當問題少年遇上問題少女: 34.佢係我個拍檔

係露天球場練波，係有一定挑戰性係到
 
要睇下風向風速，上風位定下風位，十足十狙擊手咁樣
 
我發完一球又一球，發哂一筒波，又去執返，然後又發過
 
足足發左唔知幾多球
 
「你好勤力練波喎」
 




我一轉身，就見到梓晴坐係到望住我。係佢坐係到時，佢底褲顏色同款色走左入我眼內
 
「阿…阿晴呀…妳坐好d先啦…妳走光啦」
 
梓晴果刻先發現自已走光
 
「我…今日咩色!?」
 
「粉藍色喱士邊」
 




「死變態佬!!」
 
「妳自己俾我睇咋喎」
 
「哼!」
 
「妳執好野未?」
 
「我差兩塊拍未執咋，不過我又冇袋入佢地…」
 




「我幫妳袋啦」
 
「咁你今晚係唔係到食飯?」
 
「妳煮?」
 
「咁你肯食…我煮有咩所謂」
 
「不如咁丫」
 
「唔?」
 
「妳黎我屋企食囉」
 
「去你屋企?我又唔係你….」




 
「怕咩丫!!行啦」我拖起梓晴隻手行去我屋企
 
「我咁著會唔會好失禮呀」
 
「老實講丫，妳著校服個樣好靚」
 
「真係?」
 
「我好鍾意女仔著旗袍架」
 
「你呀!口甜舌滑呀!」梓晴笑住咁講
 
我帶住梓晴去到我屋企，其實我地屋企相距唔係好遠
 




一打開門，就已經見到今日早左放工嘅爸爸同媽咪
 
「額娘!我今日有朋友黎食晚飯呀」
 
係廚房傳出「咪又係文浩一個!」
 
不過爸爸係廳行過黎果時見到梓晴，佢已經上下打量緊佢
 
「老婆我諗你都係出黎睇下咩事好」
 
「你估個仔會帶女仔上黎食飯咩!!」
 
「妳都係出黎睇睇啦」
 
當阿媽係廚房出黎見到梓晴時，阿媽都呆左




 
「uncle，auntie你地好…我係傑仔混雙嘅拍檔，我叫佟梓晴」
 
「哦…羽毛球拍檔者」
 
我微微一笑「唔止啦，妳係咪應該去佢地兩個面前行禮呀?」
 
梓晴去到佢地兩個面前，行左半蹲禮
 
「梓晴向兩位馬法請安」
 
「半蹲禮?妹妹妳點識架?」
 
「其實…」
 




「佢係滿族人，大連正黃旗赫舍里氏，索尼係佢祖上」
 
佢地兩個又係到計輩份，仲要計得好煩下
 
「唔洗計啦，佢係帝皇血脈，滿州郡主」
 
「咁，妹妹妳仲向我地行禮?」
 
「呀….額娘同阿瑪講過，要尊重長輩」
 
「佢地而家呢?」
 
「呀…佢地唔係到啦…呢幾年都係我自己一個生活」
 
阿爸阿媽好驚訝，一個小妹妹可以自己照顧自己幾年
 
佢地邀請梓晴坐低，沖左杯滿洲奶茶俾佢飲
 
「咁梓晴妳自己住邊呀?」
 
「我..住上海街d天台屋」
 
「下!天台屋?妳一個女仔點可以架」
 
「佢自己有個私人羽毛球場，有咩唔可以」
 
「呀…只係用膠紙貼出黎…」
 
「梓晴妳係傑仔混雙拍檔?」
 
「係呀Uncle…」
 
爸爸望一望我
 
「妳同佢打過單打未?」
 
梓晴點點頭「佢一開始就猛攻」
 
「妳識唔識化解?」
 
「用慢打快……引佢上前或者將個波打去兩邊…」
 
爸爸望住我「似乎你仍然改唔到個打法」
 
「Uncle你都識打羽毛球?」
 
我同阿媽想阻止都阻唔切
 
阿爸聽到打波就立即興起
 
「呵呵!阿妹妳跟我入黎書房睇睇」
 
「係!」
 
阿爸又係到講歷史啦