[異能X喪屍] 原形入侵: 第一章 聚會

那一段新聞內容大概是說一群閒得發慌的生物學家,不知從那找到了遠古人類的基因,準備以生物科技培育 

這傢伙出來。 

「屌,on 9.....」我看完後不禁低罵。這個傢伙培育了出來,命運只會是那群科學家不斷研究,或者也要可憐 

地天天工作吧,哈哈...... 

我想到這不禁心中自己心中得意,不自禁地笑了出來。 





「嘻嘻...」 

一個少女看到我這樣,驚慌地退後幾步。 

我不理她,只是坐著地鐵回家。 

「鈴鈴鈴鈴鈴......」 

我袋中傳來一陣震動,我取出那舊得可憐的NOKIA手機。 





「喂?」 

「允行?」 

「邊位?」 

「咁快唔認得我?德仔呀!」 

「德仔??」我心中回想一下,一個人物浮現腦海,當年我們一起遲到,一起抄功課,聽說畢業後他當上了一間公司的經理了,而我...... 





「喂喂?」 

想得太入神而忽略了其他事是我的(其中一個2缺點。我說道:「係度係度,德仔啦嘛,做咩?」 

「今晚個班會聚會你黎唔黎架?」 

「今...今晚?」 

「係呀,佢地話你要返工應該唔得,不過我都係要問下,咁你黎唔黎?」 

我半小時前失業了。 

我當然不會這樣說。 

「好呀,係邊?嗯..嗯....好,咁我依加黎啦,嗯,好,拜拜。」 





第一個嗯,我知道時間是今晚8點鐘 
第二個嗯,我知道今晚很多人會回來 
之後的好,是我答應會準時到 
第三個嗯,是我表示知道那餐廳在那 
最後的好,是我說如果迷路會打電話給德仔 

地鐵穿越一段段的地底,分鐘走過一格格的刻度。7點半,我到達了荃灣某韓燒餐廳。

「嘶~~~~~」牛肉發出烤熟的聲響和令人垂涎三尺的香氣,但我沒胃口,我相信是你,你也不會有胃口。 

「喂!最近點呀!」 

「OK禁啦!你呢!」 





「無呀,最近買左架車,都幾好玩。」 

「咦,我又係WOR!搵人出黎玩下啦!」 

「又好WOR,喂呀邊個你有冇車呀?」 

「有呀有呀,允行呢?」 

「我...我....呃....暫時返工都唔使車,所以就..重未買住....哈...哈....」 

我知道他們不是有心令我難堪,但心中也難免難堪。我只會快點轉換話題:「係..係呢,唔見阿BEN既?」 

「你冇睇新聞咩?」 

「做咩?佢出左事?」 





「個咩古人類再生咪佢搞架囉!」 

「下!?!?!?!?!?」我差點把口中的食物噴到對面的同學臉上。 

「係呀,佢依加係香港科學園個間唔知咩公司到做,同香港大學班國際專家合作,唔係我馬後炮,我個時係學校 

一早已經估到佢會咁....」 

先介紹BEN.BEN在讀書時,已經是天才一個,特別是生物科,更時常把生物科老師問至啞口無言,大家其實都有 

點不願接觸他。 

一整晚,一整晚,我都在想他,回憶著他的事,也許他是我們幾個中成就最大的一個人吧。 





但是,後來我才知道,他的成就比我想像更大,但也更可怕。 

這是後話。