[異能X喪屍] 原形入侵: 第十四章:入侵
高先生再取出不同的數據,都在說明一個事實:市區的原形正在銳減。
「咁未好囉!!你好想多D原形咩!」
「你都係唔明,原形既數量無理由會咁架,你明唔明,白唔白呀!」
「咁你話啦!你解釋啦!」
「咁....咁...我又解釋唔到。」
「之前未話過原形會自己食自己同類囉,話唔定係咁呢。」
高先生還是憂心忡忡:「但係都唔會咁快.......」
「收到訊號啦。」這一句不是我說的,也不是高先生說的。
我沿聲音的來源搜索,看到的正是那個熟悉的身影。
「佩佩!?」
佩佩看著前方的屏幕,扭動著按鈕,聽著耳機:「你唔係依加先見到我呀。」
對,她說得不錯,我是現在才看到她,但我決定說個謊:「點會呀..哈哈......你話收到咩訊號話?」
高先生走過去:「係黃搗龍個班人既訊號,佢地之間既對話我地都可以聽到。不過搞左陣先追蹤到訊號,佩佩,將聲音接到喇叭。」
佩佩操作了幾下,我馬上聽到一連串的對話。
「船頭準備好未!」
「OK!」
「甲板?」
「OK!」
「岸邊有冇人?」
「睇唔到有!!」
接著就是一連串的雜音,應該是他們準備入侵港島前的最後準備。
「開始!」
又是雜音,帶著引擎啟動的聲音,我聽到船隻劃破海面的水聲,反映船隻正逼近岸邊。
接下來應該會有一些反抗了吧。
「Hi Hi啦!!」
「走!!走!!」
「伏低呀!!」
「轟---------」
一陣爆炸聲傳出。
「有冇事!!」
「退後!!」
引擎再次發動,但聽聲音好像受損了。如是者,過了半小時,才再聽到聲音。
「總部?總部?OVER!」
葉斯朗的聲音傳出,她人應該在酒店的高層:「發生咩事!」
「班Hi Hi解放軍竟然幫港島個邊,頭先用火箭炮射我地!」
葉斯朗馬上問道：「傷亡情況！」
「無人死,不過有三個人受左傷。」
「即刻返黎!再從長計議!」
「但...但係佢地可能已經知道火箭既位置,分分中運走....」
「都返左黎先,我地再傾下點做。」
「........」
「喂?黃搗龍!」
「對唔住,為左大家,我想搶到火箭先返黎。」
高先生按了一個按鈕,應該是通話鍵吧:「你返黎先啦!!好危險呀!」
「我一定會搶到火箭!」說罷,喇叭發出「沙」一聲,再無聲音傳出。佩佩:「通訊中斷。」
高先生:「即刻追蹤多次訊號!」
佩佩雙手於電腦上飛舞,屏幕閃過很多我看不懂的符號和光影,過了幾分鐘:「唔得,對方已經熄左發訊機。」
「唉!」高先生頹然坐於椅上,「只好希望佢地唔好有事啦。」
我道:「點解解放軍佢地會幫佢地架呢........」
「我都唔知,我依為佢地一早就走左返大陸......」
佩佩脫掉耳機:「睇黎大陸真係好驚原形....」
我看看她,表示聽不懂。
她再說下去:「你諗下,佢地都係解放軍,大陸個邊連佢地都唔敢接走佢地,可想而知啦。」
她說得有理,在這種情況下每人都只會自保,難怪內地不會接走駐港的解放軍。
高先生說:「估唔到佢地會攻擊我地,雖然我地係想攞火箭姐,使唔使咁...」
我冷笑道:「用自己既武器攻擊自己既人民正係呢一個國家既拿手好戲。」我想起了幾十年前的屠殺,想起了在落馬洲我們小巴被坦克攻擊,再想起船隻被火箭炮攻擊的畫面,這一個國家本來就是這樣。
我們一直在等待最新的消息,不知不覺到了第二天。
第二天是沒有任何消息。
於是又到了第三天。
「返黎啦返黎啦!!!」
我被吵醒,發現身上的傷口已經痊癒,看來我的身體回復速度也不賴,但我更發現大部分人都湧到大堂去。
我不甘落後,馬上換了衣服落大堂。
黃搗龍和幾個人,帶著一身的傷和血,推著一台機器進來。
這就是小型火箭----環散施肥火箭,它連發射台大約有3-4米,外型就像一樽潛水用的壓縮氣體----不過大多了。
葉斯朗這時也到了:「行開..行開....嘩,黃搗龍,有冇事呀你!」
「我無事,我攞到火箭返黎啦。」
「做得好,阿明,阿強,帶佢地去醫療室!高先生,馬上去攞抑生劑,我地馬上發射火箭結束呢一切!」
佩佩走出來,開始檢查火箭,不知為何,我竟然看到小麗的身影.....
高先生取出一部電腦:「主席,特首搵你。」
「唔理佢呀!」
「佢...佢話係特緊急既事...」
「Hi,麻勁煩。」葉斯朗接過手提電腦,打開窗口:「點呀!特首大人。嘩。」
我們其他看著的人都嘩了出來。特首衣衫不整,額角還有血流出,看樣子這不是政府總部,是在一架車上。
「紫荊聯盟,你班Hi Hi......」
特首口中竟然說出「Hi Hi」二字,令我感到總是怪怪的,但特首和我們之間的距離好像近了不少,一個「Hi Hi」,就像把階級差異打破了一樣。
「咩.咩事呀。」
「為左搶火箭,估唔到你地會咁自私!!!」
「到底咩事呀!!」 特首怒道:「為左搶火箭,你地竟然故意引入喪屍到港島!!!你地....你地係唔係痴向左走向右走線架!!!」