[坦克戰渣古] 一年戰爭裝甲兵戰記: 第五十三章 金平島

「諸位，我地已經順利攻下所羅門，自護本土已經暴露在我軍既兵鋒之下，無論是月面格拉那達基地定係阿．巴瓦．空，都任由我軍可以隨時展開攻勢，諸位將軍對於第二階段的作戰，有冇想法?」
 
在場的聯邦軍高級將官看見雷比爾未拋出自己的看法，他們也一時沉默起來。
 
「如果無人出聲，我就先提議選擇攻擊阿．巴瓦．空，因為如果我軍選擇直接進攻自護本土，我軍艦隊的側翼會受到阿．巴瓦．空的駐軍攻擊。另外我收到可靠情報表示基連會親自前往阿．巴瓦．空督戰，所以係進行進攻自護本土之前，必須攻佔防禦力強大的阿．巴瓦．空。」
 
此時也有其他將軍提出更加保守的方案，例如是先攻取月面格拉那達基地，從而對自護進行經濟封鎖戰從而拖垮自護，大家開始三言兩語定爭吵起來。最後在雷比爾的一鎚定音之下，攻佔阿．巴瓦．空要塞的提案終於確定起來。
 
在結束作戰會議後，雷比爾的副官向他傳來了一個令人震驚的消息。
 




「將軍閣下，自護既德金大公傳來密電，佢希望親自同你進行談判。」
 
「當真?佢本人會親自黎?」雷比爾驚訝地反問著。
 
「係，閣下!會談位置係阿．巴瓦．空宇域一帶。依個會唔會係陷阱?」
 
「德金大公雖然係獨裁者，但設計陷阱依d咁低劣既行徑絕對唔係佢既作風。你幫我回復佢地，自護軍只有無條件投降我軍才會接受和談。」
 
「是!!!!」
 




-------------金平島------------------
「上尉，你既座機由於損毀嚴重，維修需時。所以新既機體大約3日後先會係月神二號送到過黎。你地小隊可以暫時係金平島進行整編待命先!仲有呀上尉，我地已經無足夠既儲備機體，如果再損壞既可能得返鐵球俾你用。」
 
「收到!我盡量啦~」當整備官宣佈我的新機體還有數天才能到達的時候，我們只好陪同昆西號在金平島內部的船塢進行待命和維修工作。對於整備官警告，我也只能一笑置之。昆西號的部份防空炮台在之前的大戰中損毀不少，所以保持對空火力成為了是次維修的重點。補充的戰機、MS和戰艦乘員都乘坐著哥倫布級運輸艦來到金平島。
 
艾琳起初看見了我那一部被削成人棍的吉姆時嚇得花容失色，當她得知我並無大礙時暫時放下心來，一下就撲進了我的懷內，只是艾琳的雙手也沒有停著，我那可憐的手臂和背脊都被捏得到達都是黑色的肉塊。
 
「你嚇死我啦~你知唔知我有幾擔心你?」
 
「無事喎，你應承左你唔會有事架，我係駕駛倉貼住你張相，有你守護住就會逢凶化吉。」我盡量保持著我的面貌保持平常，我把求助的目光放向了布萊恩，只見那傢伙竟然吹著口哨就行開了，對著我見死不救，真不夠老友。




 
「你要記住~如果你會亂咁黎我唔會再理你~」對於艾琳的嚴厲警告，我則是馬上上心，多次點頭表示對她的認同，最後我在艾琳的額頭上輕吻了一下才暫時為我的手臂和背脊解圍。
 
由於所羅門一戰和追擊賈圖都是連續發生，當暫時平靜下來的時候疲倦感馬上衝上了我的腦袋，我連忙在洗澡後馬上就攤到床上趕緊把握時間休息。打掃戰場的任務就交給了後衛部隊負責，要知道有很多的MS都因為忽視殘骸後的伏兵而被反殺。
 
在醒來之後，我和布萊恩等人在停機坪內行走散步，看到有一架藍白色的吉姆引起了我們的注意，這一部吉姆有一個巨大的盾牌，整個盾牌誇張得可以覆蓋住整個機體，我連忙拉住一旁的維修員問這是什麼機體。
 
「哦，依部係特裝防衛型吉姆，盾牌前面仲有兩門火神炮用黎作攻擊。個盾先係重點，佢有5層結構可以防禦到實彈射擊，表面仲有一層可以緩和光束武器熱量的特殊覆膜，不過暫時依d機體都係分俾精英部隊重點使用架啦~普通人揸唔黎架~」
 
「布萊恩，依d咁笨重既機體都係唔岩我地揸，一味防守捱打都唔係我地既作風。」
 
「岩呀，最佳既防守就係進攻。」
 
「喂講返正經野先，點解尋日你咁無義氣睇住我受刑唔救我?」
 




「哈爾，我驚俾艾琳打埋一份~我怕死~」
 
我聽完布萊恩的答案後，作勢要一拳攻擊他，布萊恩很誇張地像中了空氣炮一樣倒在地上打滾。
 
----------Side3茲姆市大公府--------------
「基連，你竟然仲夠膽同我提咩作戰?你為左贏對多茲魯見死不救?」當迪金大公得知他的第二位兒子戰死沙場後激得在大公府內破口大罵。
 
「父親，我已經一早準備好援軍，只不過係多茲魯一心想戰死係所羅門，拒絕向我基西莉亞求救。」
 
「你竟然仲夠膽將責任推卸係一個拼死奮戰既人到!」
 
「多茲魯既妻女都順利撤出，咁證明左弟弟大把機會走，只係佢唔肯走。」
 
「另外父親，關於當前既戰局我有一個必勝方案，我只需要你同意用大公既名義征用一座殖民衛星，將其改裝為太陽能雷射武器。然後我軍只要再係聯邦軍集結兵力進攻我地既時候發射雷射炮全殲敵人，咁就可以為我軍帶黎勝利!」
 




「你知唔知邊個係希特拉?」迪金大公在拿起墨水筆簽署基連所草擬的命令書時，突然向基連發問。
 
「係舊世紀人物?」
 
「嗯，佢係個獨裁者，不過佢睇唔通當時世界既戰局，係我眼中你就正正係希特拉身後既一隻跟屁蟲。」
 
「父親，我同你一樣曾經參加過茲姆·戴昆既革命，我非常理解佢既思想，被重力圈束縛的地球人軟弱同愚昧，只有居住係宇宙既人民才能夠得到覺醒，有資格繼續生存。希望父親你由依家開始就坐定係大公府好好咁觀看希特拉跟屁蟲係點樣取得最後既勝利。」當聽到迪金大公嘲諷自己是跟屁蟲的基連，他怒不可遷地一手就弄皺了命令書，之後就帶同秘書賽西莉亞就離開大公府。
 
「可惜希特拉始終係輸家。」迪金大公目無表情地坐在座位上，喃喃自語地說話，之後他召來了在附近守候著的侍從長。
 
「幫我傳口訊俾聯邦軍既雷比爾，我願意接受佢地既和談條款…我受夠了一切。」
 
「係! 陛下!」