地下鐵的約會: 6.1 南昌

6.1 南昌
「唓～」Ben和Matthew鄙視著我，對我剛才的表現感到失望
「咁唔通真係錫落去咩，再講著住校服戴著口罩」我無奈地說
「唉，你咁婆媽人地梗係唔show你」
「要去馬就做足全套唔好拖拖拉拉」

好的，一致負評，他們卻連和女性溝通的機會也沒有。

「下次見到佢就要主動啲喇」
「你咁靚仔就咁錫埋去都ok啦」



Ben和Matthew不停地安慰著我
他們都是出於關心，我只好勉強擠出微笑。

唉，為女生為女死這句話，竟有一天適用在我身上。

放學後，我依舊坐地鐵回家去。

「荃灣，呢個係荃灣綫嘅尾站，多謝乘搭港鐵」



下車時，慣性的看向左邊卻令我和妳眼神碰上。

「咁啱嘅」玥婷說
「係啊...放學嘛」我說
「食左飯未？」她問
「未...宜家諗住去南豐譚仔」我對著在電梯上高我一級的玥婷說
「不如一齊...哇～」

玥婷惦記著和我一同午餐忘記看路，一把掉進我懷裡。



「呃...唔好意思啊」玥婷害羞地說，因為我碰到她的腰....
「sor...sorry啊，我無心㗎」我連忙道歉
「啊...唔緊要啦」她說

她會不會覺得我是變態？

我倆維持著尷尬的氣氛來到譚仔。

「食咩啊？」譚仔阿姐不耐煩地問
「豬肉魚蛋茄湯，走韭菜」我倆異口同聲說
「你都係食呢個？」我說

待續.
————————
世界的奇妙，讓我碰上和我一樣傻的妳。


1個站，我和妳心房的距離

今明兩個星期，結局篇