地下鐵的約會: 3.1 葵興

3.1 葵興
一星期過去，又是一天上課日。
這天，真的看不到她了。
看來一切都是南柯一夢呢...

「睇吓啦，我都話你見佢唔到㗎啦」
「唔緊要，起碼你賺左枝鉛筆，哈哈哈」

Ben和Matthew還是持續地恥笑著我
我卻沒有閒心理會他們


畢竟她的印象，太深刻，難以忘懷。

光陰似箭，一日的課堂終於結束了。
「喂唔好成日食頹飯啦，落旺角啦」
Ben和Matthew拉著我上車去旺角。
「我要坐地鐵搵佢啊」我說
「搵乜鬼啊，你連人地個名都唔知喎」Ben恥笑著我
「唉...」

我們去了我一直期待已久的すき家，我卻提不起勁，面對最愛的牛肉丼也沒精打采。



「你唔係最鍾意牛肉飯咩？咁頹嘅」Ben一邊吃著他的炸雞說
「人地有心事嘛，係咁㗎啦」Matthew說
「唉，係唔係我自作多情呢？」我嘆氣
「係」Matthew和Ben異口同聲地說

肯定是最佳損友...

「唔好諗咁多啦，話唔定聽日見到個仲靚嘅」
「我地幫你搵個好啲㗎啦」



雖然兄弟們一直鼓勵著我，卻還是不能忘懷她呢...
我懷著這件心事踏上歸途

旺角回家，首選不用轉車的巴士吧。
巴士到站，乘客魚貫上車。
「嘟～」後方傳來餘額不足的聲音，引起了我的注意

當我一回頭，
「係妳？」我和她異口同聲說

待續.
—————————
遇見你 就像春天的到來
5個站，我和妳心房的距離