當問題少年遇上問題少女: 61.妳係一個問題少女

「仔呀!!!!入黎幫阿晴手啦!!!!」阿媽係廚房大叫
 
「係!!!」
 
我入到廚房，見到梓晴係到洗菜
 
「嘩，阿媽妳今晚整雜菜煲呀?」
 
「唔係呀!今日你阿爸落地盤，今日係最後一日落去，佢落完地盤果日要食咩丫」
 




「打邊爐」
 
「咪係囉!!我漏左野冇買，我去買先，你幫阿晴手洗野啦」
 
「妳要買咩呀?」
 
阿媽一下凌厲眼神回望
 
「蠔!」
 




明嘅明嘅，佢地想好好黎一炮
 
阿媽出左去買蠔果時，我同梓晴兩個人係廚房洗野
 
我地企到好埋
 
「我聽到有D消息」梓晴細細聲，好尷尬咁講
 
「妳係廁所聽到我同文浩搞基?」
 




「唔係呀，佢點會係基」
 
「咁妳聽到D咩?」
 
「有傳聞….有傳聞你同Polly…之前去過街?同埋你同佢而家…」
 
我立即恍然大悟，梓晴應該係有d介意
 
「去街嘛…試過幾次囉，不過都係關於妳」
 
「關於我?」
 
「初次練波，妳拍文浩果時，妳係一個好神秘嘅問題少女」
 
「我…我邊忽係問題少女呀!」佢搵d菜黎扔我




 
「哈哈，妳之前又唔講野，又Cool，但係實力又好高不過又唔打學界，所以俾人一種好有迷離嘅感覺」
 
「咁都唔好用問題少女丫」
 
「用倩女幽魂會唔會更加好?」
 
梓晴望一望d餸「點解今晚打邊爐嘅?」
 
「哦，有時阿爸落一段日子地盤，當個Site完左，佢返office果，佢就會打邊爐補充下體力」
 
「咁阿瑪佢邊間公司呀?」
 
「佢係皇家佬喎」
 




「我仲以為佢係大判添」
 
我地今晚都幾多肉下，有肥牛、鮮牛、丸、魚皮鮫、烏冬等等
 
「點解額娘要買蠔嘅?你地好鍾意食?」
 
佢咁問我，我真係唔知點答佢喎
 
「呀…即係呢…蠔就有D….唔….比較對男士有用嘅補充體力物質係入邊嘅」
 
「咁你洗唔洗又食多D?」
 
「即係我仲後生，唔洗補住，咁可能今晚佢地要運動下，先至…..妳明架啦」
 
梓晴仲係唔太明




 
然後我就同佢講得白D
 
「今晚佢地可能要敦倫呀，所以要補助下體力，明未?」
 
我講到咁白佢先明
 
「咁…我今晚係咪少D出黎比較好呀?」
 
「妳估佢超人咩，半個鐘就夠架啦」
 
「你…你講到好似好正常咁嘅」
 
「咁兩夫婦，好正常者。唔通好似野生動物咁咩」
 




「你都有你嘅道理」
 
我地拆好哂D芋絲之類洗乾淨
 
等埋阿爸阿媽返到黎，搞掂!
 
四個人坐係廳到，大家都將肉放落去
 
感覺真好
 
「仔呀，你幫阿晴淥下野啦」
 
於是我就夾左舊牛肉俾佢
 
當然仲有其他野啦
 
「拿!!!食蠔啦你」
 
都話左我唔洗補囉
 
我地仲不停淥魚皮鮫、丸果D
 
「阿晴妳以前好少打邊爐?」
 
「唔?自從一個人生活之後都冇lu」
 
「哈哈，咁妳要食多d啦，妳咁瘦」
 
唔係掛阿媽，妳未見過佢食甜品果陣個樣者……