當問題少年遇上問題少女: 30.第一次踏入舖頭

「呵，小妹妹，妳終於肯入黎啦」
 
「那…那老闆你好」
 
老闆笑笑口對住梓晴
 
「聽傑仔講，妳都係滿族人?」
 
梓晴好怕羞咁答老闆
 




「係…我係佟梓晴，大連赫舍里氏，正黃旗，祖上係索尼…」
 
「呵呵，我係盛京那拉氏，正白旗，祖上係蘇克薩哈」
 
「那前輩你好…」梓晴仲係好怕羞
 
「妳唔洗咁怕羞啦，有d野我一定要做」
 
「係?」
 




「臣參見郡主，願郡主千歲千歲千千歲」
 
老闆好快向梓晴行禮，搞到佢好尷尬
 
「呀…老闆…你….平身啦」
 
「謝郡主」
 
「其實…老闆你係前輩…唔洗向我咁做」
 




我指一指自己「我呢?」
 
「你次次都要!」
 
「呵呵，都係祖上傳落黎嘅儀式。梓晴，今日我就教下妳兩個打波啦」
 
「教打波?我地著到咁樣…」
 
「練波未必需要落球場嘅，跟我黎」
 
老闆叫左員工睇舖之後，就帶左我地上閣仔，開著電腦同拎出白板
 
老闆播出一D比賽片段俾我地睇，再係白板上邊寫低D重點
 
佢好似教書咁問我地兩個，係段片到停一停




 
「呢個情況下你地會點打?」
 
梓晴諗左一諗「嗯…輕輕回俾對面場，即係…挑波」
 
老闆聽到後點點頭
 
「嗯…呢個係其中一個方法，不過係咪真係最好方法?會唔會有其他?」
 
「你諗唔諗到?」
 
「如果打大斜線呢?瞄住底線大力殺過去」
 
係指一指個mon一個位置
 




「大約呢到落，後場果個未必夠快」
 
「不過睇佢幾球，佢出手都好快」
 
我地兩個一齊望住老闆，話佢知我地諗唔到答案
 
「呵呵，睇下人地點打啦」
 
老闆撳個Play後，進攻一方殺個波過對面，係正中間，係瞄住兩個人中間一條好窄好窄嘅空位打過去
 
「有時候你地諗到嘅打法，對方都一定會諗到叉燒打對角呢d招數一場比賽用一至兩次就夠，經常用同一招嘅話，好易會有破綻。用死一招唔係唔得，不過正如李小龍話齋『我唔怕一個識一萬種踢法嘅對手，我只怕同一踢法練一萬次嘅對手』如果一招必殺唔係練到有肌肉記憶，就唔可以靠死一招」
 
「嗯….老闆你都有道理…」
 
「傑仔你打波，永遠不停向人猛攻，務求以短時間內，同對手比分距離拉到最遠。不過你一遇上逆境波你就唔識打」




 
「係…」
 
「梓晴我未見過妳打波，不過妳應該係比較謹慎果類球員，會摸清對方底細先會進攻，妳屬於心意細密果類人」
 
「嗯…都係嘅」
 
「所以你地兩個暫時都係靠技術互補不足，所以呢你地夾果時，梓晴妳要帶住傑仔打」
 
梓晴望一望我，個樣同我講，要聽佢話
 
「如果單打呢，妳都可以沉住應戰。不過妳鍾意用挑波，食人叉燒，咁打法好易俾人打反擊，所以妳練挑波之餘仲應該練下其他」
 
「知…知道」
 




「當然，你地各自擅長嘅就唔好放棄，要不停咁練習」
 
我地兩個不斷係到睇片，不停研究，直到4點左右
 
正當我地準備離開老闆舖頭果時，老闆叫停左我地
 
「梓晴，妳過黎丫」
 
「係」
 
老闆帶佢去到一堆羽毛球鞋前邊
 
「妳揀一對」
 
梓晴一直好想要一對羽毛球鞋，佢經常係舖頭門口左睇右睇
 
「老…老闆，點得架!!!」
 
「有咩唔得?」
 
「你都要賺錢架嘛」
 
我見老闆同梓晴係到互相推讓，我索性幫佢揀
 
「老闆，佢要呢對，佢著……」
 
我除左梓晴隻平底鞋睇佢碼數
 
「36號丫」
 
老闆好快拎左對36號俾梓晴試上腳，出奇地，啱著
 
梓晴拎住老闆送俾佢嘅野，喊住咁多謝老闆。我同佢返屋企放低佢嘅野