當問題少年遇上問題少女: 43. 出盡全力打低舊愛?

「洗唔洗用全力打低對方?」
 
「妳指友誼賽果時?」
 
「嗯」
 
「唔需要嘅，大家交流下者」
 
「但你唔怕人地示威咩?」
 




「呵，我邊洗怕佢，我有妳係我身邊幫我手」
 
梓晴聽到後好開心
 
「咁信我?」
 
「唔信妳我信邊個?」
 
「賣口乖」
 




我好專心睇住比賽嘅片段，到Niki d片播出果時
 
不自然諗起同佢打波嘅日子
 
果時都叫做開心，兩個人打完波後行街睇戲
 
如今下一次見面，就會見到佢同新歡組成嘅混雙比賽，感覺有點兒哪個
 
Niki打法仍舊冇變，佢嘅小毛病仍然係到
 




佢係唔擅長用反手打波
 
「你個腦中已經有對策?」
 
梓晴係我身邊望住我
 
同時我望住片中Niki
 
「應付Niki，我綽綽有餘，不過唔知佢拍檔係咩實力」
 
「咁不如果日…我地示弱?第一局?」
 
「妳想試探下對方?」
 
「冇錯」




 
「妳打完單打仲會有力?」
 
梓晴好有自信
 
「咁我可以留力嘛」
 
大家睇左好耐片，仲係唔飛果隻。感覺上就好似睇av唔飛，由頭睇到尾咁樣
 
睇成幾個鐘，真係唔好話唔攰
 
睇完片後，大家準備今晚嘅bbq活動
 
我同文浩兩個係到起爐
 




「友誼賽你會同Niki對壘，你有冇問題?」
 
「我似有問題咩?」
 
我地兩個搬野食出黎，慢慢放好
 
「不過話時話，你近黎同Jessie親近左好多」
 
「唔…大家拍檔嘛」
 
「但係你地之間又好似從中殺出個Polly」
 
「喂喂喂，你諗咩呀?」
 
「拿…唔係我睇到架，係Chloe講架」




 
「阿靜佢講咩?」
 
文浩睇過周圍冇女仔果時同我講
「有傳聞，你同Jessie同Polly其中一個拍緊拖」
 
嘩!邊個咁大整估?
 
「無啦啦點會有呢d消息出黎呀?」
 
「佢地兩個經常係你身邊出現，好難唔俾人傳喎」
 
我地放低今晚嘅野食
 
「總之呢，你非常有桃花命啦」




 
我指一指係遠處嘅阿靜
 
「你都唔差呀，尋晚….」
 
文浩低頭不語「唔….其實…」
 
佢唔係咁大膽係Camp到同人啪啪啪呀?
 
「尋晚你同Chloe….搞左呀?有冇用套?」
 
文浩口窒窒咁係我面前講
 
「傻…傻啦….萬一你地突襲咁點算!?」
 
其實我地尋晚真係有諗過走去隔離房睇真人四仔
 
「咁你兩個…」
 
「呀….上個月考完大考之後…放學去左我屋企…然後…」
 
得!!明哂!!!!校服誘惑
 
我用一個好奸嘅眼神望住佢
 
「大個仔啦喎」
 
「咁…拍拖…好正常者…」
 
「爽嘛??」
 
「有咩爽唔爽，你搵Polly或者Jessie試下咪知囉。唔通當時你冇同Niki….」
 
「冇…冇呀，而家你經驗多過我啦」
 
「你…你有咩想知?」
 
「你點氹阿靜架?」
 
「咁…上到去我到…又冇人…佢都預左，好快就…」
 
我拍下佢膊頭
 
「專家!!你而家係專家啦」
 
「邊…邊到係呀」
 
「睇得多av果然係唔同D」
 
我地兩個陰陰咀笑嘅樣，俾Chloe見到，佢一見就知我地講緊三級野
 
所以佢好快走過黎我地身邊