重識教你乜?」
我:「…」
詠:「我都入去先喇,再講。」
Wing姐,由中四開學到而家妳都係始終如一,對朋友都係咁好關心,真心唔明妳同一鳴兩個做乜成日開戰;可惜吖,如果一開始我同一鳴掉轉坐嘅話,可能同妳一齊嗰個就係我,我諗我會對妳好好多。




攞完證同埋notes,入到去好快就搵到曉彤,唉…百幾蚊嚟睇錄影帶,真係食咗佢重開心。
我:「原來妳係同Wing一齊嚟補。」
彤:「係呀,幾個月喇。」
我:「又唔一齊坐嘅?」
同詩敏都話有理由反面啫,唔使連坐法呀?
彤:「哦,佢同以前高form啲repeat生坐,我就同以前小學同學坐,介紹你識吖,佢係Ann。」
點完頭問好,好無特別嘅名,人畜無害嘅外表,總之唔關我事,畀完錢都係要上堂,但…真係好眼瞓,射完兩次精之後睇到啲數目字變晒蟲仔。
入到去室內曉彤當然除咗件大褸,雖然佢唔係胸前偉大,但喺呢個setting之下正常嘅男仔當然會望多兩眼,咁我又唔係話介意佢著得暴露嘅,我又係喺佢身邊…
不過我feel到Wing佢望咗過嚟幾次留意我哋,做乜喎…都同妳講咗我哋兩個一齊啦,一陣俾曉彤發現覺得唔自在又怪我㗎喇,不如妳都係關心返坐妳隔籬嗰個師兄啦;個師兄係以前我哋學校嘅,我都有啲印像…而佢就當然識我啦…拜託唔好望我。
補完習之後我哋同Wing講咗句bye就各自走咗,雖然唔係順路但我都送埋曉彤返屋企先;就係咁我開始咗同曉彤嘅戀愛生活。
新年假我其實都幾忙下,因為父母多親戚朋友嘅關係我好多時都要跟埋去拜年,咁利是都無理由唔逗嘅,如果唔係邊有錢自己交補習費;而又原來同曉彤拍拖,女朋友會時不時都打電話或者send message嚟,聽唔到電話或者太遲覆message佢又會扭計,每一晚瞓覺前佢都會打電話嚟謦成粒幾兩粒鐘,有時明明一齊溫住書都重要hold住條線開speaker,拜年前後又可能要同屋企講大話抽啲時間服侍佢,其實都有少少攰。
以前同初音妹妹佢都有keep住send message嘅,佢都唔會話我一遲覆就send啲嬲嬲樣過嚟,覺得攰無嘢講就可以直接end chat,唔使下下都要氹到佢上床瞓覺或者出門口有嘢做咁…
不過佢都會趁得閒我屋企無人就偷偷上嚟同我做愛,咁就梗係開心啦,有收獲就有付出,呢啲我都明;做多兩次之後佢⬛⬛已經完全唔痛,咁我哋開始試多啲唔同嘅姿勢,動作都越嚟越激烈,曉彤佢喺床上面真係幾淫幾正,無打爛自己淫賤小魔女嘅招牌。
不過我其實有啲膽心,雖然有補習,但溫書時間其實重少咗。
忙完個新年話咁快就開學繼續打仗,今日係二月五號,到三月二十號就係我哋最後正式上堂嘅日子,三月尾返嚟考mock,四月頭對卷,之後就係復活假study leave補課等等,大部份科目喺四月尾到五月頭考…其實都無乜時間,下年嘅嘢無人知,我決定一動不如一靜乜都唔理算,反正大家遲早都知,亦唔再得閒八卦啲乜。




好在女神佢同我坐到遠一遠,唔使好似好刻意避佢咁,應該過一排就會淡。曉彤就當然毫無避忌,繼續纜住我條頸巾笑到甜一甜,小息每當Tamama行開佢就坐咗落嚟黐到我埋一埋同我謦欬溫書,我後面嘅Wing就會時不時望住我哋。至於詩敏…佢係一眼都無望過我,佢頸上面條頸巾當然唔會再出現,我發覺佢書包上面隻南瓜仔都唔見埋,係喎…於是我就即刻拆咗我書包隻南瓜仔出嚟袋返入去。
詩敏…我哋兩個以後都唔會再有共同嘅嘢。
最慘嘅係Lab堂,我哋本來兩pair一組,調唔調都係左右做人難,又唔知先生佢俾唔俾,所以我都係坐返原位算;我哋嘅事Wing如無意外係有同一鳴講嘅,所以佢一入到Lab就攞本書出嚟坐咗喺我隔籬同我研究,但佢無講啲乜,詩敏見到就坐咗喺原本一鳴個位度。
Wing,一鳴,多謝你哋兩個嘅好意…
到咗lunch,曉彤好快就捉咗我出去食飯…食我鍾意嘅大家樂,又係叫咗招牌雙焗share食,只不過我一路食又諗起詩敏;今日佢個樣同平時無乜分別,唔知會去邊度食呢?返屋企?搵Wing同一鳴?定係自己一個食車仔麪…
彤:「做乜呀,心不在焉咁嘅?」
我:「無嘢呀…邊係呢…」
彤:「你擔心詩敏?」
估唔到佢會直接講先。
我:「小小咁啦…唔止佢,我哋應該好快俾人講。」
彤:「據我認識嘅佢係好硬淨嘅,而且佢今日個樣咪同平時一模一樣,擔心你自己好過啦。」
我:「但如果啲人話妳…」
彤:「話我乜?搶女神仔呀?傻啦,明眼人都知道我唔會夠佢搶,佢真係對你上心我又點會有機會吖,最多話我食二手飯啫,事實唔係咪得囉。」
我:「咁又係,我都只係隻兵啫。」
彤:「放心啦,識你嘅人都會明白你嘅,就算詩敏知道你有拖拍佢都應該會戥你開心。」




係嘅,我臨走前詩敏都係咁講,可能我真係好無用,或者只係得少少工具用途,所以到走佢都無乜唔捨得,不過佢對我真係好好,臨走重…睇嚟我對做兵呢樣嘢都唔係太擅長。
大家樂又點會無同學吖,就算唔係同班,都有同級;唔係同級,都有同校;我同曉彤兩個撐枱腳嘅消息好快就傳到周圍都係,當然重有我同詩敏今日一句都無交流過嘅事。
臨放學肥豪同傻強兩條友就捉咗我埋一邊講嘢。
豪:「喂,你哋兩個鬧反咗呀?」
我:「無嘢,真係無事,就係完咗。」
強:「好似唔止完咗咁簡單喎?」
我:「咁完咗都總會有其他原因嘅…」
強:「好在一鳴佢今朝一返學就捉住我哋兩個,叫我哋見到啲奇怪嘢都唔好亂咁噏咋,如果唔係肥豪佢又問你隻兵受到乜軍法處置㗎喇。」
一鳴真係好朋友,知道我隨時會舐嘢所以捉住兩個大口怪brief定佢哋先。
豪:「話我?係你自己成日估佢激嬲女神咋嘛,我就話佢係做兵做到攰退役,係咪呀?」
我:「總之…我哋都無嘢…好和平…唔好亂估。」
強:「可以點和平呀?使唔使叫詩敏同曉彤出嚟笑住口簽張轉讓書做返個交收儀式?」
的確,佢哋亂嚟我會比死更難受。
我:「你哋食我花生無所謂,但我真係唔想啲女仔唔開心,拜託你哋一切低調就好。」
豪:「放心啦,識咗咁耐知乜玩得乜唔玩得嘅,咁…我哋唔阻你拍拖喇,玩得開心啲。」




就係咁,我身邊嘅女人由詩敏變成曉彤,而我哋班所有人都好有共識絕口不提我哋嘅事;自此之後我同詩敏基本零交流,喺Lab坐對面都無講過嘢,佢可能唔想帶畀我麻煩,而我都無面再搵佢講嘢;比較麻煩嘅係曉彤堆friend,啲女仔唔同山頭壁壘分明咁,我唔知係咪應該成個場轉晒走埋去同佢哋friend,所以都係保持返一定距離。
我哋班噤若寒蟬,其他班當然唔係呢回事,一鳴佢哋都有周圍八返嚟畀我聽,雖然我唔係幾想知,但無理由佢哋講到我又唔聽;啲閒言閒語都幾兩極,有人話曉彤搶好姐妹男人無所不用其極唔要面,有人話詩敏餓咗隻兵年幾終於餓走咗隻兵,有人話我其實乜嘢女都無所謂,最緊要有得食,詩敏睇穿咗我其實只係想屌佢所以趕走我,曉彤就執佢二攤…當然都有人覺得我哋係玩完呢場遊戲終於有情人終成眷屬。
好在兩個女人都好硬淨當其他人講嘅嘢無到,眼前嘅大敵只有會考,所以都令我放心返少少;人言可畏,非禮勿聽,不知者幸福,大概就係咁;Tamama喺我隔籬個樣就奇奇怪怪,好似好多嘢想問我但又欲言又止咁,唉,都唔知佢諗乜,有時我覺得乜都無空白一片嘅人其實都幾幸福。
Miss Lam就當然收到風亦都睇得出,不過佢就從來都唔會阻止學生拍拖,佢亦都無同我講啲乜。
已有 0 人追稿