「師傅,點解你會嚟嘅?」安娜好興奮咁抱住埃爾登伯伯,差少少就抱起佢。我見到佢哋嘅身高差,真係好好笑,果一種感覺就好似見到尤達大師收徒弟咁。嘿!

「老夫想見下你哋係咪唔得?」

「當然唔係啦!無任歡迎!」安娜立即坐喺
埃爾登伯伯旁邊,幫佢夾食物。

「晚安啦,埃爾登伯伯。」我坐喺維達大叔旁邊,埃爾登伯伯亦向我點頭微笑。

「你搵我哋兩個有咩事?」安娜一邊幫我哋分碗筷,一邊問返正題。係喎,埃爾登伯伯好似話搵我同安娜,唔知有咩事呢?






「我今日嚟主要係探你兩個,順便想睇吓你地兩個學習魔法學成點啫?」
「等陣先?兩個?即係彼得都識魔法?點解我要聽你講過嘅?」維達大叔驚訝咁望住我。
「我都係最近先知,如果唔係喺書店度認識到埃爾登伯伯,我都唔會知道原來我身體裏邊有魔力。」

其實我真係最近先知,尋晚都爭啲炸爆你間屋,唔通我有同你講咩⋯⋯

「阿達,唔使擔心喎,老夫就係想佢哋一陣食完飯,一齊出去試吓施展魔法,我都想睇吓佢哋嘅成長到咩階段。到時你咪可以一齊睇囉。」聽到埃爾登伯伯咁樣講,維達大叔便笑。

「原來彼得你都識魔法,一定要俾我見識下!我個女就唔使問啦,都冇成日練習,又點會有進步~」





「老豆啊!」安娜好嬲咁喊
「唔緊要嘅,老夫知道你水準,從來冇令我失望,唔使擔心。」埃爾登伯伯笑住咁講:「咁大家一陣就出去試吓練習魔法?」

「好啊!」「我有得睇就冇所謂~」
我亦都點一點頭,就係咁,飯後活動已經決定咗。
----------------------


「兩位比試嘅最大前提係點到即止,今次主要係想睇吓大家嘅實力如何,如果老夫叫停,你哋就一定要停手,明唔明白?」
我同安娜都點一點頭,各自擺好姿勢姿,咁好迎戰。
「開始!」





「水箭!」
比賽一開始,安娜立即向我射出幾道水箭,我立即躲避,我個腦一片空白,根本都未知道要點做好⋯⋯
「彼得!唔好淨係識得避開,要嘗試防禦!」聽到維達大叔突然一句,我變成時開始一邊躲避,集中將魔力運到手上,並且幻想用魔力形成火,建一道牆,然後真係成功咗!?

當我幻想完火牆嘅出現,我想像嘅火牆立即借咗我我手掌噴出火焰而生成,為了我阻擋了所有嘅水箭。當水箭射到火焰場上,發出「吱吱聲」,立即被蒸發成為蒸氣。可以肯定嘅係安娜一定射咗好多水箭,淨係聽蒸氣聲音,已經保守估計有過50支射向我⋯⋯由水火形成嘅水蒸氣多到形成咗短暫嘅煙霧,可以比我多藏起來,然後之後要點做。

正當我在迷霧中打算諗吓策略,突然間一聲:「水柱!」將我成個人拉返現實。我專心地觀察四周,有一股水流聲音越來越接近,我下意識一個避開,躲到一塊大石後面,就發現一條水柱穿過水蒸氣,並將其沖散。


「你點知我係邊個方位?」
「 你真係唔識個喎?作為半精靈,都算係有精靈血統,我哋望黑暗嘅嘢會比起你清楚。」當水柱擊中大石,我可以感受到大石嘅震盪。「出嚟啦,我唔會傷害你㗎,嘿!」

話雖如此,但正當我想探出頭,已經有一支水箭同我個頭擦身而過⋯我爭啲可以重新投胎!!
我個腦真係有一下腦閉塞左⋯⋯




「水法-巨浪術!」
我嘅正前方地下突然裂開,一道又一道嘅水柱向上噴出,慢慢形成一個巨浪水牆向我迎面而來!
安娜根本冇時間我,不斷對我進行攻擊⋯睇嚟佢好想我出去⋯但係我出到去一定會俾佢準備好嘅水箭射到變成箭豬⋯點算啊?我腦海裏面唔記得任何一招正規魔法,只係記得漫畫內容⋯有冇方法可以擾亂佢⋯咦?!

「我勸你就快啲出嚟,一陣俾我個巨浪衝散咗就唔好怪我。」安娜已經對準石頭,舉起手瞄準,只要一見到我出嚟,就準備立即發射水箭。
正正係呢個時候,我決定要衝出重圍,我一個轉身,在石頭旁邊出現,但當我眨眼間,幾支水箭已經射出,擊中我並將我打倒,但係我完全唔覺得痛。

「仲射你唔到!今次係我贏啊.。師傅,你快啲宣布賽⋯」安娜滿意咁樣望向維達大叔同埃爾登伯伯,只見埃爾登伯伯豎起手指,示意安娜保持安靜,並且用手指指向我嘅屍體,安娜感到十分不解,只好擰轉身望下我,卻發現我竟然已經消失!?

「點⋯點解會咁㗎!?明明射中咗佢⋯⋯」安娜仲發緊白日夢,比自己嚇親⋯⋯「佢究竟去咗邊!」
「我喺呢度啊!」我對着安娜大嗌,引起了佢嘅注意。但一切已經太遲⋯⋯
我突然間從上空出現,空降到安娜嘅正上方。

係時候俾你見識吓漫畫嘅創意力!
「太陽拳!」我雙手壓着拳頭,將所有魔力幻想發光,並在我攤開手版的時候,一股強光在我手中中心,彷彿與太陽一樣咁光,可以照到成篇土地都着燈⋯⋯




「啊!?發生咩事!?我咩都睇唔到嘢⋯⋯」
既然你講到半精靈可以喺夜晚都望到嘢,有乜嘢可怕得過當你習慣咗黑暗嘅時候,突如其來嘅光芒隨時整到你盲咗。

我決定要乘勝追擊,從空中落地後,立即上前決定同佢一齊使用魔法。
我一個跑步向上前,腦海中幻想拿起一把火刀,我個手掌立即噴出火焰,火焰亦都有智慧地慢慢形成一把刀,我就立即揮動火刀,向安娜大叫:
「炎之呼吸一之型!不知火!」

我利用火焰係我背後產生熱流,令到我可以更加快跑向安娜,然而佢仍然在一片混亂之中,胡亂出招。
「水箭!水箭!水箭⋯⋯」無定向射擊根本無辦法射中我,再見啦!
我一個衝刺並且拔刀,一刀斬頸,滅鬼必殺⋯⋯
講笑咩?呢度唔係鬼滅之刃,面對着安娜我當然唔會咁重手。我只係衝上前箝制佢雙手,佢知道雙手俾我捉住大吃一驚,然後我順勢一腳絆倒佢,點知佢一手捉住我件衫,將我連人帶衫拉向地下,將佢撲倒⋯

我嚇到合埋雙眼,當我打開眼睛,第一手眼就見到安娜,我雙手撐住地面,雙腳跪在地上,整個人就在安娜上邊。安娜應該適應咗突如其來嘅閃光,開始可以再開眼。
但當佢一見到我「地咚」佢,佢個面秒變紅,大叫一聲:「非禮啊!」

然後再起腳踢咗我下陰⋯⋯





我痛到反白眼,倒在地上,痛到講唔到⋯究竟女仔係咪個個都咁暴力?

「好啦好啦!比賽終止!勝負已分!」埃爾登伯伯望望我,忍唔住笑咗一笑:「我宣佈,今日嘅賽果係⋯⋯打和~!?」

頂!估唔到呢個世界都有掌門人。。。

 
已有 0 人追稿