佢因為第二個女仔因為新鮮感而同我分手…仲要分手前講大話…(我連解釋既地步都冇): 最後啦

以下就係我本身想對佢講既野 佢wts ig block左我 咁我講咩都冇用啦
“請好好珍惜曾經為你喊既女仔 因為你已經再搵唔到 如果你決定想同佢既話 咁你唔洗再去考慮我 由我比拋棄個一刻開始 我地既關係完架啦 感情係冇可能令到每個都開心 總會有傷心既一方 經過呢幾日 每日晏就我都喊一次 但係喊完會諗得清楚好多 對你好你可能感覺唔到 要做既我都做左 既然你有左決定就唔好再猶豫 感情上面猶豫對邊個都唔好 只會令大家更辛苦 好好珍惜每一個女仔 唔係每個女仔都願意去等你 希望你之後可以搵到一個真係可以同你走落去既女仔 而唔係再因為新鮮感而再次拋棄對你上心既女仔
經過呢4個月我明咩叫放手 當連自己都挽留唔到既野就會學識放手 往往感情上最唔應該出現既係另一半既異性朋友 一旦出現呢段感情已經唔可以再行落去 我中意左你咁耐 原來都冇咩價值 愛情上新鮮感永遠大過所有野 你要我放棄你 我依家做到啦 去到英國自己小心啦 冇我係你身邊你自由架啦 如果可以做朋友既話我都冇問題 希望你以為做人都有個交帶 唔好要人去擔心你 大個仔知自己想點就得 總知照顧好自己啦 其他我都唔多講啦 不過係估唔到連你都會有猶豫既一刻 既然我搶唔到既野我冇謂再令大家辛苦啦 你都比左個心理準備我 咁我都要知點做架啦 以後我唔會再勉強你令你辛苦啦
期待變失望個下真係好傷心好痛好攰 我都唔想拖到咁耐 因為真係令到我好不安 我個心唔可以再咁傷架啦”
其實講真我想要個交代好難咩
有啲咩唔可以當面講 好難為係咩
渣男 祝你永遠拍拖都失敗收場 女既出軌唔要你 比埋帽你戴
注定你孤獨一世😉