投胎後竟然成為翻譯魔法師（魔法　冒險）: 序章

漫天星河在天空上流動著，皎潔的明月倒映在平靜的湖面上，森林的深處傳來動物細小嘅聲音，今日又係一個寧靜的夜晚。

「蹄噠蹄噠．．．」　一陣陣馬蹄聲割破了夜晚的寧靜。

「咻！」　「嘶！！砰！　」　
一支箭割破風聲，正確地射向馬匹，馬匹立即應聲倒地。

馬匹上身穿長袍的男子隨著馬匹的倒下一同倒在地上並打滾了幾個圈，但他無視自己的傷勢，著魔般繼續奔跑，手中緊握著一個發著藍光的晶體。

「咻！咻！咻！」




幾支弓箭從他身後射出，幸好的是沒有射中長袍男。

長袍男一路在森林奔跑，一路躲避身後的弓箭，神奇的是即使長袍男失去了馬匹，然而他和後面追兵的距離沒有改變。不是追兵的馬匹不夠快，只是長袍男跑得很快，唔係，唔可以說是跑，與其說是跑​，倒不如說他根本在滑翔，彷彿就好似在地上溜冰一樣。

一路追趕，長袍男終於都跑到他的目的地，森林中的一座廢棄神廟。長袍男望向廢棄神殿的壁畫，雖然石壁佈滿青苔，有些壁畫甚至被粉碎，但仍然可以大約望到一些壁畫的內容。雖然壁畫內容耐人尋味，但最少可以從壁畫內容得知這個神殿應該曾經屬於一個女神。

「我哋嘅皇國，就指望你啦，愛麗絲…」長袍男望一望石壁上的女神，然後就跑去神殿深處。

「嘶！！」神殿外面， 所有馬匹不約而同地停下，發出刺耳的叫聲，彷彿警告着所有人不要再前進。





「隊長，我哋⋯」一名士兵努力地控制着自己的馬匹，望向隊伍中間的男人。該名男人外套肩膊上印有獨特的圖案，裝備也明顯比較精良。

「全部人，同我入去，今日為咗國家，一定要捉住呢個叛徒！」該名男人揭開風褸上的帽，微弱的月光影射落他的臉，露出一度由額頭延伸到右邊面的疤痕。 

「生要見人，死要見屍。」

「轟隆隆！！！」
 就在此刻，森林的四周突然發生地震，一度藍色的光柱從神殿之中射向天空，打破了夜空中的星河，照亮了整個森林。

「大鑊…你仲企喺度做乜，快啲同我入去搵佢出嚟！」




 「收到！」

一個有一個的士兵沖入神殿，只剩下那名隊長站在神殿外面，呆呆地望着下光柱，口中細聲念着：
「菲力斯⋯⋯咁樣…真係有必要？」

-------------------------- 

「呢到⋯呢度係邊度⋯⋯」我慢慢張開雙眼，四周變成虛無，漆黑之中，我眼前地下有一點點的藍光，整個空間特別詭秘。

「你終於都醒啦？少年⋯」一把神秘的女聲音突然出現。

「邊個？係邊個？」我慌張地張望四周，無奈的是，除了眼前微弱的藍光，四周只剩下黑暗…

「我正正就係你面前⋯」我望向前方，眼見一點有一點的藍光慢慢聚合，形成了一個人形，雖然我無法睇清楚那人的輪廓，但勉強望到是一名女性。





「我係愛麗絲，森之女神、亞奇洛大陸嘅創始神之一。」光線投影着的女人優雅地向我自我介紹。
「今次我哋見面係因為要為你安排轉生嘅事，用你哋嘅說話即係投胎轉世。」

「等陣先⋯投胎！？」我驚訝地問：「你言下之意即係，我已經死咗？」

「好抱憾，但係按照現時嘅情況，應該就係。」愛麗絲向我點頭「所以今次就要由我為你準備轉生嘅事。」

「修旦幾呢！你話幫我投胎，係我連你係邊個都唔知…咩叫做森之女神？亞奇洛大陸又係乜東東？」我不禁四處張望「我住嘅地方叫香港喎，啲人唔係信耶穌，就係信觀音菩薩嗰啲，都未聽過有一個愛麗絲⋯」

「仲有乜嘢亞奇洛大陸呀？香港對上就真係有個大陸，都唔知你講緊咩⋯」 我一邊回應，一邊四處尋找有沒有隱蔽鏡頭，唔知係咪某大電視台拍的整蠱節目。

「正正就係估到你會有呢個反應，但請你稍安毋躁，我今日嘅到來真係要同你解釋接住落嚟嘅事⋯⋯」
眼前嘅人影突然間分散， 重新組織並投影了不同嘅景象，有點像全息投影， 加上愛麗絲的聲音導航，令我接觸到一些根本冇人會相信嘅事⋯⋯

接住落嚟將會係一個奇幻、經典，又有少少炒冷飯的故事：





從前有個地方叫做亞奇洛大陸，當中的土地被劃分為七個國家，後來因為一場殘酷的戰爭，七個國家最後變成三個。呢一場戰爭雖然死傷無數，但同時間促進了種族共融，總算令到不同種族的人都可以共融相處。

嗰個世界同我們認知的異世界差不多，充斥着唔同種族嘅生物，例如有精靈、矮人等等。而且嗰個世界充滿着魔法，基本上當係日本漫畫裏面嘅異世界就可以。

和平嘅時間維持左數百年，可惜好景不常，一直位於北方的柏圖斯特帝國一直都密謀統一計劃，希望可以吞併其他國家，甚至與唔同強盜以及一直處於第三方的魔族合作，不斷做出傷害其他種族嘅行動。 位於南方的兩個國家，分別係阿斯蘭，以及南方共和國一同聯手抵抗北方入侵行動，但由於資源上以及軍事實力嘅差距，南方聯盟所做嘅行動只可以拖延時間，必須要找到一個樓轉局勢嘅方法。

「所以我就被召喚到去呢個世界？」我不解指向自己。

「冇錯，雖然正常情況應該係亞奇洛大陸會自行產生一個勇者，然後再喺佢哋嘅地方拯救自己嘅世界。但今次嘅情況有啲例外，有人打破咗次元壁，將你哋嘅世界同亞奇洛大陸短時間連接左一齊，並且咁啱選中你。」愛麗絲揮手撥一撥，我眼前嘅藍光組織成為一個有一個嘅銀河、宇宙的圖案

「首先，你依家嘅狀態唔係好似你所諗嘅轉生異世界，而係切切實實嘅投胎。」愛麗絲望住我，佢嘅眼神銳利得彷彿好像看穿了我的心思。

「簡單啲俾你理解，你哋嘅地球位於太陽系。而亞奇洛大陸只不過係某個星系、某個行星上邊嘅某一片土地。」愛麗絲用手指向藍色銀河，光點凝聚成為兩個唔同星系的影像，其中一個正是太陽系。





「你哋其實身處喺同一個宇宙，宇宙之中亦都有唔同嘅人族，只不過係被安排到大家幾乎一世都冇可能接觸到嘅地方。而每個地方都有自己嘅神，所謂嘅神都只不過係更高文明嘅外星人族。之所以會出現唔同文明嘅神，係因為宇宙嘅法則需要高階文明為低階文明給予間接幫助，就好似你哋西方耶穌降臨嘅傳說，又或者東方中國神幫助世人嘅故事。」
愛麗絲看似輕描淡寫咁描述緊宇宙嘅事，但對於我來講，我一個字都聽唔明⋯

「等陣先，我根本聽唔明你講咩，我淨係想知道，點解我唔記得我點死？點解我嘅投胎會由你安排？究竟我依家要做啲乜嘢？你搞到我好亂啊！」

「你冷靜啲先，一般人投胎嘅時候都會按照返佢哋時嘅信仰而去安排，但係你今次有啲唔同，你就當係機緣巧合之下，你因為意外，突然出現咗喺第二個世界，咁你應該會易明少少。」愛麗絲托一托頭，思考咗一陣：「總之而家你就要準備出發去第二個世界。」

「吓！？點解可以咁唔清唔楚？你講嘅梗係容易啦，咁我原本世界嘅屋企人點算？我去到新嘅世界又點生存？冇人冇物，去到嗰度等死嘅咋喎⋯⋯」雖然我仲未搞清而家係咩狀況，但係照常理咁睇，依家一啲都唔正常，但係我又做唔到啲咩，只好見步行步⋯⋯

「放心啦，你去到新嘅世界，我哋已經幫你安排咗新嘅身份，當你瞓醒嘅時候，就會自然有人同你交代清楚⋯⋯」突然間愛麗絲嘅影像越嚟越模糊，彷彿好似要消散一樣。

「你哋？你知係邊個？」

「我嘅族人，亞奇洛創始眾神，講你都唔會明，時間已經無多，你哋係時候要出發。」愛麗絲突然間推一推我，我整個人立即下墜！





「嘩！屌！」突然嘅墜落令到我大吃一驚⋯⋯

「亞奇洛嘅命運就睇你嘅造化⋯⋯」
我一邊下載嘅時候，一股倦意充斥着我嘅身體，我嘅雙眼亦都慢慢地合上，失去左意識⋯⋯

就係係咁，我無緣無故地就被召喚到一個名叫做亞奇洛的異世界，開啟咗我冒險嘅旅程⋯⋯

待續⋯⋯