當問題少年遇上問題少女: 22.我的前度女友

「咦?我講下咋喎，乜原來係真架?」
 
「妳….妳知道d咩?」
 
「呵呵，文浩講嘅，你個ex係九真羽毛球果個Niki丫嘛」
 
我用一個怨恨眼神望過去，條友用一個花生樣望返過黎
 
我轉個頭望返Polly「妳識佢?」
 




「知道係邊個囉，有少少高竇架嘛」
 
「咁佢又唔算高竇嘅…」
 
「你而家仲幫住佢呀?佢派帽俾你喎」
 
「咁…其實呢…..又…」
 
「佢地都有聯隊打混雙，我係九真嘅線人話我知嘅，而Niki呢，就係混雙代表」
 




「新仇舊恨，一次過打低佢地」
 
「抽到佢地先得呢」
 
Polly繼續托住下巴「而且唔可以睇小對手，有好多男校女校組成聯隊….今年混雙會好刺激，而且Jessie仲未出過賽，冇人知佢正式比賽時會點」
 
Chloe又加左句「你地要夾好d默契呢，表現要比今場更好」
 
食左完飯，我又一次送Polly返屋企
 




「你真係未放低Niki?」佢轉頭同我講
 
「唔….冇話放唔放低嘅….」
 
「你冇嬲佢?佢咁對你」
 
「良禽擇木而棲，對方我好咁多，一定有比較嘅」
 
「睇黎你真係好錫佢喎，而且你仲好鍾意佢」
 
「初戀難忘，初次心痛。妳呢?妳應該有好多男朋友」
 
Polly嘟長個咀望住我抗議「你咁睇我架」
 
「其他人都講啦，靚女隊長黎啦咁樣。妳點會有男朋友?」




 
「分左手lu~」Polly好輕鬆咁講
 
「第三者?」
 
「唔係呀，同佢唔夾，咪唔好浪費時間囉」
 
「妳咁多人追，妳邊怕丫」
 
「多人追又點?總係有一日會分開」Polly低頭靜靜咁講
 
「妳總有一日會嫁出去架嘛」
 
「希望啦……」Polly好似有心事咁樣
 




「妳做咩事?唔開心咁嘅?」
 
佢突然企定定係我面前
 
「傑仔呀，你可唔可以應承我一件事?」
 
「咩事?只要唔係傷天害理，有違我良心嘅事，我都會盡力幫妳」
 
「嗯….如果…我係話如果，我唔可以再帶領羽毛球隊嘅話，我希望你可以留係我地隊波….協助Jessie帶領羽毛球隊?」
 
Polly突然咁樣講法，我好驚
 
「Polly妳有咩事?妳點會帶唔到羽毛球隊?妳係單打皇牌黎架喎」
 
「唔…可能我要去外國讀書呢，你可唔可以應承我?」




 
「好呀，一言為定」
 
佢之後又再Gut高腳錫一錫我
 
「都係你對我最好」
 
我又再一次矇下矇下咁行返去屋企
 
點解Polly要將真光羽毛球隊交俾我呢?真係好奇怪
 
時間仲早，正當我想落去老闆舖頭打躉之時，我見到Jessie係舖頭外望緊球拍同波鞋。正如老闆所講，Jessie都只係黎睇。佢睇完之後就走左去
 
老闆舖內有客人係到，所以我都唔好意思入去坐，我跟住Jessie尾走左
 




忽然又想行陣睇野，於是我就向信和方向行
 
去到法輪功果個街口果時，我見到有個好熟悉嘅女仔坐左係椅到，而且佢好似扭到腳
 
佢係Jessie，於是我走埋佢身邊