當問題少年遇上問題少女: 67.老虎狗的懲罰

「華仁嘅同學!請問你係到做咩呢?」係一名訓導處老師行落黎審問我
 
正當我想答佢果時，我地救星出現啦
 
「呀Miss Sin，佢係我地羽毛球隊副隊長，佢同緊Jessie傾野咋」
 
我地回頭一望，係Polly
 
佢剛先係私家車落車
 




佢爸爸渣嘅，係寶馬7系
 
Polly走過黎撓實梓晴
 
「行啦，返學啦」
 
「下….係…」
 
「唔洗咁唔捨得喎，好快又有得見面啦」
 




Polly就咁就同梓晴兩個返左真光
 
而我就行返去華仁果邊，返到自己課室，坐係窗邊望過去真光
 
我同梓晴目光對上左
 
原來佢都係坐窗邊
 
上堂期間，我有時會望一望梓晴
 




睇住佢上堂認真嘅佢，真係好吸引
 
我掛住望佢望佢…訓導主任兼化學阿sir老虎狗黎到我身邊都唔知
 
係真光嘅梓晴仍然好專心咁上堂
 
同時我耳邊出現左一把聲
 
「條女好正呵?」
 
「梓晴?幾啦」
 
「所以你就連老虎狗都唔怕啦係唔係呀?」
 
「一向都唔怕佢架啦」




 
「哦，係呀?」
 
然後身邊出現犬隻聞野嘅聲音
 
我認得，呢個係華仁內，係老虎狗獨特嘅聲音
 
我回一回神之後先諗起，係喎，而家係chem堂喎…
 
我戰戰兢兢咁望去後邊，老虎狗露出仁慈嘅微笑
 
「呀，魯SIR，咁啱呀?」
 
「係囉，咁啱呀，真光有咩好望咁呀?」
 




其他同學，佢地好多人嘅膊頭都係到震緊
 
老虎狗拍一拍我膊頭
 
「叻仔喎，咁都俾你識到隔離學校D女仔」
 
「唔係呢阿sir，上堂啦好嘛?」
 
「好…好…你想自己黎定我叫你黎呢?」
 
點都好，我係逃唔過老虎狗嘅懲罰
 
我唯有企起身，拎高自己張椅，倒轉頂係頭上邊
 
「落堂先好放低」老虎狗擺低呢一句說話就返去繼續教書




 
而我都乖乖地繼續上堂，唔再偷望梓晴
 
食午飯果時，阿靜拉住梓晴一齊出黎
 
係餐廳內，佢地三個話題自己係我
 
「傑少，做咩頭先俾人罰呀?」
 
阿靜係到恥笑我
 
「妳點會知我上堂俾人罰」
 
「你頭先上chem堂俾人罰頂住張椅上堂，好多人都知啦，你得罪左老虎狗丫嘛」
 




阿靜係電話show我頭先係課室罰企張相出黎，同時我發現呢一張相，已經係真光羽毛球隊wts group到流出
 
大家都係用一個恥笑嘅emijo黎回覆
 
包括梓晴
 
「點呀?頭先上堂搞d咩呀你?」梓晴好奇咁問我
 
「佢掛住望妳地學校呀」文浩搶先回答
 
聽到文浩咁講，阿靜好興奮
 
「你掛住望Jessie上堂呀?佢又係坐窗邊架喎!!!!係唔係者?!」
 
阿靜煩緊我果時，我個午餐到左
 
係阿靜同文浩兩個人食得好開心果時，梓晴輕輕用手肘撞我一下
 
「唔?」佢再伸個頭過黎同我咬耳仔
 
「你頭先上堂做咩俾人罰呀?你偷望女仔?」
 
我不甘示弱向佢反擊
 
「係呀!我偷望妳呀」我係佢耳邊細聲講
 
佢無面面咁對住我，然後又係我耳邊講返
 
「返屋企咪可以望到夠囉」
 
梓晴講呢句果時，塊面好紅
 
「你留心D聽書呀，一陣俾我望見你又偷望過黎，我嬲你架」
 
「係啦係啦，乖乖地聽書啦」
 
梓晴湊近我
 
「最多今晚我過黎陪你溫書?著短褲?」
 
「喂….細聲D啦」
 
「咸濕仔」
 
放學後，我又一次去真光練習









進入結局篇啦