【作者榜九位最後釋出】新►♂學校🚺🚽的激情♀◄30/9up！【大衛墮馬羞恥版】: 我與淫Wing的…EX們
QQ200k釋出，重睇緊呢個故嘅你哋多謝Queenie啦，呢度我寫到最終章。
散完心係舒服咗啲嘅，希望Miss佢都會無問題啦；但我知道曉彤呢邊實在係無解，就算佢平息落嚟願意嘗試同我喺返埋一齊，都好難返去佢失憶嗰陣咁，而且…我都攰。
到咗第二日返學，我為咗避開一鳴，所以我再早十分鐘出門口，以佢性格係唔會提早嘅，況且佢平時多數都遲過我。
頭兩堂就係Econ，我唔使上，去圖書館溫書。
之後嘅就都係咁啦，有旖旎喺隔籬陪我其實幾好，唔係太靚女唔會令我諗埋啲無謂嘢。
「志華哥一唔一齊食飯呀？」
我：「哈…唔好嗌我哥啦，食飯呢層呢…」
我都重係心大心細，對於有男同學問我一唔一齊食飯我都開心嘅，但又怕佢哋對我問長問短，又擔心出到去會撞到曉彤或者詩敏，好唔好一齊呢…我每日咁避都未必係一種辦法，就喺呢個時候…
豪：「喂，仆街仔，咁耐都唔搵我哋乜意思呀！」
佢夾埋Tamama嚟搵我。
我：「呀？搵我有事？」
豪：「食唔食飯呀！粉腸！」
T：「志華哥…我哋去敍舊吖。」
就係咁，我唯有同幾個新同學講下次先。
我：「邊係唔搵你喎…之前唔得閒啫…」
豪：「知喇，唔使廢話，快啲行啦。」
我：「喂…你哋諗住去邊食㗎？」
豪：「咪平時咁大排檔，好唔好？」
我：「好似唔係幾好…」
豪：「今日詩敏返屋企食呀，我偷聽到。」
我：「咁重有曉彤嘛…」
豪：「得佢一個唔會食大排檔呀？」
我：「唔知呀，穩陣啲好嘅。」
T：「咁我哋行遠少少食粥麪鋪吖，嗰度無乜學生食。」梗係啦，又殘舊又迫夾又老餅。
豪：「我可以入去偵察埋先，無人先叫你入去。」
我：「咁又唔使，行啦。」
佢兩個真係好朋友，成餐飯都無問過我一鳴同曉彤嘅嘢，只係不停同我講中六課程有幾辛苦，Miss Lam教Maths and Stats有幾黐線，教化學阿太有幾咁悶…Miss Lam黐線就梗㗎啦。
我：「唔該愛多碗剩雲吞吖！」
食緊牛雜撈粗嘅我都係覺得寡寡哋，再加料。
豪：「呀？咁好胃口呀？」
我：「琴日無乜食過嘢…好肚餓，你哋都食粒啦。」
豪：「化悲憤為食量呀？」
我：「邊係呢，你哋無嘢問我咩？」
豪：「無喎，要講你就會講㗎啦。」
我：「出面數臭咗我未呀？」
條友咁八，出面講乜佢一定知。
豪：「你有香過咩？不過今次咁僵啲人好似唔敢講乜。」
T：「曉彤佢無乜嘢吖嘛。」
我：「我都希望佢無事，我已經無能為力。」
豪：「廢柴先會講啲咁嘅嘢。」
我：「不朽都廢㗎啦，我只係一個衰人。」
豪：「再衰都好，一鳴都已經教訓咗你。」
T：「係咪重好痛？好想㧻下…」
唔好以為第二日會散，係成塊瘀黑色發晒出嚟。
我：「唔好虐待我啦，我知錯喇，唔再掂女人。」
唉…雖然琴晚先同Miss Lam佢…
其實，之前我日日陪曉彤無搵過佢哋都有啲衰嘅，而家反過來我出咗事佢哋就即刻嚟搵我，講真係幾窩心，雖然就唔會幫到我啲乜。
又到咗上堂等放學嘅時間。
我：「Tiffany，我走先喇，bye bye。」
旎：「咁快？出面好似有人等緊你喎。」
咦？係傻強…搞乜呀？
我：「你唔係嚟搵我㗎可？」
我記得呢班有個男仔係乒乓球隊嘅。
強：「梗係嚟搵你啦！你而家實得閒嘅，陪我打返兩場，我要搵件魚腩嚟畀我虐殺下。」
我：「你都黐線嘅！我都唔打乒乓波嘅，拍都無塊打條毛呀？」
強：「你剪短你塊拍咪得囉，行啦，唔好廢話。」
我：「咪玩啦，我又唔係校隊，唔阻住你哋練。」
強：「我係隊長！我俾邊個打波邊個就可以打！」
原來我無得揀，俾佢夾咗去雨天操場，呢個時候詩敏應該喺樓上禮堂打緊羽毛球，諗落乒乓波都幾慘，霸唔到個禮堂俾人迫咗落嚟。
強：「畀塊Butterfly你，我用雙囍讓你，唔好輸得太樣衰呀下。」
我：「你唔係話要讓人左手嘅咩？」
其實我都怕係雨天操場會撞到人，不過每日係咁避都唔係辦法，至少我而家係專心做緊其他嘢應該無事嘅；傻強呢啲人唔識安慰人，所以就索性捉我嚟一齊打波就算，我明佢好意嘅。
不過講真我唔係魚腩，只要佢波路唔係殺意好強，要贏我絕對唔係一件易事，出汗嘅時間過得特別快，話咁快就打咗一粒鐘。
強：「屌你！你打得咁勁做乜唔入乒乓波隊！」
我：「無㗎，中一嗰陣…羽毛球同乒乓波都搵我入隊嘅，只係某啲原因咪去咗打羽毛球囉，我又唔想太出位一次過打兩種波。」
某啲原因當然就係嚟自某啲女仔嘅美色，其實唔止詩敏，當年有啲師姐都係鬼火咁正，當然而家已經畢晒業，兩害取其輕我實在諗唔到理由要去打乒乓波。
強：「得閒就嚟陪我打啦，同你玩好過同其他師弟打。」
出身汗係舒服啲嘅，咁我都唔再阻住佢哋練波，放學返屋企。
係咪會有人想問我塊面瘀晒我阿爸阿媽睇到會點？我可以答你…係完全無反應，只係喺度奸笑。
又過咗幾日，我返學入校門嘅時候聽到啲奇怪嘅engine聲，向後斜望見到一架鮮黃色嘅Nissan Silvia駛緊埋嚟，重要反晒光好似新車一樣，唔使望都知司機位坐住邊個，咁即係話，Miss Lam同佢老公已經無事啦；我繼續向前行，頭也不回咁打橫伸出右手豎起手指公，當架Silvia喺我右手邊經過就閃咗兩下燈回應。
係咪好型呢？唔係，只係扮晒嘢，希望Miss Lam同佢老公以後會更恩愛啦。
到咗星期五，傻強又捉咗我去打波，今次我換埋PE衫添，練完一日我同佢已經開始有得打下，激到佢死死下，就連啲師弟師妹都走過嚟八掛睇下我哋兩個打成點…
由於我同佢玩到好晏，就䁽到詩敏打完羽毛球離開學校，詩敏佢飛咗髮，唔係女仔嗰隻睇唔到嘅飛髮，而係飛到好短好似變咗另一個人咁！有幾短？及肩及頸呢啲形容詞都用唔著，甚至菇頭都唔係，係短到好似何韻詩咁短，不過單指長度啫，唔會何似佢咁飛起晒染到五顏六色嘅…加埋佢件羽毛球衫變咗做純黑色…如果唔係佢著住運動裝同埋個心口，我真係差啲唔認得。
詩敏…一定係受到刺激…我對妳唔住。
點知打完波返到屋企…
鳴：『志華…對唔住。』
嘩！搞乜？咁樣一句，真係嚇死人！
我：『點呀！係咪曉彤佢又…做傻事？』
鳴：『唔係你諗咁樣…但可能都係傻事。』
我：『屌！即係乜事呀？快啲講啦…』
鳴：『頭先佢話想上嚟我度打機，以為佢唔開心想玩下啫…點知…佢㩒低咗我喺梳化再除晒衫…』
我：『就係咁樣？』
雖然唔知曉彤搞乜鬼，但如果剩係咁嘅話，已經比我任何其他想像都已經要好；可能…佢係想發洩？或者將對男人嘅怨恨報復落一鳴度？當佢係玩具？純粹嘅性需要？抑或唔愛惜自己身體所以亂咁同男人做愛…
鳴：『我無推開到佢…』
我：『哦…我諗唔推開好啲嘅。』
鳴：『我都唔知。』
我：『咁佢而家點情況呀？』
鳴：『佢喺我張床瞓得好酣，睇落好平靜。』
我：『明白，拜託你，好好陪下佢。』
鳴：『我都唔敢唔陪佢啦…』
我：『重有唔好搞大佢…』
鳴：『屌！你當我第一日做愛咩，頭先趕唔切戴套，我都臨急臨忙掹出嚟先射…最慘，係撞正細佬啱啱放學返嚟。』
我：『吓！咁點算呀？』
鳴：『細佬佢目無表情行返入房，曉彤就好似乜事都無發生咁幫我繼續抹精。』
我：『哈哈！你細佬實俾你激死。』
死火…send完句message先發覺呢個時候唔應該開玩笑…希望佢無嘢啦。
鳴：『…，咁你得個知字啦，我off喇，再見。』
係嘅，佢已經唔再係我朋友，加上而家咁樣，我更加無可能同佢哋兩個接觸。